JEREMIA 12:15 - ASII LAKDAP Bible (BSI)

¹⁵ Shatmaq Ngi raq tsangshiq ka babaiq wanjai, Ngi raq tsangshiq ka atiihang mirwanha; Ngi raq maiq mung thun aweatek wa mungmaiqse ka tsangshiq ka maiqmii hiqshong na kiimaq maiqmiimii mung nahali mitsuq wan nongha.

Hawa Naga Bible 2001

¹⁵ Yuq muinz tsuingshiq kuex phic gay yix, ngaz rueq tsuingshiq muex menjenc kuq shaungx; ngaz rueq miqphvnx vshiz maq vshiz kuex tsuingshiq ghaq vraungx nuiyc tsuingshiq mungtan nuex shvlx wvnc yek shaungx.

JEREMIA 12:15 Referencias Cruzadas

JEREMIA 16:15

Kra ngorii na, tsangshiq raq ngi mang chong raüta, ngi ka atra Shiikeawe tsangshiq Israilnok ka shekhu nü mung thun kiiwa riichom wan lata, kiimaq maiq mung thun ahin pahea na tsangshiq ka atiipin baiq wan ha kiiwa riichom wantiwe nguta mingu. Ngi raq tsangshiq ka tsangmung na tsangti tum ma akuq wan ha mung kiina hali mitsuq wan nongha. Arka Ngi, Tatiwe raq ngutiikang.”

JEREMIA 24:6

Ngi raq tsangshiq ka khebom shatmaq miriimha. Lata tsangshiq ka armung arjaq hali mitiijang sheaho nongha. Ngi raq tsangshiq ka atiijonglu midung hiqha. Ngi raq tsangshiq ka tiithenbaiq mang. Ngi raq tsangshiq ka pechong ikha achhi ajang mirha. Ngi raq tsangshiq ka phai baiq mang.

JEREMIA 29:14

Kriidea, Ngi raq ngutiikang, namshiq raq Ngi ka mihum han. Kiimaq Ngi raq namshiq ma nam mung ka mijang kuq nongha. Ngi raq namshiq ka maiq mung aweatek wa kiimaq maiqhiq aweatek na, Ngi raq namshiq ka pongmung na, ümchu mung niiwa munglu shumwi kong ma nyinbaiq kang, kra mungthun tlotli wa tsuq wan nong lata, nammung na hali mitiishong wan kang. Arka Ngi, Tatiwe raq toqtan tiikang.’

JEREMIA 3:12

Apaiq raq ngi nangnga Israil phana kilaüta akha chongkuq kikiq nguta thaüto, “Sethoq nyung Israil lei, iphana jangwa nongkiq. Ngi ka mangchan heawe kiimaq khiqbi mangwe. Ngi raq ümniima pattup tsankhiq tsü ka thü mang.

JEREMIA 3:17

Ümtiikiiwa kra akhing she saüwajiiq, Jerusalem ka, ‘Tatiwe Ngachang Hokham Chaoki’ ngutiishe mingu. Kiimaq maiq phan thun wiita Jerusalem na riitam raüta, ngi mishomnoq. Tsangshiq tiima tsantsii wanshakshak nilan sitlaq kra kiimaq tsangshiq tsan mong na abi ati tiima sitlaq thun kriiraq tsangshiq ma jamlai bom wa thaütlaq kriika klomak she miraq.

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

JEREMIA 48:47

Shatmaq rawiichiiji na, Tatiwe raq Mob ka chiithe lüwa jong ma hali mitiijong wan nong. Arthun arka, Tatiwe raq chongtlaq kra phan phan she dea mihong tha wan nong.

JEREMIA 49:39

Shatmaq rawiichiiji jai maq, Ngi raq Elam mungti ka chiithe lüwanok ma hali mitii jonglu wan nongha. Arka Ngi, Tatiwe raq toqtan tiikang.”

JEREMIA 49:6

“Shatmaq rawiichiiji niishetiq, Ngi raq Ammon mung ka chiithe lüwa ma mitiija wan nongha. Arka Ngi, Tatiwe raq ngutiikang.”

DANIEL 11:4

Shatmaq apaiq mungtan ka pinthum ajong alu, ahong ala siwan tlaq bala, apaiq mungtan ajong ka mungtan blai miishe mitiikhoki. Raüta kra mungtan blai hokhambi ka apaiq lai ala phan riimak, maiq pongphanti raq mung ka misiq wan. Shatmaq tsangshiq ningkun ka apaiq ningkun jong khan ka riimak miraq.

AMO LUIK DVP (AMOS) 9:14

Ngi raq isenginok pongmung na anyin baiq wan ha wa, tsangmung niishe mitsuq wan ha. Raüta tsangshiq raq tsangshiq chela thun athen arki ka, wiita mitiihea hai wan. Raüta mishong nga wan nong. Tsangshiq spiqtsi ro thun kra michhi wan nong. Raüta spiqtai ka chamtraq minyang wan. Tsangshiq raq petsi wiqtsam ro ka, pahea michhi wan. Raüta petsi wiqtsam chamtraq miphaq siq wan.

WEAWEA 32:18

Israilnok maiq phan ahinti raq tsangshiq rii achumkuq hiqshong kra jii wan raüta mishong wan shaq wiiwii, naishiq ka maiqmii hiqshong na jangho mai mirhai.

Acts 15:16

‘Rawiichii ji na ngi ka mijang kinong ha, nguta Tati raq chongtlo. Lata Dawit mungtan ka mijang kuq wan ha. Ngi raq apaiq jam riim ka mitiihea haikuq wan ha. Lata tere rü ajong ikhiishe mitiija wan ha.

TRI CHONGKE 3:20

Namshiq maiqmiinok ata Israilnok phan thun raq Tatiwe raq tsangshiq rii achumkuq Jordan rai reko mung wa hiqshong rahai thun kra tsangshiq raq mijii wan shaq wiiwii, Tatiwe raq namshiq ma hansang maq shong nga wan miitu jamkho tiihong kuqtaq kiikha tsangshiq miimin asi chang hiq shong thun kra mitiihong kuq wan shaq wiiwii khrum kuq ronglaq. Kra lot lantiishetiq namshiq ka ara ngi raq namshiq ma hiqshong rahai chumkuq kang arjiishe jangho lantiishe mishong nga wan han.’

TRI CHONGKE 30:3

Tatiwe nam Shiikeawe raq namshiq ka atiihang mirwan. Apaiq raq namshiq ka pong mung thun kriiwa, apaiq raq namshiq wan baiqtaq mung thun kriiwa mitiijang shea wan nong. Raüta apaiq raq namshiq ka chiithe lüwanok miishe mitiija wan nong.