TAKSU LAK 29:1 - ASII LAKDAP Bible (BSI)

¹ Jurwa tsii chongkuq kla, ja-ngiim wan wan riitlaq; kriiti ka tiihanghiiq miili she, jai na liikai chang ahü, mithen wan.

Hawa Naga Bible 2001

¹ Lauk wvruip ruip tvtharc koq yuq, yvmx muinz bvlvmx lawx muq waz kuex, raungnuiyq shiz rul wvnc ruiux yuq kvtenc lot muq shex rvtuex.

TAKSU LAK 29:1 Referencias Cruzadas

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

1 HOKHVMX 18:18

“Ngi ka mungbraktiwe riimang,” nguta Elija raq apaiq bom ka treto. “Ümniikhata —ümwe namnai khata mungbrakti ka. Ümnaq nai ümwe tahii jamti raq khata Tatiwe aming thun tleati ka. Lantea Baal sumla phra phong kra shomnoq tlan kata.

1 HOKHVMX 20:42

Kiijiishe shammiwe raq hokhamwe ma nguto, “Arka Tatiwe bomtsi: ‘Ngi raq atseabaiq chang nguta aming akuqha we kra ümniiraq tiijubaiq laü. Kriikha na ümchaü sanha apaiq rii na üm miisaq kriishe mikuq haü. Kiimaq ümsengi phen phung ka apaiq phen phung tiijubaiq lan kriikha na wiita she mijiipbaiq wan.’”

1 HOKHVMX 22:28

Kiijiishe, “Ümniika hansang maq jang wan haü jiila, Tatiwe raq ngi lümaq chongmak dea ngushat miraq!” nguta Mika raq tiiphok tra chongto. Kiimaq apaiq raq akhiiri nguto, “Namshiq wiitarü raq tiitsang tai ronglaq, ngi raq jamlai wa chongkang kra!”

2 KAÜWA WERAÜ 25:16

Kiijiishe Amajia raq apaiq bom tiipit kiq ka akha khiito, “Ümniika naishiq raq hokhamwe danhonti ma ümtiiko shongkai? Kaiqshak ngalaq, riimakla ngi raq ümniika mitiise baiqha!” Shammiwe ka tsaq kito. Shatmaq apaiq riika akha nguraütiitiq tsaqto, “O, ikhla ümchaü ngi raq sapkang she. Shiikeawe raq ümniika ashthen baiq miitu atoqtan wishe. Jamkhano ngukla ümniiraq arthun ashut klo wan laü. Kiimaq ümniiraq idanhon ka shipoq baiq laü.”

2 KAÜWA WERAÜ 33:10

Tatiwe raq Manase nai asenginok ma honkam wan tsü ka chongkuqto. Shatmaq tsangshiq ka lan laqlaq li sito.

2 KAÜWA WERAÜ 36:13

Jedekia raq Hokhamwe Nebukadnejar puk wa dongho mat tanto. Apaiq ka Hokhamwe Nebukadnejar raq Shiikeawe mang na apaiq wokhong na wanse ma jalata tsapkapkap misiha nguta shiitep raüta atiitum atiisi riito. Apaiq ka wanshak shak mra tiidii mak riito. Kiimaq Tatiwe Israilnok Shiikeawe puk na nyap wan mak ngiimto.

NEHEMIA 9:29

Ümniiraq tsangshiq ma phaqthak nithak, ümtri khong na, siwan ronglaq nguta ümtin khan wa, trantsii wan laü. Shatmaq tsangshiq shiikong tsantsii asi kha maq, ümniiraq akuq haü thungtri, rilung tsitsü raü kra, lang mak maq shipoq wanto. Tsangshiq ka nilan, tsangtsantsii ka wan shak shak. Tsangshiq raq ümbomtsi ka, lang wan mak riito.

YOBA 9:4

Shiikeawe ka pinthum taksma kiimaq ningkun jonghea; apaiq man na jumin chaplot mak.

DUNGWVNC 9:7

Hokhamwe raq kra mra ka jamkho pinta nguta waito. Kiimaq Israilnok nyamse kong wiika ashira min tsaimak dea nguta tsangshiq raq apaiq ma chongto. Shatmaq apaiq ka wanshak shak li riito. Kiimaq apaiq raq Israilnok ka tiiwa mak dea riito.

TAKSU LAK 28:14

Tatiwe aming wokhong na, siti ma kechu jonghea miraq. Shatmaq jurwa atsantsii, tiitsin raüta sitlaq, kriiti ka ashthen mirbaiq.

TAKSU LAK 28:18

Mitting maiqse ka, khupwong kuq shat. Shatmaq arot akiq kiimungti ka, tiihanghiiq miili thiikho na mithap wa.

TAKSU LAK 28:28

Mungtu abiwe raq, mung peng raüla, mungmaiqse ka atiipaü miraq. Shatmaq apaiq ngacho wa dea wa jai na, kechu maiqse raq mung mipeng nong.

TAKSU LAK 6:15

Arningkhan tsangshiq ka, tiihanghiiq miili miqchup mithen wan. Tsangshiq ka tiibitaq chamchao mirhum.

ISAIA 28:22

Ngi raq namshiq ma jamlai honlam bom wa chongkuq tiikang, kra miitu naqnai rongkiq! Namshiq ka anaila riihan jiila, namshiq hangkai chang lamlu ka ahü she miraq. Ajong Pinthum Tatiwe raq armung ka tlotli tiithenbaiq miitu tri ka toqtanto she taikang.

ISAIA 48:4

Ngi raq asapha namshiq ka nilannok ma mijahan nguta, jinbu jamkho tsintlaq ikha tsin dang dang, kiimaq miiki ngam ikha atiiq ma tsinhea.

JEREMIA 14:19

Tatiwe, riita ümniiraq Juda mung ka tiishaübaiqtlii dea shea tiishaübaiqlaü? Ümniiraq Jajon chelati ka shukhiq dea shea shuho laü? Ümniiraq naishiq ka tiinamtok langlang jam nguto tiiqbaiq laü? naishiq motsi ka ahea min healot mak she? Naishiq raq hansang singa miitu rit tiikai, shatmaq jamlai min ahea saümak; naishiq raq mung atsing mirwan ahiq nguta ran tiikai, shatmaq phiiptsi chang rahai kli saü wan ruqruq.

JEREMIA 17:23

Tsangtitiim raq ibom taimak riito. Kiimaq tsantsii kuq mak riito. Ibom taiwan rii na, tsangshiq ka nilan kong ma jawanto. Kiimaq ngi raq ashrinkuqha ka tlang wan mak riito.

JEREMIA 36:31

Ngi raq ümniima, ümsaü ümsetiim ma kiimaq ümsengi ajong alabi ma mo mitiihoha. Namshiq wiitarü raq ngarai pahea tangtlan kriikha na. Ümnii riimin, kiimaq Jerusalemti mungmaiqse riimin, kiimaq Juda mungti riimin, Ngi raq ümtinkhan wa honlam tsii chongkuq wan kang kriithun ka tsan na thü wan man riilan. Kra ningkhan, ümchaü sanha, Ngi raq namshiq ma jamlai chamchao rathaiq wa mitiisaüha nguta tiiphiip wan kang kriishe mitiisaüha.”

HABAKUK 2:7

Shatmaq üm saphaü shaq niili, wansha tiija wan laü mungti ka, tiidong chhaq miili michap wan; raüta tsangshiq thiitham, ümjaq wa shiitep raüta wiiliiptam maq, mijaü wan. Ümjaqtinok saü wan raüta, ümniika tiiphiip miijiip mir wan. Tsangshiq raq ümtsiiq tum, thumthum mirun wan!

John 13:18

“Shatmaq tiina, ngi raq ara chong tiikang arka wiitarü ma wanghap niika riimak. Ngi raq namshiq ka jamkhiinok maiqsetiim wa tsea wan kang, kriika ngi raq asap ha. Asii bomtsi na, ‘Ngi rai dung pinshi na sia wan damti we raq ngi ka shaphaqto’ nguta chong tlaq kriika tiiku wan chang dongdii.

John 13:26

Kiijiishe, “Ngi raq winsii phu ka weashaü tai pin na tsam lata, ümriiti mo kuq tiikang, kriiwe ka miraq,” nguta Jesuq raq apaiq bom ka treto. Krai mren, apaiq raq winsii phu ashi ka, weashaü tai pin na tsam raüta Simon Iskariot se Judas ma kuqto.

Acts 1:18

(Judas raq sho tsiiq siqtaq kriimaq, hiq phu bashi rito. Kiijaq apaiq miisaq ka tiithum wanto. Apaiq ka apuk aji jea lili phok rai raüta tsaito.

Acts 1:25

Apaiq ka Judas, sho na kaiho chang dongdii kha maq, sho na kihotaq kra changkhü song miitu she tsea laq. Laüta, apaiq ka ümkiim we miishe shong laq.”

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.

1 SAMUEL 2:25

Maiq weshi raq weshi khuthaq na ngarai la tang raü ka, Shiikeawe raq apaiq ka mitiiwong kuqlot. Shatmaq Tatiwe ma ashut kloti ka, juro apaiq kha ka mipho kuqlot?” Shatmaq tsangnai raq awe bom ka taimak. Jamkhano ngukla Tatiwe raq tsangnai ka atsea baiq chang nguta kha atanwi she.

1 SAMUEL 2:34

Ümtiikiiwa ümsenai Hophni nai Phinehas ka ranaiqshi niili tsaijiiq, kra raüla, ümchaü ngi raq tiithai chongkang thun ka riikhaqli dea hongwato nguta ümniiraq misap haü.