JEREMIA 4:2 - ASII LAKDAP Bible (BSI)

² kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

Hawa Naga Bible 2001

² ngvy muingc ruingc vtueq kvtuemc vtuinx kuex nuimshiq tvkoc tsuingrux yauk shuimc muex yaungx tuex. Kvmaq miqphvnx ruip rawx rueq tsuingshiq muex ruimruimc kuy tvkoc ngvy kox wawc thoz wuez shuex, tsuingshiq rueq ngaz muex tvtsvmc kvmc wuez phuex,” ngoz tueq jungx tueq.

JEREMIA 4:2 Referencias Cruzadas

RAPHA HIQWA LAK 22:18

Ngi raq ümsaü ümsetiim shiiman kuq kang kiikha maiq phan wiita raq Ngi ma tsangshiq kiimin shiiman kuqlaq nguta mijaü. Jamkhano ngukla ümniiraq Ngi aming langlaü.”

1 HOKHVMX 3:6

Kiijiishe Solomon raq treto, “Ümniiraq ümjaqshise iwe Dawit ma wranaiqshe lungwii tsantsii jonghea tiichhikuq wan laü. Kiimaq apaiq min ümwokhong na siti maiqshaq, ümniirai tiipumtlii, kiimaq tingting maq siwanto. Kiimaq ümniiraq apaiq ma ümlungwii tsii jonghea tiichhikuq tlaü kiimaq tsaqki maü phan maq mangchan wan tlaü. Laüta apaiq ma ase ashi kuq wan laü. Krai mren ase raq ümchaü apaiq pumsong ma awe changkhü na ngaraüta mung peng wantlo.

Tvtsvmc 72:17

Hokhamwe mang ka ümtiikiimin laqmak she mirlaq; rashe ümkhiiwa thumkimak phan sitlaq kiikha apaiq mangchong kra misilaq. Shiikeawe raq hokhamwe shiimantaq kiikha tsang mung thun kiimin mishman laq nguta tsangshiq raq Shiikeawe jaq wa achu mijaülaq.

Tvtsvmc 99:4

Ajong Pinthum Hokhamwe lei, ümniiriika riikhaqli jaqsham lungwiitlaü; ümniiraq Israil mung na tingting tri raütu shonglaü she; ümniiraq kha ka tri maq phokuqtlaü kiimaq makliishi maq photlaü.

ISAIA 45:23

Ikiq kham ka tengteng, kriika klai mak phan. Ngi raq iramkok sham lata sinkham tiikang; Maiqse loweatek ngi phana miwa raüta ikhaki na kaütsrong na mibum, raüta iwokhong na misiha nguta sin mikham.

ISAIA 45:25

Ngi Tatiwe, raq Jakob saüse thun ka wiita mitiichhiiha, kiimaq tsangshiq raq Ngi mitiitsam.

ISAIA 65:16

Armung na siti jurwa achu shiiman lap wan lungwiitlaq, kriiti raq Tsapkapkap Shiikeawe jaq wa achu shiiman kuqlaq nguta achu mijaü wan. Kiimahali jurwa atiitum riiwantlaq kriiti riimin, Tsapkapkap Shiikeawe mang ka chong raüta mitiitum wan. Man na chamchao litkot ümchuwa lea wan lan, kriika ahü she miraq. Kiimaq wiita alaq she mirbaiq wan han.”

JEREMIA 10:10

Shatmaq Tatiwe, ümniika riikhaqli Shiikeawe, ümniika atra Shiikeawe, kiimaq pattup pat-sa hokham. Ümtsankhiq raüla hiqraikhü ka atiikhai riitlo; maiq mung thun raq ümtsankhiq ka ninlot mak.

JEREMIA 12:15

Shatmaq Ngi raq tsangshiq ka babaiq wanjai, Ngi raq tsangshiq ka atiihang mirwanha; Ngi raq maiq mung thun aweatek wa mungmaiqse ka tsangshiq ka maiqmii hiqshong na kiimaq maiqmiimii mung nahali mitsuq wan nongha.

JEREMIA 12:16

Kiimaq tsangshiq raq maiqmii tsan nai mongjii wiita kuq raüta, isenginok raq shomnoqtlaq lamphan kra phan raüta, kiimaq tsangshiq raq, ‘Tatiwe ka atra sishat wiiwii’ nguta tiitum wan raüla, tsangshiq raq man na isenginok ma Baal phra mang na tiitum ronglaq nguta shrinkuqtaq kiikha tsangshiq riimin tiitum wan raüla, tsangshiq kiimin isenginok rai kongshi ma mijawan kiimaq chiithe lüwanok ma mija wan.

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEREMIA 3:17

Ümtiikiiwa kra akhing she saüwajiiq, Jerusalem ka, ‘Tatiwe Ngachang Hokham Chaoki’ ngutiishe mingu. Kiimaq maiq phan thun wiita Jerusalem na riitam raüta, ngi mishomnoq. Tsangshiq tiima tsantsii wanshakshak nilan sitlaq kra kiimaq tsangshiq tsan mong na abi ati tiima sitlaq thun kriiraq tsangshiq ma jamlai bom wa thaütlaq kriika klomak she miraq.

JEREMIA 33:9

Jerusalem ka Ngi ma chochi raikuk, khushü tiijongti, kiimaq imangchong tiijongti she miraq. Mangjong hiq na siti maiq mung thun pahea raq atiikhai rokrok raüta mishreng wan. Jamkhano ngukla, Ngi raq Jerusalem chelati miitu ümtinkhan wa athuk atsom jaqsham kuq wan tiikang kiimaq Ngi raq chelati miitu ümtin khan wa achi achet chiithe liiwa tiijakuq wan tiikang kra tsütsa ka tsangshiq raq mitai wan.”

JEREMIA 5:2

Namshiq riika Tatiwe shomnoq tiikai nguta tiima tlan, shatmaq namnii maq jamlai wa ngutlan kriika tsan mong maq abom riimak.

JEREMIA 7:5

“Namshiq chap nai nga rong arai kra aklai ronglaq. Kiimaq ümchaü jamlaiwa kiimung tlan kra athaq she ronglaq. Namshiq nai namshiq liipan na weshi raq weshi ka riikhaqli thungtri maq shin lantea siwan lili ronglaq.

JEREMIA 9:24

Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”

Hosea 2:19

Lata ngi raq ümniika pattup pat-sa miitu, ijamti-nyung miishe mitiija wan ha. Ngi raq ümniika tsapsaü kapse miishe milungwii wan ha. Ngi raq ümniima lungwiitsii ka pharang rang miishe mithü wanha. Ngi raq ümniima kaphap wan tsii mitiichhikuqha.

Yoel 2:12

Shatmaq Tatiwe raq ngutlo, Ümchaü li jiimin namshiq raq riikhaqli maq, amang maq makphai trok lanta aho ajü achu jaü rong laq, lanta ngarai tiidii lanta, ngi phana jang wan rongra,

JEKERIA 8:8

Lata raq tsangshiq ka shedong mung maq riita shenyap mung na saüli atsuq wan kiiwa Jerusalem chela niishe mitiisi wan ha. Tsangshiq ka isengi ma mija. Kiimaq ngi ka tsangshiq Shiikeawe ma mija ha. Lata ngi raq tsangshiq ka tsapkapkap miishe kiimaq tingting tri sham lata mirüm wan ha.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

1 Corinthians 1:31

Riita ara chongtiikai krai mren, ara Asii bomtsi na akha chongtlo: “Jurwa atiishom ra ro tlaq, kriiti riika TATIWE raq apaiq tsea wantaq kra miituli srasea raa tlo,” nguta chongtlo.

2 Corinthians 10:17

Shatmaq, Asii bomtsi na, “Jurwa atiishomra ro tlaq, kriiti riika Tatiwe raq jamlai jaq wa sham tlaq, kriili shomra chang,” nguta chongtlo.

Galatians 3:8

Asii bomtsi na, kongkhu miiphü dongdii, Shiikeawe raq Pongnok phan maiqse ka, apaiq ma kamtsantsii thü tlaq kra lümaq, tsangshiq ka kechu maiqsetiim ma mitiija wan nguta chongke thü je she dongdii. Kiimaq kra chongtaq krai mren, Asii bomtsi raq, Abraham ma: “Ümrilung lümaq Shiikeawe raq mangjong maiqse wiitarü ma achu shiiman mikuq,” nguta Tsütsa Ahea chong kuq thiito.

TRI CHONGKE 10:20

Tatiwe namshiq Shiikeawe wokhong na phaqchii nichii maq sironglaq. Lanta apaiq kli shomnoq ronglaq. Apaiq rai tiipum tlii lanta sironglaq. Kiimaq namshiq kiqkham bomtsi kiimin apaiq mang chong lantli kham ronglaq.

TRI CHONGKE 4:30

Riita ümtiikiiwa namshiq ka chamchao litkot mirhum han kiimaq kra chongkang thun mra pin wan kra namshiq riishe mirhum wan han, kra jiishetiq namshiq ka atiithum niishe Tatiwe pha niishe mijang wan nong han. Lanta apaiq wokhong niishe mishong wan han.

TRI CHONGKE 6:13

Tatiwe namshiq Shiikeawe kra shreng ronglaq. Apaiq kli shomnoq ronglaq. Kiimaq apaiq mang niili namshiq kiqkham bomtsi kriimin kham ronglaq.

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

RUTHA 3:13

Riita ahea, ümchaü min, ümchaü rawa arka ra tiiwüli ajiili she jap laq. Anap ranap niishetiq kra bom ka mirchong phan rong i. Apaiq raq ümniika tiishong nga raü jiikla ahea. Shatmaq, ngi raq atraTatiwe mang chong lata, kiqkham tiikang, apaiq raq arang homak nguraü ka, ümnaq tiishong nga wan holai ka ngi riishe mihoha. Ümchaü ümniika ra tiiwü li ajiili she jap laq.”

1 SAMUEL 20:3

Shatmaq Dawit raq treto, “Ümwe raq ümniiraq ngi pinthum lungwii tlaü nguta asap. Kriikha na apaiq raq jamlai wa kiimungtlaq, kriika ümniimiika chongmang nguta atoqtanwi she. Jamkhano ngukla, ümtsan ka tiibitaq miraq nguta apaiq raq asap. Ngi raq atra Tatiwe mang na chongtiikang, ngi ka i rilung thum ma ajeli she!”