JEREMIA 23:9 - ASII LAKDAP Bible (BSI)

⁹ Imongjii ka bunlak buncha she, kiimaq ngi ka atiikhai rokshrok sitiikang. Jamkhano ngukla Tatiwe asi kha maq, apaiq asii bomtsi heng kha maq, ngi ka cheropwe ikhli she atiimeshi min lot mang, che pahea baknyang raüta achok raiwe ikha.

Hawa Naga Bible 2001

⁹ Ngvy thuinz vmungx kuex bunx vtueq, ngaz kuex kv-khuirc vtaungx. Yehowa ningkhvnc nuex muinz, vpiq vsawc bomc poz htenc ningkhvnc nuex muinz, ngaz kuex joal juk jix waz nuiyc svpiq tix vjvnc nuingx vtueq pawx yaq waz ikhoc yaungx vtaungx.

JEREMIA 23:9 Referencias Cruzadas

Tvtsvmc 60:3

Ümniiraq ümsenginok ka kai tiichamchao laü; naishiq ka cherop kong ikhiishe tro-tri phela raihokai.

Tvtsvmc 69:20

Shummii thoda horaq itsan she bun wanto, itsai iji wiita she doq wanto. Ngi raq mangchan tsii miitu rankang, shatmaq jurmin mangchan mak; tsaiji doketi ritkang, shatmaq jumin ahü.

ISAIA 28:1

Israil mungtan ka miqto she! Kra mung khushü ka cherop kong awelabi khu na hokham pepü khuphok aphok thun jung wantlaq ikha mut wanto. Tsangshiq shiikongkhiq khupo thun niika homseng tsai maq jutje. Shatmaq tsangshiq ka cherop makaiq kong bumtlo.

ISAIA 29:9

Kriq na, angikong lei, angi ma ja ronglaq! Makchuk konglei ahea na! Che nyanghü miili, chok rai rongliina! Che nükhuqshi min teihü miili trop miikhop phetrang rong liina!

ISAIA 51:21

Namshiq chamchao raitlan Jerusalemti lei, namshiq ka maiq che raq achokrai tropkhop raitlaq ikha tropraitlan.

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

JEREMIA 20:9

Shatmaq ngi raq ümtiikiiwa, “Ngi raq Tatiwe ka alaqli she mirbaiqha, lata apaiq mang na bom chongmang she,” nguta tiima kangla, ümbomtsi ka wa tu ikha itsan mong na tsaühea na nyaitlo. Ngi raq bomtsi ka chong mang she ninrat la nguta ninkangla, tiikhinglot mang she achongke chang she dongdii jakitlo.

JEREMIA 36:16

Apaiq raq kra tsangshiq ma phatkejai she, tsangshiq ka weshi raq weshi theaphi na liiraüta, tsanchhii wa hunshhun she riito. Raüta Barukh ma chongto, “Naishiq raq arka hokhamwe ma shok chang she.”

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

JEREMIA 8:18

Ngi chapatsi ara phum chang tsiq ka ahü; Itsan imong bunlaklak atsi.

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

AJONJÜ 3:15

Apaiq raq ngi ma akhap akhiq chamchao phaqsea kuq raüta tiikaiditlo.

EJEKIEL 13:3

Tati Rakaü Hiqwe raq akha ngutlo: “Ara angikong shammibi arka miqto she! Tsangshiq raq maiqmii tsantsii maq tiihong raüta, riisham makchhi bomtsi kra chongkuqtlo.

EJEKIEL 9:4

“Ümniika chela mong na tiikhamli kilaq, laüta ara chela mong na ashe ashi riikhiq maiqphai asi jaqsham wan kha na maiqse ümchu wa pinthum tsantsi mongtsi maq sitlaqti thun khakam na atiitsang wan chang waiq thülaq.”

EJEKIEL 9:6

Tikiibi thun kra, jerobi thun kra, jetu nyungre thun kra, anyungre thun kra, kiimaq nosere thun kra jiipbaiq ronglaq. Shatmaq ju khakam niiwa miithii awaiqthü asiti thun kriiti dü niika namshiq raq jaqmiiq mai mak. Ara i Shomjam mong armaq tsat phaho ronglaq.” Krai mren, tsangshiq raq welabi Shomjam mong na chaptlaq kriimaq jiipbaiq phahoto.

DANIEL 8:27

Ngi ka rahiq ashaqpuq tsitsü min healot mang, tsaihü jihü sikang. Latiishe ngi ka tiido kang. Lata hokhamwe raq ngi ma jaqsham kuqtaq kriishe sham wan nong kang. Shatmaq ngi ka riisham makchhi kra tiima lata, rashi hiqwea, awang riikang. Kiimaq kra liichum ka tak lot mang riikang

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.

Romans 7:9

Man na akhing ashi na, ngi ka thungtri aming sapmang maq, atra siwan kang. Shatmaq, ümtiikiiwa thungtri raq akuq aming kra, i khu thaq niishe saü wantaq, kra akhing miishe, ngarai ka i khum wa, ashai she riiwanto.