JEREMIA 23:10 - ASII LAKDAP Bible (BSI)

¹⁰ Armung ka Tatiwe wokhong na simakti maiqse riili ma-tlo; tsangshiq ka abi rilung sitlo, kiimaq tsangshiq arang ka ajiq jaqsham na langtlo. Tatiwe manson asi kha maq armung ka hoqsiqtlo, kiimaq nyamse rümchang nyiimlung ram ka shinriiqriiq shinkito.

Hawa Naga Bible 2001

¹⁰ Mungtan nuex Yehowa rueq tvmtuing vguez miqsaz dvyx tvmvrc yaq; tsuingshiq kuex honc vbac maq httax vtueq tsuingshiq luimc vkawc kuex htvp guez htaz guez rvyaq. Yehowa rueq tuemc gay ningkhvnc nuex mungtan kuex vyonz vyex nuiyc nyvmx saz guilc juing shanrawk shanrix yaungx yaq.

JEREMIA 23:10 Referencias Cruzadas

EJRA 10:18

Arthun ariiraq pongnok phan sheare lamto: Ramwebi phong wa, aweraü mang: Joshua nai anotiim weraü wiika Jehojadak setiim: Maaseia, Eliejar, Jarib, kiimaq Gedalia riito.

Tvtsvmc 107:34

Apaiq raq hiqpo hiqwin ramsea binjan thung ka shumhiq thung ma tiijabaiqto kra mung na siti raq abi klo wan khana.

ISAIA 24:6

Arkha niishe Shiikeawe raq mangjong hiq khu thaq na mansonto. Arkha na hiq na siti maiqse raq kra ngarai miitu chamchaotlo. Maiqse atra siti ka tsap wan wan she riitlo.

ISAIA 5:18

Namshiq ka miqlan she! Namshiq ka namshiq ngarai kharü mongwa donglot man she.

JEREMIA 12:11

Tsangshiq raq armung ka rumnyangkhi kumtsaiphii ma tiijabaiqto; kriika imakki na hiqmiq changkhü ma tiijabaiqto. Armung tlotli ka kumtsaiphii ma jakito, kiimaq jurmin shamsiq mak she.

JEREMIA 14:2

“Juda mung ka majo hoqtlo; achela thun wa maiq jiim wanto, asenginok ka hiq na bum raq raq hoqtrangtlo. Kiimaq Jerusalemti ka khrum jaü hoqtlo.

JEREMIA 6:13

Maiq ajong aran wiita pili raq, kampho ka arot akiq lamlu kiiwa lapwan kli shiichaq wantlo. Shammibi nai ramwebi raq dongdii min mungmaiqse ka laoliitlo.

JEREMIA 7:9

Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.

JEREMIA 9:10

Ngi raq ngukang, “Ngi raq pum thun miitu majo mihoqha kiimaq nyamse rümchang nyiimlung rii miitu mihoqha, jamkhano ngukla kriithun ka wiitashe shinkito, kiimaq kriithun lam maq maiq jumin khummak she. Nyamse kong trang ka ahü she; wushi thun nai rumnyamse thun wiitashe pinwanto.”

JEREMIA 9:12

Ngi raq waikang, “Tatiwe, riita armung arka jamlairo rumnyangkhi kumtsaiphii ma jakita? Krai mren arlam maq maiq jumin khum mak she? Ara takti taksu maiqse ka juwa? Ümniiraq jumo ara mra pintaq ara chongkuqlaü apaiq raq nanok ma chongkuqlotli chang?”

JEREMIA 9:2

Itsan mong na riiweasea kla kumtsaiphii rumnyangkhi na ngi sichang hiq bashi asi nguraüjaq ahea riichang, kiijaq inok ita makki wa alu na akihoha chang wa. Tsangshiq ka tsapkap mak pinthum, iwokhong na simak mung siiqbaiq tiikong,

Hosea 7:4

Tsangshiq ka hokham jaqkhong na siromak. Apaiq ka jamkha moraüta, tiidea chang wa kli kiimungtlo. Tsangshiq makshu rashe tsantsii ka, winsii lumchang watum ikha, winsii mijashaq wiiwii nyaitlaq ikha nyaitlo.

Yoel 1:10

Wakram thun kriimin thumthumshe thento, ahüshe. Wakram thun kiimin aho anyi walishe. Jamkhano ngukla tü nai tsam ri athum she. Che ri ahüshe, shinriiqriiq, spiq petsi tsai min ahüshe.

LEWI 5:1

Arthun ngarai klo raüla ngarai honglu kechang miraq. Maiq weshi ra ka rung na hakhi kewa miitu tiihea raüjaq, apaiq raq jamlai wa chhitaq kra chong mak, riimakla ani maq taitaq kra hakhi kuq mak raüla, kra kha miitu apaiq ka chamchao raa dongdii.

JEPHANIA 3:4

Shammibi ka maiqkamsea chang riimak, banbok mii. Ramwebi raq asii sham akai wiita, tiisheshitlo. Raüta Shiikeawe thungtri ka, atu anong tsangshiq ma amet tiidong ma, khoti rapwiiqtlo.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

1 Timothy 1:10

Kiimaq sethoq sepii jati ma, kiimaq jechak nai jechak liipan na, kiimaq maiqwe nai maiqwe liipan na, hi nai waqkong ikha, ashe ngarai tang tlaqti miitu sitlo. Kiimaq, rehuk maq maiq ka lapho lili raüta, di ma maiqsang, jamkha min ahüti kra shaphaqti miitu sitlo. Kiimaq, arot akiq chongti, kiimaq arot hakhi ketibi miitu sitlo. Kiimaq jurwa tengteng bomtsi jin raüta, ajiq kamasham lam na, mungmaiqse ma shrinkuq tlaqti miitu sitlo.

Hebrews 13:4

Maiqta khan na, maiqlam poi ka wiitarü raq pinthum shreng chang. Ata awii ngutiishe sitlaq kriika, awesetiim nai atanyungtiim liipan na, pinthum riilung riiwii maq siwan raa tlo. Jurwa ashong angawi she maq, maiq ahinti rai sethoq jaki tlaq, kiimaq maiqchak maiqse rai sraki tlaq, kriiti ka, Shiikeawe raq thaq mak, kha mitiiho.

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.