DUNGWVNC 8:15 - ASII LAKDAP Bible (BSI) Kiimaq hokhamwe raq makphang thun jiimtaq kra chhito. Kiimaq apaiq ka wanshak shak hali tsinki nongto. Arka Tatiwe raq chongtaq kra phan phan wankito. Kiimaq hokhamwe raq Mosheq nai Aron bom ka taimak hali lanki nongto. Hawa Naga Bible 2001 Hokhvmx waz rueq lukburx htenc thueyc kaz tueq kuex khiz vtueq, piq khux tvtsanz laq yek tueq, Yehowa rueq jungx tueq rulc rv-ngvlc Moshe nuiyc Arun kvjaz kuex hokhvmx waz rueq tay kuq muq. |
Riita Ejip mung hokhamwe ma Israilnok ka laü wanto she nguta chongkiita, apaiq nai asengi ajong alabi raq tsangshiq tsantsii ka aklai she riinongto. Raüta tsangshiq liipan na akha riingoto, “Nashiq raq ara jamlai wa riikai? Nashiq raq Israilnok ka tiijubaiqkai she. Kiimaq tsangshiq ka nashiq dikong wa sumphaq kai she ahata!”
Kiimaq Tatiwe raq Mosheq mahali nguto, “Riita ümchaü min, ümniika Ejip mung niishe jangho nongtlaü. Kiimaq Ngi raq ümniima awang chang jaqsham thun klo miitu ningkun kuq kang kra hokhamwe makki na klo miitu khekham riilaq. Shatmaq Ngi raq hokhamwe tsan tsü ka lanlaqlaq mitiija baiqha. Kiimaq apaiq raq Israilnok ka tiiwa mak miningtang.
Ejip mungti raq makphang maa phong ka riichom raüta aphong jonghea hea phong baiqto. Raüta tsang mung ka makphang maa nam tsang raq nyam wanto.
Tatiwe raq Mosheq ma nguto, “Aron ma chonglaq, anyeakii maq hiq na buklaq nguta. Raüla Ejip mung tlotli wa botkhulai ka shecham miishe mijaki.”
Kiijiishe hokhamwe raq nguto, “Namshiq ka luhea na kiho man jiila, ngi raq namshiq ka Tatiwe, namshiq Shiikeawe ma honglu takekai kumtsaiphii rumnyangkhi wang na mitiiki kang. Ngi miitu achu jaü kuqlaq.”
Kiijiishe Mosheq raq treto, “Ngi ka ümniirai kiim riiphea wan ri li, ngi raq Tatiwe jaq wa, anap ranaiq niili she longtlaq arka ümnaq, ümsengi ajong alabi, kiimaq ümsengi mungmaiqse ka mibaiq thülaq nguta achu mijaü kang. Shatmaq ümniiraq naishiq ka alao nong mai mak. Kiimaq mungmaiqse ka Tatiwe ma honglu takekai chang kiiwa naq ningtang kiq she.”
Shatmaq arlak niimin hokhamwe ka wanshak shak hali ngiimkito. Kiimaq apaiq raq Israilnok ka tiiwa mak ningtangho nongto.
Kiijiishe hokhamwe raq Mosheq nai Aron ka tiiheakito. Raüta nguto, “Tatiwe jaq wa achu jaü ronglaq, apaiq raq makphang longtlaq kra wiita mitsuq wan laq. Kiimaq ngi raq namshiqnok ka mitiiwa kang. Krai mren tsangshiq raq Tatiwe ma honglu thun ka mitaa kuqlot.”
Hikaü raq aphai mesiq tlaq ikha, angok angiti riimin la, thongshi hali shutki nongtlaq.
Jurwa tsii chongkuq kla, ja-ngiim wan wan riitlaq; kriiti ka tiihanghiiq miili she, jai na liikai chang ahü, mithen wan.
Maiqse raq mat atsa ka jeriiqriiq hea jam nguto tangtla? Tri jinti ashutti ka jaqlo thit thit tsangshiq kha kra phokuq mak, raüta tsasha mak kha maq, mat atsa pahea tang wan tlo.
Ümniiraq abi maiqse thun kra mangchantlaü; li jiimin tsangshiq raq riikhaqli jaqsham ka ümtiikiimin tlang mak. Ara kechu maiqse hiqshong na dongdii min, tsangshiq riika ajiq kriili shamtlo; tsangshiq raq ümnaq jonglu ka sap wan ro mak shipoqtlo.
Shatmaq Tatiwe raq ngutlo, “Ephraim nai Juda lei, Ngi raq namshiq rai riibom chang asi sha? Namshiq raq ngi lungwii tlan ka, ranap phumda pan wan tlaq ikha, Ranap bangkham ka, rakii raüjaq wesaq weki tlaq ikha.
Asii bomtsi na akha chongtlo, “Namshiq raq Shiikeawe bom ka ümchaü ranaiq taihan jiila, namtitiim pat na ikha, nilan ma naqja rongkiq. Tsangshiq raq Shiikeawe bom ka tai mak tleato. Tsangshiq raq Shiikeawe kiqkhii wapat wa trang ikha, sruto.”
namtitiim pat na ikha, nilan ma naqja rongkiq. Tsangshiq raq Shiikeawe bom ka taimak tleato. Tsangshiq raq bintang jüngi kumtsaiphii binjü maq, Shiikeawe ka niqsiqto. Ikiikha namshiq riimin Shiikeawe ka naq niqsiq rongkiq.”
Tsangshiq ka wiita khiim baiqto. Kiimaq wakhiim tsi ma tsangshiq raq arthun thawa arang rümti we, Shiikeawe ma manson kiqsü, riikhiq maq phaqto. Shatmaq, tsangshiq ngarai lamphan wiika tsan klai mak dea riito. Kiimaq Shiikeawe jonglu ka shomra mak dea.
Krai mren, minsaükaünai ka Beth Shemesh chela lam nünü kiina wawanto raüta lamkii niimin jin mak maq, jojuju hea lam phan phan kiina wawanto. Minsaükaünai ka awawan lam maq bowan wan wawanto. Kiimaq Philistainnok hokhambi webiingi raq kra jai na phan wan raüta, Beth Shemesh chela hiq rai kiina saüli liithü wato.
Kiijiishe tsangshiq raq treto, “Namshiq raq Israilnok Shiikeawe Tongshong Tek ka tiijang thüwa hanla, namshiq ngarai miitu, apaiq ma honglu ke chang kongphiq kuq lanta tiiwa chang miraq. Tongshong Tek ka kongphiq kehü maq tiiwa maimak. Akha klo haütiq namshiq thatsi ka mihea wan. Kiimaq namshiq raq misap han jam nguto apaiq raq namshiq ka tiichamchaota.”
Namshiq ka Ejip mung hokhamwe nai asenginok wanshakshak tsiitaq ikha, jaram tsin rai wea? Tsangshiq raq Israilnok ka Ejip mung wa mitiiwa baiq shaq wiiwii, Shiikeawe raq tsangshiq ka anginok tiijataq kra namshiq raq naq laq rongkiq.
Lanta kra awa wan ka tiitsang lii ronglaq. Riita kra Beth Shemesh chela lam nünü kiina wawan raüla, nashiq ma phiiptsi chang thawa tiisaütaq kriika Israilnok Shiikeawe riidea tiisaüto nguta sap ronglaq. Kra riimak jiika, apaiq raq thadong ka tiisaü mak dea ngushat. Kriika miinan joli thadongto nguta misap rong i.”