JEREMIA 3:24 - ASII LAKDAP Bible (BSI)

²⁴ Shatmaq Baal phra shomnoq wankai, maiqse ma jea tiingaüti phra kaü, shomnoq wankai. Kriikha na, nashiq nyamse thun thumto. Minsaü chhechhi kong wiita sumkai. Nase maiqwe setiim thun nai jechak setiim thun wiita sumkai. Man na richü pat maq phaho raüta, natitiim raq ümtinkhan wa hunnii wantaq raüta lapkap wantaq thun ka thum thum she sumphaq kai.

Hawa Naga Bible 2001

²⁴ Yuq muinz naungshiq rueq miqyvlc vsac Bala tishox muex nawk palx wvnc tiq ningkhvnc nuex, mvnnuex maq phuex phaungc vtueq naungshiq jix vwaz tamx rueq shuimx wvnc tueq khelbuenx htenc, manx htenc nuiyc suiuz vsaz htenc phvnx ruip saz kuex tvhtumx gay wvnc tiq.

JEREMIA 3:24 Referencias Cruzadas

JEREMIA 11:13

Juda mungti sumla phra phong ka Juda mung na chela thun ümchuwa sitlaq kiichu sitlo. Kiimaq Jerusalemti raq maiqphai asi Baal shomnoq chang honglu take wan chang berong-wacha thun ka Jerusalem na chiiheawea lam ümchuwa sitlaq kiichu hai wan raüta shomnoqtlo.

JEREMIA 22:21

Namshiq arong awin silanji na Tatiwe raq namshiq ma chongkuqto, shatmaq namshiq raq taiman tlea lan. Namrilung wiili kriili klowan lan ihata; namshiq raq Tatiwe bom taiman tlea lan.

JEREMIA 44:7

“Riita, arningkhan na, Ngi, Tati Ningkun Ajongwe, Israilnok Shiikeawe raq, ümchaü namshiq ma ara bom waitiikang, namshiq maiqmii ma abi arthun jaqsham arka jamlai nguto shamtlan. Riita namshiq raq maiqse khuthaq na, maiqwere, kiimaq jechakre, kiimaq nosere khuthaq na kiimaq noshiisetiim khuthaq na, athen wan chang jaqsham ka jamlai nguto shamtlan? Ara klo tlan arkha na namshiqnok ka chongthum ma mija wan han riimak sha?

JEREMIA 8:16

Nashiq khatkaiti renok ümchaü Dan chela niishe saüto. Nashiq raq tsangshiq kumrangkong khü thutrang ka taitiikai she. Tsangshiq kumrang kong thun kra hoqtrang raüla ramok rachhai watrang ikha na mung wiita atiikhai banban she tiikhai wantlo. Nashiq jaqtinok ka na mung ara shiithen baiqkai she saükito. Namung na jamlai phan wa sitlaq kra wiita thumthum she mitiithen baiq wan. Nashiq chela thun kiimaq kiijaq siti mungmaiqse thun thum thum she mishthen baiq wan.”

JEREMIA 9:18

Kiijiishe mungmaiqse raq nguto, “Tsangshiq ma chong ronglaq jaqlo kiraüta nashiq ma majo shi mishi kuqlaq, nashiq makpo thun ka makphai raq mima shaq wiiwii, kiimaq nashiq makkhii thun ka ahotsi raq makphai raq jobaibai mipiim shaq wiiwii majo mishingelaq.”

EJEKIEL 16:19

Ngi raq ümniima phaq nai sea ahea pinthum bunwong win, olip tai kra kuqkang. Kiimaq ngiq ngu ahea pinthun kra ümniima kuqkang. Shatmaq kriithun ka ümniiraq sumla phra thun jaq wa achu shiiman lap wan ma nguta honglu na kuq wanlaü.” Arka Tati Rakaü Hiqwe raq ngutlo.

EJEKIEL 16:20

“Kriithun kra laütiishe, Ngi miitu ümsetiim maiq wesere kiimaq jechak sere thun hum wan laü kra, ümniiraq sumla phra thun kiima honglu na takuq wan laü. Riita atinkhan ümniiraq Ngi shummii wan laü arka abi pinthum riimak sha? Kra hongmak dea sha?

EJEKIEL 16:61

Kiimaq ümtiikiiwa ümnyino nyung ümnyi kiimaq ümno nyung kra ümphana hali jang wan nongjiiq, kra akhing niitiq ümniiraq ümchuwa jamkho ashut klo wan laü kra ümtsan na midong nong. Laüta jiq kang dea nguta ümjeasi she mihum haü. Ngi raq tsangshiq ka ümsetiim jechak sere ikhiishe mitiija wanha. Riita arka Ngi raq ümniirai tongshong wan kang akhing niika ara bomtsi arka tlom wan dam mang dea riikang.

EJEKIEL 16:63

Ngi raq ümshut ümphit thun ümchuwa klo wan laü kra kunkun midiibaiqha. Shatmaq ümniiraq kriithun ümtsan mong na mitiitsang haü. Kiimaq ümnü maq bom poshi dongdii min dolot maü pinthum mijeasi haü.” Arka Tati Rakaü Hiqwe raq toqtanto.

Hosea 10:6

Kra phra sumla ka Asiria mung na mipi wan, tsang hokham ajongwe ma, sepat lopi mihokuq wan. Israilnok munjuk mijuk. Tsangtok hiq na kuraqraq. Sumla noq ngam tsangshiq raq phaq.

Hosea 2:8

Apaiq ma tü atsam, che, olip petsi tai, kampho, kiimaq chaq thun ka, Ngi raq apaiq ma aphong kuqha nguta sapmak dea riito. Kriithun ka apaiq raq Baal shomnoq ma, tiisheshi baiqto.

Hosea 9:10

Israilnok ka rumnyangkhi kumtsaiphii na, spiqro achhi wan ikha, ngi ma rahea hum wan kang. Kiimaq tsipha shaqshaq phupmup chongtsi ikha, aphaqsea ma sumhea, namtitiim ka ngi raq, maiqlung ngamwii humwan kang, Shatmaq Peor pum na saü raüta, wuda pongwe ikha, Baal phra puk na nyap wanto Raüta tsangshiq jeangaü wanto. Raüta shekhiq miishe jawanto