JEREMIA 23:8 - ASII LAKDAP Bible (BSI)

⁸ Kra rii na, tsangshiq raq ngi ka atra Shiikeawe, tsangshiq Israilnok ka hiqkhu nü mung wa nai maiq mung ahin pahea na atiipinbaiqha wa triitam shea wantiwe ngutiishe mitiitum. Raütiishe tsangshiq ka tsangmung niishe mishong nga wan.”

Hawa Naga Bible 2001

⁸ Kvkhoc kvtuemc tvraung, Israel miqsaz kuex ghaqkhux kox mungx wawc ngaz rueq tvpanc yurc gay tauk vganc mungtan htenc lotlaz wawc shvlc wvnc jix vtvraungx Tishox nuex tsuingshiq ngaz muex kvtuemc wuez tuex. Kvruex yimaq jix tsuingshiq kuex tsuingshiq ghaq vraungx nuex httax wuez tuex,” ngoz tueq jungx tueq.

JEREMIA 23:8 Referencias Cruzadas

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 14:1

Tatiwe ka thongshiri hali asengi Israilnok ma mangchan mitiichhikuq nong. Raüta tsangshiq ka apaiq riishe nguta mitsea wan nong. Apaiq raq tsangshiq ka tsang mung na thongshiri hali mitiishong wan nong. Kiimaq pongmungti maiq pahea kiijaq waraüta tsangshiq rai misidam.

JEREMIA 16:14

Tatiwe raq ngutlo, “Akhing ashi misaü wan mungmaiqse raq ngi mang chong raüta ngi ka atra Shiikeawe tsangshiq ka Ejip mung wa shea wantiwe ngutiika tiitum mak she miraq.

JEREMIA 16:15

Kra ngorii na, tsangshiq raq ngi mang chong raüta, ngi ka atra Shiikeawe tsangshiq Israilnok ka shekhu nü mung thun kiiwa riichom wan lata, kiimaq maiq mung thun ahin pahea na tsangshiq ka atiipin baiq wan ha kiiwa riichom wantiwe nguta mingu. Ngi raq tsangshiq ka tsangmung na tsangti tum ma akuq wan ha mung kiina hali mitsuq wan nongha. Arka Ngi, Tatiwe raq ngutiikang.”

JEREMIA 23:3

Ngi raq isenginok aso atiichong ka, ngi raq tsangshiq ka pongmung thun na ajobaiqha kriiwa adam niishe mirchomha. Lata ngi raq tsangshiq ka tsangshiq hiqshong chü na mitiishong nga wan nongha. Tsangshiq ka saütam serü pahea she mipu chi wan.

JEREMIA 29:14

Kriidea, Ngi raq ngutiikang, namshiq raq Ngi ka mihum han. Kiimaq Ngi raq namshiq ma nam mung ka mijang kuq nongha. Ngi raq namshiq ka maiq mung aweatek wa kiimaq maiqhiq aweatek na, Ngi raq namshiq ka pongmung na, ümchu mung niiwa munglu shumwi kong ma nyinbaiq kang, kra mungthun tlotli wa tsuq wan nong lata, nammung na hali mitiishong wan kang. Arka Ngi, Tatiwe raq toqtan tiikang.’

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 30:3

Jamkhano ngukla jai maq akhing saüwan raüla Ngi raq isenginok, Israil mungti nai Juda mungti ka tsangshiq hiqchü rachü kiina mitiishongnga wan nongha. Ngi raq tsangshiq ka tsangtitiim ma akuq wanha hiqshong rahai chü mung kiijaq mitsuq wan nongha. Krai mren tsangmung ka tsangshiq raq hali milap wan nong. Arka Ngi, Tatiwe raq ngutiikang.”

JEREMIA 31:8

Ngi raq tsangshiq ka sheqkhu nü mung wa mitsuq wanha, kiimaq tsangshiq ka ratho hiqrai rarai wa mitsuq wanha. Makchukti thun kiimaq akü ashii kong thun tsangshiq rai miwadam, wiise nyung kong kiimaq ase chiiho nam namti thun min miwadam. Tsangshiq ka mung jonghea pinthum she mijang wan.

JEREMIA 32:37

Ngi raq itsankhiq tsi ma nai itsankhiq walüwa hengtsi ma pongmung thun pahea na barapse na nyinshin baiq kang Israilnok ka adam na arjaq hali mitriichom wan nongha. Lata Ngi raq tsangshiq ka arhiq na mishea wan nongha. Lata tsangshiq ka hansang rakhang miishe mitiishong nga wanha.

JEREMIA 8:3

Kiimaq ara abi mungti phongwa, juwa luntaqti thun ka, Ngi raq pongmung na shumwikong ma nyinbaiqkang hiq thun na siti raq ka, atra si nam ma atsai riiki haijaq ahea riichang nguta mitiima. Arka Ngi, Ajong Pinthum Tatiwe raq ngutiikang.”

EJEKIEL 28:25

Tati Rakaü Hiqwe raq akha nguto, “Ngi raq Israilnok ka pongmung thun na anyinbaiqha kiiwa, Israil mung na hali mitiijang shea wanha. Kiimaq maiq phan tlotli raq Ngi ka asii nguta misap wan. Kiimaq Israilnok ka Ngi raq ijaqshi se Jakob ma akuqha tsang mung kiijiishe mishong nga wan.

EJEKIEL 34:13

Ngi raq tsangshiq ka pongmung thun wa mitsuq wanha, lata adam na mitriichomha. Lata tsangshiq shongchang mung kiijaq mishea wan nongha. Lata Ngi raq tsangshiq ka pum thun kiina kiimaq Israil mung na jüserai setiim kiina misheahoha, lata peohea nyiim lungrü wak ram kiina midungha.

EJEKIEL 36:24

Ngi raq namshiq ka maiq mungtek wa kiimaq maiqhiq tek wa mitsuq wanha. Lata nam mung na hali mitiijang shea wan nongha.

EJEKIEL 36:35

Maiq loweatek raq, armung arka man na rumnyangkhi she riito, shatmaq ümchaü ka Eden Sonruk ikhiishe jakito. Kiimaq chela thun ka botkhulai rai shotbaiq raüta tsiiq nai nyam tum ka run wanto, raüta hiqmiq changkhü ma tiijabaiqtaq thun kra, ümchaü sanha maiq tup tup she shong wan nongto. Kiimaq chela tro ruk thun ka kiitelong maq thep thep achhechha phan riimak she ruk baiqto nguta mingu.

EJEKIEL 37:25

Raüta tsangshiq ka Ngi raq ijaqshise Jakob ma akuqha mung, tsangtitiim siwan chang hiqchü rachü mung kiijiishe mishong nga wan. Kiijaq tsangshiq ka pattup pat-sa she mishong nga wan. Krai mren, tsang setiim kiimaq tsang saütiim ka misi wan. Ijaqshise Dawit raq jamkho mung peng wantaq kiikha hokham weshi raq tsangshiq ka pattup pat-sa she mipeng wan.

EJEKIEL 39:28

Kiijiishetiq i senginok raq Ngi ardea Tatiwe tsangshiq Shiikeawe nguta misap wan. Tsangshiq kra jamkho misap wan ngukla, Ngi raq tsangshiq ka munglu shumwi kong ma tiijabaiq wan kang. Shatmaq ümchaü ka Ngi raq tsangshiq ka adam na hali triitam tsuq wan nong kang. Lata tsang mung na hali tiishong nga wan nong tiikang. Ngi raq tsangshiq phong wa maiq weshi ra dongdii min jai na baiqthü mang.

Yoel 3:7

Riita ümchaü sanha ngi raq tsangshiq ka namshiq raq ümriimung niiwa shaphaq lan, kra mung thun wa mirchom wanha. Namshiq raq tsangshiq ka jamkho tiichamchao lan, kiitinkhan hali ngi riimin namshiq ka mitiichamchao wanha.

Mikha 7:15

Tati lei, man na ümniiraq, naishiq ka Ejip mung wa, tsuq wan laü akhing na, jamkho amao chang, jaqsham pahea klo wan laü, ikhiisii ümchaü min naishiq miitu awang chang jaqsham kuq laq.

JEPHANIA 3:20

Akhing ka saü wantlo she! Ngi raq ümsengi pongmung na, amo miirai kiiwa, jam niishe mitsuq wanha, Ngi raq ümniika mangjong tlotli na, ajong pinthum she mitiijaha. Lata ümniika thongshiri hali, chiithe jong ma mitiija wanha.” Arka Tatiwe raq ngutlo.