JEREMIA 13:16 - ASII LAKDAP Bible (BSI)

¹⁶ Tatiwe nam Shiikeawe ka shreng ronglaq, apaiq raq ra mitiinyaq wan shaq na, kiimaq namshiq ka pum thun na mitiithap rai shaq na; namshiq rang rantlan rawiili ka ranyaq tangtang mitiijabaiq shaq na.

Hawa Naga Bible 2001

¹⁶ Piq rueq raungx max tv-nyauk gay nuex, kanx htenc htauk nuex mnoz max kvhtuy shauk; piq rueq nyauk hvlc mungx nuex max ruip gay vwuic kuex mnoz rueq tvluimc thvt yaq nuex, Yehowa m-Tishox muex tvtsanc nganc shuiuz.

JEREMIA 13:16 Referencias Cruzadas

YOBA 3:5

Kra ranaiq ka ranchang ahü kiimaq, ranyaq tangtang riili mipang wan laq, kra ranaiq ka phumda maq pang baiqlaq; kiimaq rashekaü wa lambaiq laq.

Tvtsvmc 107:10

Wiijamti tsaiji rüthatha ranyaq mong na sito, phaqtek na kharü maq tiikhashat chamchaoto,

Tvtsvmc 107:14

Apaiq raq tsangshiq ka ranyaq chamchao mong wa tiidongto kiimaq tsangshiq kharü jinraü thun pantham panthit panbaiqto.

Tvtsvmc 29:2

Tatiwe chhainyiihea mang kra tiitsam ronglaq; Asii We raq ümtiikiiwa asham tiichhikitlaq akhaki na bum ronglaq.

Tvtsvmc 44:19

Shatmaq ümniiraq naishiq ka rum ngam ngamthaiq kong phong na ümkha ijasiq tsuqbaiq laü; ümniiraq naishiq ka ranyaq tangtang mong na tiishaü baiqlaü.

DUNGWVNC 10:21

Kiijiishe Tatiwe raq Mosheq ma nguto, “Ümjaq ka ra nü na dolaq. Raüla Ejip mung tlotli na ranyaq tang tang she minyaq wan.”

TAKSU LAK 4:19

Shatmaq ngarai maiqse rilung lam ka, ranyaq tang tang li sitlo. Tsangshiq tiithap tharai chang thiikhobok ka, tsangshiq raq chhimak.

THARC TVLUINGC 11:8

Rawiitek ümrilung siwan tlaü kra miitu honkamshat maq silaq. Ümrilung ka luhea li siwan haüjii min, tsan na tiitsangshat maq thülaq, ranaiqshishi ümniika atsai chang dongdii miraq. Khaki nü na liichang ka jamin ahü.

ISAIA 5:30

Ümtiikiiwa kra ranaiq akhing she saüjiiq, raüla tsangshiq ka Israilnok khuthaq na khamjong chum blun wan tlaq ikha amok dung dung mihok wan. Liimanta, armung ara! Ranyaq tangtang kiimaq pitlang pitthea akhing she saü wato! Rawüli ka ranyaq wa riishe pangbaiq wanto.

ISAIA 59:10

Krai mren naishiq ka makchuk kong ikhli tiithap miitha laitli sitiikai. Naishiq ka ranaiq shethungpii niimin rawa thung na ikha akii aliili, ranyaq tang tang wulum mung na ikhli sitiikai.

ISAIA 59:9

Maiq raq ngutlo, “Ümchaü kla naishiq raq sapkai she naishiq ka naishiq jamshatinok jaqkhon mong wa Shiikeawe raq jam nguto tiikhup wong kuq mak. Naishiq ka rawiili na khum lungwiitiikai. Shatmaq ranyaq tang tangli sitiikai.

ISAIA 60:2

Maiq mung ahin thun ka ranyaq wan raüta mipangbaiq, Shatmaq ümkhu thaq niika Tatiwe liliim kra michhai nyii. Apaiq asi chhainyii ka ümniirai miraq.

ISAIA 8:22

Riimakla hiq na makchat jalat, makpo tiipanki nam nam milii. Shatmaq tsangshiq maklii tiichüm chang ka jamlai min ahü she miraq. Shatmaq tsangshiq raq trotam na litkot chamchao walü wali she kiimaq ranyaq tangtang saü wantlaq kriilishe michhi. Tsangshiq makki niika phiiptsi jiiptsi ranyaq mong na tsangshiq tiideabaiq wantlaq kriili she michhi.

JEREMIA 14:19

Tatiwe, riita ümniiraq Juda mung ka tiishaübaiqtlii dea shea tiishaübaiqlaü? Ümniiraq Jajon chelati ka shukhiq dea shea shuho laü? Ümniiraq naishiq ka tiinamtok langlang jam nguto tiiqbaiq laü? naishiq motsi ka ahea min healot mak she? Naishiq raq hansang singa miitu rit tiikai, shatmaq jamlai min ahea saümak; naishiq raq mung atsing mirwan ahiq nguta ran tiikai, shatmaq phiiptsi chang rahai kli saü wan ruqruq.

JEREMIA 2:6

Tsangshiq raq ngi bro riimak, ngi raq tsangshiq ka Ejip mung wa chhii wan kang, lata tsangshiq ka rumnyangkhi binjü maq shea wan kang: bintang jüngi nai kumtsaiphii phong lam maq, shinriiqriiq kiimaq maiqhai asi bin lam maq, kiijaq maiq jumin silot mak, kiimaq maiq jumin khumki mak lam maq.

JEREMIA 23:12

Tsangshiq khumchang lam thun ka tsaram tai phongli nyealaplap, kiimaq ranyaq tang tang. Ngi raq tsangshiq ka atiithap lata mitiidea baiqha, Ngi raq tsangshiq ma chamchao henghea mitiisaüha; tsangshiq ma mo tiiho akhing ka saütlo she. Arka Ngi, Tatiwe raq toqtan tiikang.

JEREMIA 4:23

Ngi raq hiqraikhü na liikang, shaqmii maiqsi chang riimak; ra nü na liikang, rawiili ahü riito.

JEREMIA 50:6

“Isenginok ka skusekong skurümti kong raq pum thun na atiimo baiq rat kong ikha, Tsangshiq ka skusekong pum ashi maq riita pum ashi na miikitlaq ikha tiimii baiqto. Kiimaq tsangshiq raq maiqmii jam ka ümba niiwa kriimin sapmak she.

JEREMIA 6:21

Arningkhan ngi raq arnok arka lam na tsangshiq tiithap thachang mithüha. Kiijaq tsangshiq ka mitiithaprai. Raüta akürai miraq. Siwe sise adam na mitsai. Krai mren siihali kongshiti thun nai jamthaq jamkiqti thun kiimin wiita dea raüta mitsai.”

JEREMIA 8:15

Nashiq ka mungtsing maq siwan miitu khekai. Kiimaq jamlai wa shut wankai kra tru wan miitu khekai. Shatmaq kriika atu li she riito. Phiiptsi chang akhing li she saü wanto.

AJONJÜ 4:17

Nashiq raq maktsi jaqtsi liikai, khrumtiwe walü, shatmaq atuli, Mung ashi raq mikhrum kuq nguta nashiq raq kheratkai ka atuli. Tsangshiq raq khrumkuqlot kak.

EJEKIEL 21:15

Ariiraq isenginok tsaiji ka tranbaiqtlo. Raüta akü alii tiithap thatlo. Ngi raq tsang chela ka rachhaitlaq ikha achai lüplüp nepja kra tiidoqsiq lata tiiphiip wan tiikang. Maiqjiipbaiq wan miitu khekham.

EJEKIEL 34:12

Skusekong ka rum na amii arki wa, sku rümti raq jamkho adam na triichom raüta, rümtlaq kiikha mirümha, Ngi raq skusekong ka kra rawa thung ranyaq tangtang akhing na jamkho tiipinjin baiqtaq kra wiita barap binrii wa mitriichom wanha.

EJEKIEL 36:15

Armung raq maiq mung thun raq apaiq shummiisea ka taisea ngomin ahü she miraq. Riimakla maiq mung thun raq thophi riiqphi apaiq slaliisea ka chhimak she miraq. Armung hiq raq asetiim thun ka tiitsaimak she miraq. Arka, Ngi, Tati Rakaü Hiqwe raq toqtan tiikang.”

Yoel 2:2

Kra khapho akhing ranaiq ka rathup ranyaq tangtang miraq. Rathaiq ranyaq ranaiq miraq. Ramak min tiichhi mak phum raq mipang ho. Kupchi thawa hiq nyaq tlii maq mipang wan. Raüta raham hiqham miwa wan. Ku akin thaq na phumthup shenyaq raq, pang wan tlaq ikha miraq. Ara thawa akhiika mannii min ahü riito. Jainiimin akhiika chhimai miraq.

AMO LUIK DVP (AMOS) 4:13

Amos raq ngutlo, “Tengto dea, pumjong thun tiiqti, kiimaq rahai tiidong wanti, maiqse han-ngam hiqda ma apaiq tiima tsantsii, tiichhike wanti. Ranaiq ka rawa ma tiija wanti, mangjong hiqraikhü tiiqlo wanti ka apaiq dea. Apaiq kata Tati Shiikeawe Ningkun Ajong Pinthum!”

AMO LUIK DVP (AMOS) 5:18

“Alei, Tatiwe ranaiq ritti ma phiiptsi chang miraq. Tatiwe ranaiq ka jaram wa rit tlan? kriika khapho ranaiq miraq! rawüli ka riimak!

MALAKI 2:2

Namshiq raq ngi ka namshiq jaqsham maq shreng ratlo. Namshiq raq ibomchong taiman riihan la, ngi raq namshiq khuthaq na manson mitiisaüha. Namshiq ramwe jaqsham jaq maq hupsam lap tlan thaq na tüsaiqsaiq misonha. Riikhaqli miika ngi raq man ason kun she. Jamkhano ngukla, namshiq raq ngi aming shreng lanta lang man.

John 12:35

Kiijiishe Jesuq raq tsangshiq bom ka treto, “Namshiq ma rawüli ka heashili she mili. Rawüli asi bala, namshiq ka rawü lam phan tlan kra, phan ruq phan lantli si ronglaq. Ranyaq raq namshiq ka pang wan tlo jiiq. Juwa ranyaq mong na khum tlaq, kriiti riika, apaiq ka ümnüno kihotla, kriika sap mak.

JOSHUA 7:19

Kiijiishe, Joshua raq Achan ma, “Ise Achan lei, ümchaü min chonglaq, Tatiwe, Israilnok Shiikeawe man na, tengteng chonglaq. Kiimaq üm mra ka tiidii laq. Ümchaü ngi ma chonglaq, ümniiraq jamlai wa riilaü? Ümniiraq ngi ma naq paükiq,” nguta waito.

1 Peter 2:8

Kiimahali Asii bomtsi bashi na, “Maiqse angu ka ara longkaü arjaq mitiithap, tsangshiq ka ara longraq kam armaq midia,” nguta chongtlo. Tsangshiq raq Tsütsa Ahea ma kam wan mak kha maq, tiithap rai wanto. Arka Shiikeawe raq tsangshiq kharü athiiq arwan miishe jawanto.

1 SAMUEL 6:5

Namshiq raq nammung tiithen baiq wantaq tsamtsi tha sumla nai jukpu tha sumla kra tiiq ratlo. Lanta namshiq raq Israilnok Shiikeawe ka shreng ratlo. Jursap akha klo han jiika, apaiq raq namshiq, namphra kong, kiimaq nammung ma apaiq mo tiiho mak she lo riijiiqla.