JEREMIA 3:25 - ASII LAKDAP Bible (BSI)

²⁵ Nashiq ka hiq na bum laita jeasitsi ma, na jea ngaü tiikai homa kriimaq tiipang laitli she sichang. Nashiq pat wa nai natitiim pat wa maiq thun raq nashiq Tatiwe, nashiq Shiikeawe man na rilung wiilü ngarai tangphaq laitli siwankai. Nashiq raq apaiq aming thun ka lang wan maidea riikai.”

Hawa Naga Bible 2001

²⁵ Naungshiq kuex yvlc svy thuiuz lez woalc vtueq muingc jungc bac rueq puingc wvnc vphuex. Naungshiq yalxrox pat maq majuiuc nuex httuiuc laz, naungshiq nuiyc naungshiq jix vwaz tamx rueq Yehowa naungshiq Tishox kuex mkaq muinz yaq vtueq khawx lvlx wvnc tiq; piq rueq nvrc bomc htenc muinz phvnx wuez miq,” ngoz tueq.

JEREMIA 3:25 Referencias Cruzadas

Tvtsvmc 106:6

Naititiim raq ngarai tangto naishiq riimin ngarai tangkai; naishiq raq abi shutphit wankai.

Tvtsvmc 106:7

Naititiim raq Ejip mung maq Shiikea raq amaochang pahea shamtaq kra takmak dea riito. Apaiq raq tsangshiq ma jang pahea lungwii tiichhitaq kra laqbaiqto, kiimaq tsangshiq raq Ajong Shiikeawe kiq khiito khamjong khamshii raikii maq.

Tvtsvmc 109:29

Ijaqtibi ka shummii thoda horaüta misilaq; tsangjeasitam ka tsang dü na samtongjong kaü ikha misamlaq!

TAKSU LAK 13:18

Tsiichong taimakti ka miitsan tumtlo. Raüta jea ngaütlo. Tsiichong ason bom taiti ka, khushü asi sitlo.

TAKSU LAK 5:13

Shrabi bomchong taiwan mang riikang; Itsantsii kuq wan mang riikang.

ISAIA 48:8

Ngi raq asap-ha, namshiq ka maiq kamsea chang riimak, namshiq ka maiq wokhong na siti riiman. Kra ningkhan tiina namshiq raq ara bomtho lapwan man dongdii riilan kra, namshiq ni na ara bomtho saümak dongdii riitiika arningkhan kata.

ISAIA 50:11

Namshiq wiitarü, jurwa nanok tseabaiq miitu thiikho thutlanti ka, namshiq maiqmii raq athuhan thiikho na dea lantea mithen han. Arka Tatiwe apaiq raq mitiihong wan; namshiq ka maklii jaina tiijangphat kharii mihumphaq han.

JEREMIA 11:13

Juda mungti sumla phra phong ka Juda mung na chela thun ümchuwa sitlaq kiichu sitlo. Kiimaq Jerusalemti raq maiqphai asi Baal shomnoq chang honglu take wan chang berong-wacha thun ka Jerusalem na chiiheawea lam ümchuwa sitlaq kiichu hai wan raüta shomnoqtlo.

JEREMIA 12:13

Isenginok raq bunwong lai wanto, shatmaq sangli jutto; tsangshiq raq pinthum minshiiq shiichaqto, shatmaq jamlailiip min ahü riito. Itsankhiq henghea kha maq tsangshiq tsam wiita thento.”

JEREMIA 14:20

Naishiq raq ümmakki na ngarai tangkai, Tatiwe lei; naishiq maiqmii mra thun tiidiitiikai, kiimaq naititiim ngarai min tiidiitiikai.

JEREMIA 14:7

Isenginok raq ngi ma hoq trangtlo, ‘Naishiq ngarai raq naishiq shra raü min, naishiq khrumlaq, Tatiwe lei, ümniiraq ümkiq khamkuq laü kra phan phan. Naishiq ümwokhong wa jang pahea donghokai; naishiq raq ümmakki na ngarai tangkai.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 2:2

ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,

JEREMIA 2:26

Tatiwe raq ngutlo, “Ahukwe ka maiqraq lapho raüla jeasi khatamshi mingaü. Ikiikhiisii hali namshiq Israilnok riimin, jea mingaü han. Nam hokhambi raq, nam siihiipbi raq, nam ramwebi raq, kiimaq shammibi raq jea mingaü phaq han.

JEREMIA 20:18

Ngi raq jamlai miituli wa rawii chhikang? Kriika chamchao litkot lata ahosea miituli sha? irilung ka khushü jampaqpaq maq tsai wan ma ngutli sha?

JEREMIA 22:21

Namshiq arong awin silanji na Tatiwe raq namshiq ma chongkuqto, shatmaq namshiq raq taiman tlea lan. Namrilung wiili kriili klowan lan ihata; namshiq raq Tatiwe bom taiman tlea lan.

JEREMIA 3:13

Ümniika shutkang dea nguta mra ka tiidiilaq. Kiimaq üm Tatiwe, üm Shiikeawe kiq ka khii laü dea nguta mra ka tumlaq. Laüta pechong tong aweatek na ümniiraq üm lungwii tsü ka pongmungti phra kong ma kuq wan laü nguta tum wan laq. Kiimaq ümniiraq ngi raq akuqha aming thun ka jin wan laü dea nguta tak wan laq. Arka Ngi Tatiwe raq ngutiikang.

JEREMIA 31:19

Naishiq ka ümwokhong wa juhokai, shatmaq jaqlo liipan niili ümwokhong na jangwan nong lungwiitiikai. Ümniiraq naishiq ma mo tiiholaü she, naishiq raq naitok ka hiq na kurang hoqsiqkai. Naishiq raq jea ngaükai, kiimaq naishiq khushü tiijamkai, jamkhano ngukla naishiq noseji na ngarai tangkai.’

JEREMIA 6:26

Tatiwe raq asenginok ma akha ngutlo, “Namshiq ka wunthaü riinaü khea sam ronglaq. Lanta tapkhu ka namkhum na nyat lantea maaho manyi sironglaq. Namse seshilaq laq se maiqwe se tsaiki raüjaq jamkho hoqtlan ikha hoqsiq ronglaq. Jamkhano ngukla namshiq khatkaiti re saüho tlaq kriika tiihanghiiq miilishe misaüki. Raüta namshiq ka mikhat wan.

JEREMIA 7:19

Shatmaq riikhaqli maq liiwan raüka, tsangshiq raq ngi dea shea tiichamchaotla? Riimak. Tsangshiq raq maiqmii raq khoti mo hotlo. Raüta tsangshiq khuthaq na jeasi ngaü chang lamlu kli tanwantlo.

JEREMIA 8:14

“Riita nashiq ka arjiiqli shea minga siq rong i?” nguta Shiikeawe senginok liipan na bom riiwaitlo. “Warong i, nashiq ka kiittelong maq aruk chela thun kiina juwan rong! Laita kiijiiqtiq mitsai rong i. Nashiq Tatiwe Shiikeawe raq nashiq ka tiishutbaiqto she. Nashiq ka atsai changli she. Apaiq raq nashiq ma maiqchok chang liipu tiinyangto she. Jamkhano ngukla nashiq raq apaiq kiq khü laita ngarai tang wankai.

JEREMIA 9:18

Kiijiishe mungmaiqse raq nguto, “Tsangshiq ma chong ronglaq jaqlo kiraüta nashiq ma majo shi mishi kuqlaq, nashiq makpo thun ka makphai raq mima shaq wiiwii, kiimaq nashiq makkhii thun ka ahotsi raq makphai raq jobaibai mipiim shaq wiiwii majo mishingelaq.”

AJONJÜ 5:16

Man niiwa naishiq, liisaü wase rilung khushü thumto she. Naishiq raq ngarai tangkai, kriikha na ümchaü miqkai she.

AJONJÜ 5:7

Naititiim pat na ngarai tang wanto, shatmaq ümchaü tsangshiq ahü she. Naishiq ka tsangshiq ngarai kha na chamchao tiikai.

EJEKIEL 2:3

“Maiqse lei, Ngi raq ümniika Israilnok phana tiiki tiikang. Tsangtitiim raq ikiq khii sru wanto, raüta Ngi ngeng wanto kiikha tsangshiq riimin ikiqkhii srutlo kiimaq ümchaü min iwokhong wa dongho raüta Ngi rai riilongliiqtlo.

EJEKIEL 36:32

Israil lei, namshiq raq ara bomtsi ara sap wan ratlo; Ngi raq arthun klo wan tiikang arka, namshiq ka maiqshaq jalanta riimak. Arka namshiq raq jamlai ngarai wa klo tlan kra miitu jeasi ronglaq kiimaq jea ngaü tlan kra nai nam mun juktlaq kra sap ronglaq nguta klo kuq tiikang. Arka Ngi, Tati Rakaü Hiqwe raq ngutiikang.”

EJEKIEL 44:13

Tsangshiq raq Ngi ka ramwe ma ja raüta shiililii mai mak. Riimakla Ngi miitu jamlai phan wa asii hupsam sitlaq kra tho na walot mak. Kiimaq Asii Pinthum Khok kiijaq walot mak. Arka tsangshiq raq i maklii na maiqphai asi jaqsham klo wantaq kriikha mo tiiho tiikang.

EJEKIEL 7:18

Tsangshiq ka thoila khea wunthaü riinaü sam raüta atiikhai rok rok miraq. Tsangshiq khupo thun ka sibaiqje miraq. Tsangshiq tarü ka munjuk mijuk miraq. Jeasi raq atsai miraq.

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

Hosea 9:10

Israilnok ka rumnyangkhi kumtsaiphii na, spiqro achhi wan ikha, ngi ma rahea hum wan kang. Kiimaq tsipha shaqshaq phupmup chongtsi ikha, aphaqsea ma sumhea, namtitiim ka ngi raq, maiqlung ngamwii humwan kang, Shatmaq Peor pum na saü raüta, wuda pongwe ikha, Baal phra puk na nyap wanto Raüta tsangshiq jeangaü wanto. Raüta shekhiq miishe jawanto

JEPHANIA 1:17

Tatiwe raq ngutlo, “Ngi raq maiqse khuthaq na, achong lot mai then wan mitiisaüha, maiqse angu wiita makchukwe ikha, phang rang phiim ra miraq. Tsangshiq raq i man na ngarai tangto. Kriikha na ümchaü tsangshiq tiijai ka, kham araü ikha miraü, Kiimaq tsangmaa phong ka hiq na, küramliira minam wan.”

Romans 6:21

Riita, man na ji na, namshiq raq ngarai minshiiq wan lan kra miitu, ümchaü ka ajiasi she riitlan. Riita kriiwa namshiq ma jamlai phan amet wa lap lan? Kra thun jaqsham wan lan, kra tsingo ka namshiq ma, atsai lam siisaqli tankuq wanto!

PHOWEBI 2:2

Krai mren, namshiq raq armung na sitinok rai tongshong wan maimak. Namshiq raq tsangshiq berong-wacha thun ka wiita shiithen baiq wan ratlo.’ Shatmaq ngi raq namshiq ma jamlai bom wa chongkang kra namshiq raq klowan man dea riilan. Namshiq raq jaqsham ka angan nü na khoti sham wan lan!