JEREMIA 4:1 - ASII LAKDAP Bible (BSI)

¹ Tatiwe raq ngutlo, “Israilnok lei, namshiq ka ngi pha na jang wan nong lungwii tlan jiila, iwokhong na nyap wan nong ronglaq. Namshiq ka ipuk na nyap wan lanta, iwokhong na tsapkapkap siwan han jiila, lantea ngi raq saisi tiikang sumla phra thun kra lambaiq han jiila,

Hawa Naga Bible 2001

¹ Yehowa rueq, “Israel miqsaz htenc lex, mkhoc shoc maq nuimshiq kuex ngaz kox nuex yek waungc roc ruiux yek woz luit. Mnoz ngaz muex tvmtuing httax vtuiux ngoz ruiux kuex ngaz rueq shuiuc vshaungx yac yuimx htenc kuex tvhttot lvmz gay ruiux,

JEREMIA 4:1 Referencias Cruzadas

RAPHA HIQWA LAK 35:2

Kiimaq Jakob raq ajamtitiim ma kiimaq apaiq rai siti tarü ma akha nguto, “Namshiq jaq na pong mungti sumla phra thun sitlaq kra wiita baiq ronglaq. Lanta namkhum ka wiita phumram kham maq bat lanta tiisii ronglaq. Lanta khu akhea ka asii sam ronglaq.

2 HOKHVMX 23:13

Josia raq Hokhamwe Solomon raq Jerusalem maq shedong nü siim na kiimaq Olip Hiqlam maq shemai nü siim na, maiqphai asi sumla phrakong--Sidon chelati phrakaü jechak nyung Astarte, Mob mungti phrakaü Khemosh, kiimaq Ammon mungti phrakaü Molekh shomnoq chang berong-wacha thun ka wiita jimaq nishishi tiibun baiqto.

2 HOKHVMX 23:24

Ramwe Ajong Pinthumwe Hilkia raq Shomjam mong wa lakdap ashi humtaq kriijaq waiqthütaq thungtri thun ka riikhaqli miishe langwan miitu tri tiitsin wan ningkhan she, Hokhamwe Josia raq Jerusalem chela na siti nai Juda mung na siti wulum rai riibom damti shammibi nai maiq jaq liitibi thun kra wiita jobaiqto. Kiimaq jam na shomnoqtlaq phra thun nai sumla phra thun, kiimaq thatsang chang laihin hup asam thun thatsang wiihii thun ka wiita tiisiirai lambaiqto.

2 KAÜWA WERAÜ 15:8

Asa raq Obed se Ajaria raq riisham bom chongtaq kra tai raüta apaiq tsaiji ka kongtam puqshi riito. Krai mren apaiq raq Juda mung na nai Benjamin wang na sumla phra phong ümchuwa sitlaq kra kunli runbaiqto. Kiimaq ku akin tonglong Ephraim wang wa chela thun ümchuwa apaiq raq khat raüta jiiwantaq kriiwa sumla phra thun ka kunkun runbaiqto. Kiimaq apaiq raq Shomjam rinkea na sitlaq berong-wacha kriimin atiihea hai riito.

2 KAÜWA WERAÜ 33:8

Kiimaq Israilnok raq ngi raq akuqha aming thun kra phaqchii nichii maq tai raüla, kiimaq ijaqshi se Mosheq raq tsangshiq ma Thungtri Raütu kuqtaq kra wiita lang raüta shongnga haüla, tsangshiq ka ngi raq tsangtitiim ma akuqha ara hiqshong arwa maiq ma tiijobaiq mang mirha.”

2 KAÜWA WERAÜ 34:33

Hokhamwe Josia raq maiqphai asi sumla phong Israil mung na sitlaq maiqhiq shong thun wiita tiithen baiqto. Kiimaq apaiq ka atra sishat wiiwii apaiq raq mungmaiqse ka Tatiwe tsangtitiim Shiikeawe kriili shiikum pan raa nguta peng wanto.

ISAIA 31:6

Tatiwe raq nguto, “Israilnok lei, namshiq raq imakki na ngarai tanglan kiimaq ikiq khiilan. Shatmaq ümchaü sanha iwokhong na jang wa rongkiq she!

JEREMIA 15:19

Ara ngukangta Tatiwe raq akha treto, “Ümniika iwokhong na jang wa nong haüla, Ngi raq ümniika mitao wan nongha, kiimaq ümniika ijaqshise ma hali mija nong haü. Kiimaq bang bang bomtsi kra chongke la na, ümniiraq athii atsin bomtsi ka riikhaqli maq chiiriim laüta chongkuq haü jiila, ümniika ishammi ma hali mija nonghaü. Mungmaiqse ka ümnaq phana hali miwa nong. Ümniika tsangshiq pha na kairai ngomin rarai mak she.

JEREMIA 15:4

Ngi raq mangjong maiqse tlotli ka tsangshiq miq wantaq kra chhi raüta phiip ma mitiitsaiha, jamkhano ngukla Hejekia se Manase raq apaiq raq Juda mung hokham jawantaq akhing na Jerusalem maq jamlai wa abi klo wantaq, kra kha na, Ngi raq ara klo wan tiikang.”

JEREMIA 18:11

Riita ümchaü man, Juda mungti nai Jerusalemti ma chongkuqlaq, Ngi raq tsangshiq ka tiithenbaiq miitu khatan raütu sürii wan tiikang. Tsangshiq ma imo mitiihoha. Tsangshiq ma ngarai rilung lamphan ka thaqbaiq ronglaq nguta chongkuqlaq. Tsangshiq raq ashut lamphan kra klai ronglaq kiimaq tsangshiq raq jamlai wa kiimungtlaq kra thaqbaiq ronglaq nguta chonglaq.

JEREMIA 24:9

Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

JEREMIA 25:5

Tsangshiq raq namshiq ka abi rilung lam phantlan kriiwa jang wan ronglaq kiimaq namshiq raq abi jaqsham tlan kriiwa jang wan ronglaq nguta chongkuqto. Kriika Tatiwe raq namshiq ma nai namtitiim ma pattup miitu tachong hupsam hiqshong kuqthütaq kriijaq namshiq ka rilung alu maq siwan miitu chongkuqto.

JEREMIA 3:1

Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!

JEREMIA 3:12

Apaiq raq ngi nangnga Israil phana kilaüta akha chongkuq kikiq nguta thaüto, “Sethoq nyung Israil lei, iphana jangwa nongkiq. Ngi ka mangchan heawe kiimaq khiqbi mangwe. Ngi raq ümniima pattup tsankhiq tsü ka thü mang.

JEREMIA 3:14

“Namshiq ka maiqbomtai mannok. Jangwa rongkiq. Namshiq ka iwokhong na siti dongdii. Ngi raq namshiq phong wa chela shi wa maiq weshi shi mitsea wanha. Kiimaq awe raü ashi wa maiq ka anainai mitsea wanha. Lata ngi raq namshiq ka Jajon Pum na hali mitiijang shea wan nongha.

JEREMIA 3:22

Jangwa rongkiq, namshiq tarü Tatiwe wokhong wa kiholanti thun; apaiq raq namshiq thatsi ka atiihea mirkuq kiimaq namshiq ka maiqshaq miishe mitiija wan. Namshiq raq ngutlan, “Tengto, naishiq ka Tatiwe wokhong na jang wan nongtiikai. Jamkhano ngukla apaiq ka nashiq Shiikeawe.

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 36:3

Jursap Juda mungti raq, Ngi raq tsangmung tiithenbaiq wan chongtiikang kra tsangshiq raq tai raüla, tsangshiq tsan nai tsii abi thütlaq kriilo klai raü. Kra nguraü ka Ngi raq tsangshiq ajiq ümchuwa klotlaq kiimaq tsangshiq ngarai thun kra adii mirbaiqha.”

JEREMIA 4:4

Namshiq raq tongshong raükha ka ngi raili, Ngi namshiq Tatiwe raili thü ronglaq. Lanta namshiq Juda mungti nai Jerusalemti raq, namshiq khum asai kiimaq tiima tsantsii ka wiita ngi ma kiinong kuq lantli sironglaq. Kiimaq namshiq raq ara chongtiikang kra shamwan man riihanla, namshiq raq ngarai pahea klowan lan kriikha na, itsankhiq walü ka namshiq khuthaq na milü. Kriika mikhiim wan dongdii. Kra wa kriishe liiwan raüla, kra tiimatketi maiq ka jumin ahü she miraq.”

JEREMIA 7:5

“Namshiq chap nai nga rong arai kra aklai ronglaq. Kiimaq ümchaü jamlaiwa kiimung tlan kra athaq she ronglaq. Namshiq nai namshiq liipan na weshi raq weshi ka riikhaqli thungtri maq shin lantea siwan lili ronglaq.

JEREMIA 7:7

Namshiq klai wan han jiila, armung ara ngi raq namtitiim ma pattup tachong hupsam miitu akuqha mung arjaq, namshiq ka rilung alu maq tiishongnga wan ruq mirha.

EJEKIEL 11:18

Ümtiikiiwa tsangshiq ka jang wan nong jiiq, tsangshiq raq ashe ashi, maiqphai asi sumla thun kra wiita tiisii rai tsuqbaiq wan chang miraq.

EJEKIEL 18:13

Kiimaq apaiq raq kampho ka maiq ma aliip miitu tiinam kuqtlo. Raüla apaiq ka atra misi sha? Simak. Apaiq ka rilung alu simak miraq. Jamkhano ngukla, apaiq raq arthun maiqphai asi jaqsham thun klo wanto. Kra ningkhan apaiq ka atsai miraq. Apaiq tsaitlaq kha ka apaiq riili miho phaq.

EJEKIEL 43:9

Ümchaü tsangshiq raq ahin phra thun ka shomnoq mai mak she kiimaq tsang hokhambi maa thun ka arwa lambaiq raa dongdii. Tsangshiq raq kra klo raüla, Ngi ka tsangshiq rai pattup pat-sa adam na misi wan damha.”

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

Hosea 2:2

Shiikeawe raq Israilnok ma ngutlo, “Isetiim lei, namnyung ma tsii chongkuq ronglaq. Namnyung ka ümchaü ichak riimak she. Kiimaq ngi min awese ka riimang she. Apaiq raq sethoq jasha kra thaqbaiq tlo raüjaq ahea miraq. Kiimaq mephe nyung miika jamak she nguraü jaq ahea miraq.”

Hosea 7:16

Tsangshiq ka iwokhong wa juhoto. Raüta phra sumla noqhoto. Kriika athii arii min ahü. Tsangshiq ka liqphü abi kojo ikha jakito. Jamlai ngamhiip kaichang min riimak. Tsang mung welabi kumronghea bomtlo. Kriikha na chiqse rewe jaq na mitsai. Kra chhi raüta Ejip mungti minairai,” nguta Tatiwe raq ngutlo.

Yoel 2:12

Shatmaq Tatiwe raq ngutlo, Ümchaü li jiimin namshiq raq riikhaqli maq, amang maq makphai trok lanta aho ajü achu jaü rong laq, lanta ngarai tiidii lanta, ngi phana jang wan rongra,

JEKERIA 1:4

Namtitiim pat na jamkho ngiimboq shatmaq siwantaq, kiikhii ka ümchaü naqsi rongkiq she. Man na rathup rapha pat achat niiphü, shammibi raq tsangshiq ma riisham bom maq, abi ashut ngarai rilung niili naqsi rongkiq she nguta chongkuq wanto. Shatmaq tsangshiq raq i bomchong ka taimak maq tlea raüta siwanto. Kiimaq ngi aming thun kiimin lang wan mak riito.

TRI CHONGKE 27:15

“‘Jurwa long maq, kiimaq pe maq, riimakla jin maq sumla phra ashi haitlaq, raüta ahuk se maq shomnoqtlaq, kriiti ma Shiikeawe manson minilaq. Tatiwe raq sumla noq ka saisitlo.’ “Kiimaq mung maiqse kunli raq mitre, ‘Amen!’

TRI CHONGKE 4:30

Riita ümtiikiiwa namshiq ka chamchao litkot mirhum han kiimaq kra chongkang thun mra pin wan kra namshiq riishe mirhum wan han, kra jiishetiq namshiq ka atiithum niishe Tatiwe pha niishe mijang wan nong han. Lanta apaiq wokhong niishe mishong wan han.

JOSHUA 24:14

Joshua raq bom ka akha chongkuqto, “Riita, ümchaü sanha, Tatiwe ka shreng ronglaq lanta apaiq ka tsan tiitsi lanta kiimaq tsapsaü kapse maq shiililii ronglaq. Kiimaq namtitiim raq Mesapotamia mung maq shomnoqtaq kiimaq Ejip mung maq shomnoqtaq phra thun ka wiita tiijobaiq ronglaq. Lanta Tatiwe kli she shiikum pan ronglaq.

PHOWEBI 10:16

Krai mren she, tsangshiq raq pongmung phra thun ka wiitashe miimbaiqto. Raüta Tatiwe ka shomnoqto. Kiimaq apaiq kiimin Israilnok chamchao kra chhi raüta, kaishak miili ka liilot mak she riito.

1 SAMUEL 7:3

Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”