JEREMIA 2:6 - ASII LAKDAP Bible (BSI) Tsangshiq raq ngi bro riimak, ngi raq tsangshiq ka Ejip mung wa chhii wan kang, lata tsangshiq ka rumnyangkhi binjü maq shea wan kang: bintang jüngi nai kumtsaiphii phong lam maq, shinriiqriiq kiimaq maiqhai asi bin lam maq, kiijaq maiq jumin silot mak, kiimaq maiq jumin khumki mak lam maq. Hawa Naga Bible 2001 Ngaz rueq tsuingshiq kuex Ejip mungx wawc daungc wvnc vtueq, yaruix tvnx wvlex, kumtsvy tvnx htenc, ghaqkhurx htenc paung yaq mungx, htuiz rawk vtueq kvhiz juing paung yaq mungx, miq vshiz muinz vguez miq vshiz muinz khuemx shamx muq mungx kuex tvyanz wvnc vtueq, shvlx wvnc koq muinz tsuingshiq rueq ngaz muex wvlc guez tvyaungc yaq. |
Raüta apaiq raq kham ka Elija samtong jong kaü kiimaq riihot bukto. Raüta anü maq akha nguto, “Riita Tatiwe, Elija Shiikeawe ka ümbano?” Kiimahali apaiq raq jangshi ri hali kham thaq na buk nongto. Krai mren kham ka tiithiqrok riipheakito. Kiimaq apaiq ka jurai konii reko na hali wawan nongto.
Kra ranaiq ka ranchang ahü kiimaq, ranyaq tangtang riili mipang wan laq, kra ranaiq ka phumda maq pang baiqlaq; kiimaq rashekaü wa lambaiq laq.
Shatmaq tsangshiq ka tsang Phansangti Shiikeawe pha na wamak, apaiq ka tsangshiq ma ranyaq mong na sitlaq akhing na ran tsantsii tiichhiketiwe.
Ngi ka ranyaq tsaühea mong maq leawan changli dongki raü min, ngi ka haimang, Tatiwe lei, ümniiri ngi rai asi. Üm sku rümchang nyeakii kiimaq chongwai raq ngi tiiwongtlo.
Ngi raq man na leawantaq pat wa bom ka tiimatiikang kiimaq rathup rapha pat wa bom ka itsan na dongtlo.
Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.
Ümwokhong na nyap wan raüta achu jaü wanti maiqse ka jumin ahü. Ümwokhong na nyap wan raüta ümjaq wa khrum jaüwanti ka jumin ahü. Naishiq makki wa ümniika atiipaü she riiki laü. Laüta naishiq ka no niishe tiishaübaiq laü. Jamkhano ngukla naishiq ka ngarai bukaüli sitiikai.
Tatiwe nam Shiikeawe ka shreng ronglaq, apaiq raq ra mitiinyaq wan shaq na, kiimaq namshiq ka pum thun na mitiithap rai shaq na; namshiq rang rantlan rawiili ka ranyaq tangtang mitiijabaiq shaq na.
ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,
Ramwebi raq, ‘Tatiwe ha ümbano?’ nguta waimak, Iramwebi raq ngi sapmak. Mungtubi raq ikiq khü wanto; shammibi raq Baal phra mang na tra howanto, kiimaq thiihü sumla thun shomnoq wanto.
Tatiwe senginok raq apaiq ka no na tiishaü baiqto. Raüta akha nguto, “Apaiq raq ngohea shaq shaq ka klo mak miraq. Nashiq ma chamchao litkot akhing ka tiisaü mak miraq. Nashiq ma re ka dong mak miraq. Kiimaq ramdong ka saümak miraq.”
Namshiq riika Tatiwe shomnoq tiikai nguta tiima tlan, shatmaq namnii maq jamlai wa ngutlan kriika tsan mong maq abom riimak.
Chela thun ka wiita thento. Raüta maklii jai na tiijangphat maiqphiip maiqjiip sitlo. Raüta khamhü mung rumnyangkhi kumtsaiphii mung ikha maiq sikai min maimak kiimaq akhumkai dongdii min maimak she thento.
Israilnok ka Ejip mung na, maiqdi ma jaraüta sito. Shatmaq kriiwa, Tatiwe raq, shammi weshi tiiki raüta kharü mong wa, tiichhiikuq wanto. Raüta tiichhanchhi wanto.
Tatiwe raq ngutlo, “Ngi ka namshiq Shiikeawe. Namshiq ka Ejip mung wa sheawan kang. Namshiq Chhiiwanti Shiikeawe ka ngi arli. Ngi tlea raüta ahin Shiikeawe ahü.
Kriima kongkhuji na, ngi raq namshiq ka Ejip mung wa tsuq wan kang. Lata ngi raq namshiq ka bintang jüngi lam maq, iwokhong maq wiiroqblai shunshea wan kang. Lata ngi raq namshiq ma, Ammoraiqnok mung kra jiikuq wan kang.”
Ranyaq mong na siti maiqse raq, rawü li jonghea ashi she michhi wan. Atsai ranyaq nyang na siti ma, rawü li jonghea ashi she mili liim wan.”
“Nashiq ma Tatiwe nashiq Shiikeawe raq jamlai aming wa kuqtaq kra klokai. Nashiq ka Sinai Pum wa tiido wankai. Laita kra mung jonghea kiimaq maiqhai asi kumtsaiphii mung lam kriimaq laü wan kai. Laita ku akin tonglong mung Amoraiqnok mung niishe wawankai. Riita ümtiikiiwa nashiq ka Kadesh Barnea wang niishe saü wankai,
“Apaiq raq tsangshiq ka kumtsaiphii mung na amangmii rai wa humto, maiq ahü, rahai wa henghea bintang jiingi mung. Apaiq raq tsangshiq khup wong kuqto raüta shiikum panto, apaiq maiqmii khum tiichhiitlaq ikha.
Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.
Gideon raq apaiq ma nguto, “Shiilangwe lei, ümniima bom poshi wai pha. Riita Tatiwe ka naishiq rai asi jiika, naishiq ma atinkhan mra ka jamkho pintla? Tatiwe raq awang chang pahea jaq shamkuqto nguta naiwetiim raq phankuqtaq kriiha apaiq raq tsangshiq ka Ejip mung wa tsuq wanto nguta phantlaq kriiha ümchaü ümbano? Tatiwe naishiq ka miimbaiqto she raüta Midiannok jaqkhon mong niishe kuqbaiqto.”