1 SAMUEL 6:3 - ASII LAKDAP Bible (BSI)

³ Kiijiishe tsangshiq raq treto, “Namshiq raq Israilnok Shiikeawe Tongshong Tek ka tiijang thüwa hanla, namshiq ngarai miitu, apaiq ma honglu ke chang kongphiq kuq lanta tiiwa chang miraq. Tongshong Tek ka kongphiq kehü maq tiiwa maimak. Akha klo haütiq namshiq thatsi ka mihea wan. Kiimaq namshiq raq misap han jam nguto apaiq raq namshiq ka tiichamchaota.”

Hawa Naga Bible 2001

³ Tsuinghez rueq, “Vruex Israel Tishox Bomkhvrc Jep kuex nuimshiq rueq tvyez kuy ngoz ruiux lec, nuimshiq mvrax laung nuex yauk noalc rulc vdvmz rvkhauk laz tvwaungc naungc rax tuex. Bomkhvrc Jep kuex yauk noalc vguez maq tvyez mvy muq. Kvkhoc ngoz ruiux jix nuimshiq vmac vtsac kuex hvlx wvnc tuex, vpiq rueq yvmx ngoz tueq lac nuimshiq muex murx tvgurc yaq nguinx lvmz kvmuinz tuiuz wuez shuinx,” ngoz tueq tvralc tueq.

1 SAMUEL 6:3 Referencias Cruzadas

YOBA 10:2

Shiikeawe lei, ngi ka naq tiishut kiq. Ngi ma chong laq! Ngi shut phit ka jamlai wa?

DUNGWVNC 23:15

Abib jipi lü na, ümniiraq Ejip mung wa laü wan laü jipi lü na, Pi Maq shohü winsii phaq poi kra langlaq. Kriika Ngi raq aming kuqkang kra phan phan langlaq. Ara poi klotlan ramiishi liipan na pi maq asho winsii ka nü na thii maimak. Kiimaq Ngi shomnoq wa watlan na honglu kechang ahü jaqmii maq wa maimak.

DUNGWVNC 34:20

Shatmaq namshiq raq loweatek kumtoq se chhikhu nyungtlaq kriika ijaq wa skuse ashi ka pumsong honglu na kuq lanta dawan lili ronglaq. Namshiq raq kra ijaq wa riwan man jiila, kra kumtoqse dangkong ka atiingo buk ronglaq. Maiqwese chhikhuse loweatek ka ijaq wa ada riiwan ronglaq. “Ngi phana maiq jumin honglu kechang ahü jaqmii maq sham tiichhiwa maimak.

DUNGWVNC 8:15

Kiimaq hokhamwe raq makphang thun jiimtaq kra chhito. Kiimaq apaiq ka wanshak shak hali tsinki nongto. Arka Tatiwe raq chongtaq kra phan phan wankito. Kiimaq hokhamwe raq Mosheq nai Aron bom ka taimak hali lanki nongto.

LEWI 5:6

Kiimaq apaiq ngarai kra tham miitu apaiq raq Tatiwe ma sku kaü ashi, riimakla chhechhi kaü ka honglu na kewan ratlo. Raüta kriiwe ngarai miitu ramwe raq nyamse ka honglu na mitaa.

LEWI 6:6

Apaiq raq ramwe jaq na apaiq thiitham-honglu ka Tatiwe ma sku pongwe riimakla chhechhi akhum nyeajokjok jamlai ami atsi ahü kra kewan chang. Kra thii ka mung raq lang tlaq thii riikhaq li maq kewa chang.

TRI CHONGKE 16:16

“Nam mungti maiqwere thun tarü ka wiishi na jangtsam noqku chang hiq bashi Tatiwe raq atsea thü kiijaq kilili raüta Tatiwe ka shomnoq kai ratlo. Arka Tiichhiiwan Poi, Tsamwi Poi, kiimaq Jolitiip Jap Poi akhing na kai lili riichang. Maiqwere loweatek raq kongphiq lamho raüta kaichang.

1 SAMUEL 5:11

Kra ningkhan, tsangshiq raq thongshi ri hali Philistainnok hokhambi tlotli tiiheakai tiiki raüta akha nguto, “Israilnok Tongshong Tek ka, apaiq sichü chang hiq kiina tiijang thüwa rongkiq. Kra riihaila, kriiraq nashiqnok kiimaq nachak nasetiim tsat mak miraq.” Chela kra hamli na mungmaiqse ka pinthum phiip raq atsai riito. Jamkhano ngukla Shiikeawe raq tsangshiq ma mo tsihea tiihorat wanto.

1 SAMUEL 5:7

Ümtiikiiwa tsangshiq raq kra mra pin tlaq kra chhi raüta, tsangshiq raq akha nguto, “Israilnok Shiikeawe raq nashiq ma nai nashiq shiikea Prenkaü ma apaiq moshe tiihohoto. Nashiq raq Tongshong Tek ka alu tiisi lot maishe.”

1 SAMUEL 5:9

Shatmaq Tek ka kiijaq saü wan raüta hali, Tatiwe raq kra chelati kiimin tiichamchao wanto. Raüta pinthum tiiphiip jiipto. Apaiq raq tsangshiq kiimin wiinoktam, nosere kiimaq nyungwe tarü tsamtsi tha wa tiisaü raüta tiichamchao siqto.

1 SAMUEL 6:8

Kiimaq Tatiwe Tongshong Tek ka do ronglaq. Lanta leng na thü ronglaq. Kiimaq tekse ashi mong na thii lanta, namshiq ngarai miitu apaiq ma tiiho wantlan chaq sumla kongphiq ka asiim na tokuq ronglaq. Lanta leng ka apaiq walam kiina apaiq honhon tiiwa baiq ronglaq.

1 SAMUEL 6:9

Lanta kra awa wan ka tiitsang lii ronglaq. Riita kra Beth Shemesh chela lam nünü kiina wawan raüla, nashiq ma phiiptsi chang thawa tiisaütaq kriika Israilnok Shiikeawe riidea tiisaüto nguta sap ronglaq. Kra riimak jiika, apaiq raq thadong ka tiisaü mak dea ngushat. Kriika miinan joli thadongto nguta misap rong i.”