DUNGWVNC 8:15 - Hawa Naga Bible 2001

¹⁵ Hokhvmx waz rueq lukburx htenc thueyc kaz tueq kuex khiz vtueq, piq khux tvtsanz laq yek tueq, Yehowa rueq jungx tueq rulc rv-ngvlc Moshe nuiyc Arun kvjaz kuex hokhvmx waz rueq tay kuq muq.

ASII LAKDAP Bible (BSI)

¹⁵ Kiimaq hokhamwe raq makphang thun jiimtaq kra chhito. Kiimaq apaiq ka wanshak shak hali tsinki nongto. Arka Tatiwe raq chongtaq kra phan phan wankito. Kiimaq hokhamwe raq Mosheq nai Aron bom ka taimak hali lanki nongto.

DUNGWVNC 8:15 Referencias Cruzadas

DUNGWVNC 14:5

Ejip hokhvmx waz rueq miq htenc yuz wvnc vtuex lvmz tay vtueq, piq nuiyc piq miq vyungx vlaungx bix kuex thuinz kvlayc wvnc yek vtueq, “Naunghez rueq yvmx lac rvgay tiq nguinx! Naungshiq dax Israel miqsaz kuex tvkaz gay tiq shex vnauz!” ngoz tueq rv-ngoc wuez tueq.

DUNGWVNC 4:21

Kvruex yimaq muinz Yehowa rueq Moshe muex ngoc, “Mnoz majuiuc Ejip mungx nuex yek vtuiux ningkhvnc nuex, ngaz rueq mnoz muex kuq phaungx luimc vkawc maq hokhvmx waz khaungkac nuex vwangc juing yauk shuimc lotlaz kuex shuimx shuiuz. Yuq muinz ngaz rueq piq thuinz kuex tvtsanc kuy ningkhvnc nuex piq rueq Israel miqsaz kuex tvkaz shuex rvmuq.

DUNGWVNC 8:14

Ejip mungx miqsaz htenc rueq lukburx maungx htenc kuex tvjomx phungc gay koq tueq, wvmungx tuimx nuex nvmx thuingx tueq.

DUNGWVNC 8:16

Yehowa rueq Moshe muex ngoc, “Arun muex ngoc mngvl htulc kvmaq ghaq kuex wung shuiuz, Ejip mungx lotlaz nuex bokkhuyx httax yaq htenc kuex shoayme muex yaungx wvnc tuex,” ngoz tueq jungx shuiuz.

DUNGWVNC 8:28

Hokhvmx waz rueq, “Yehowa nuimshiq Tishox muex kumtsvy tvnx maq shomc kuy kay tvkoc ngaz rueq tvkaz phaungx, vluz nuex lawx nauk kaz kaz. Ngvy tvkoc vjux thoz kuq kuit,” ngoz tueq jungx tueq.

DUNGWVNC 8:29

Yuq muinz Moshe rueq, “Ngaz majuiuc kaz wvnc vtueq, mnoz, mmiqsaz nuiyc mmiq vyungx vlaungx bix htenc kox wawc nyoarbawx kuex invp raungnuiyq sawc wvnc tvkoc Yehowa kox wawc vjux thoz shaungx. Yuq muinz Yehowa muex shomc kuy kay jix miqsaz nuiyshiq kuex mnoz rueq laukshiz nauk laulawc nuiyc nauk tuingshaung kaz,” ngoz tueq jungx tueq.

DUNGWVNC 8:32

Yuq muinz vruex vkhing nuex httuiuc laz hokhvmx waz piq khux tvtsanc laq yek vtueq, miq htenc kuex tvkaz muq.

DUNGWVNC 8:8

Hokhvmx waz rueq Moshe nuiyc Arun kuex gvl vtueq, “Lukburx htenc kuex lvmc kuy gay tvkoc Yehowa kox wawc vjux thoz shuinz, ngaz rueq mmiqsaz htenc kuex tvkaz shaungx, kvkhoc ngoz ruiux nuimshiq rueq Yehowa muex shomc nawk kuq lvp shuinx,” ngoz tueq jungx tueq.

TAKSU LAK 26:11

Guyhex rueq vphaay tvyez saq yek yaq ikhoc vngaz jix waz kuex piq vngaz yauk shuimc kuex tvyez shuimx yek yaq.

TAKSU LAK 29:1

Lauk wvruip ruip tvtharc koq yuq, yvmx muinz bvlvmx lawx muq waz kuex, raungnuiyq shiz rul wvnc ruiux yuq kvtenc lot muq shex rvtuex.

THARC TVLUINGC 8:11

Miqsaz rueq vbac khuec vkhac htenc kuex yvmx ngoz tueq lac yoalx rek rek shuimx wuez yaq nguinx? Yvmx khoc lac ngoz ruiux lec khuec vkhac kuex yauk lox maq murx tvgurc muq ningkhvnc nuex rvtueq.

ISAIA 26:10

Mnoz rueq miqyaq jix muex menjenc kuq ruiux muinz, tsuingshiq rueq tsuingrux yauk shuimc tvkoc mkaq muinz tvluingc muq. Tsuingrux miq httax yaq vruex ghaq vraungx vyuq doc muinz, tsuingshiq rueq vyaq yauk shuimc kuex shuimx kaz wuez yaq; tsuingshiq rueq mnoz yungx luz vtuiux lvmz kuex lvp wvnc tvkoc tvdux gay yaq.

Hosea 6:4

Yuq muinz Yehowa rueq, “Israel nuiyc Yuda lex, ngaz kuex nuimshiq rulc yvmx ruec kay juing lac? Ngvy tvkoc ngoz tueq tvkhic vshuinx lungwawc thuinz kuex rvmak laz httuiz kaz yaq raungnvp wawc buing ikhoc muinz, raungnvp samaq sawc wvnc yaq tv-httuiuc ikhoc rulc muinz rv-ngvlc yaq.

Hebrews 3:15

Rumvrc luik nuex, “Majuiuc raungnuiyq nuimshiq rueq Tishox tvruingc tay ruiux yuq, Tishox muex nuimshiq jix vwaz tamx rueq khawx lvlx wvnc tueq nuex ikhoc, khux nauk tvtsanz wuez kaz,” ngoz tueq jungx tueq.

Hebrews 3:8

kumtsvy tvnx nuex baunglaung Tishox kuex khawx lvlx vtueq, vpiq taruiyx wvnc tueq nuimshiq jix vwaz tamx rueq ikhoc khux nauk tvtsanz kaz.

Revelation 16:9

Miq htenc kuex kalc hvlc kawc yaq kvraq khamc gay rvhumc vtueq, thuimkux guimz lawc jix waz Tishox muingc kuex httonx tvmx ngoz ngax wuez yaq. Yuq muinz tsuingshiq kuex thuinz kvlayc wuez muq, vpiq yungx luz yaq kvruex muinz tvtsvmc muq.

1 SAMUEL 6:12

Manx kuiux nueyc kuex Bet Shemesh lvmx kox nuex kaz wvnc vtueq, vkeq vphvrx nuex muinz nyuip muq maq tvpvnz juit vhtaq maq vboz kaz wvnc tueq. Philistin hokhvmx waz bv-ngac rueq muinz Bet Shemesh ghaqruiy nuex httuiuc laz phvnx laq naungx tueq.

1 SAMUEL 6:3

Tsuinghez rueq, “Vruex Israel Tishox Bomkhvrc Jep kuex nuimshiq rueq tvyez kuy ngoz ruiux lec, nuimshiq mvrax laung nuex yauk noalc rulc vdvmz rvkhauk laz tvwaungc naungc rax tuex. Bomkhvrc Jep kuex yauk noalc vguez maq tvyez mvy muq. Kvkhoc ngoz ruiux jix nuimshiq vmac vtsac kuex hvlx wvnc tuex, vpiq rueq yvmx ngoz tueq lac nuimshiq muex murx tvgurc yaq nguinx lvmz kvmuinz tuiuz wuez shuinx,” ngoz tueq tvralc tueq.

1 SAMUEL 6:6

Ejip hokhvmx waz nuiyc Ejip miqsaz htenc ikhoc nuimshiq rueq yvmx ngoz tueq lac khux tvtsanz wuez laq shuinx? Ejip mungx wawc Israel miqsaz htenc kuex tsuingshiq rueq tvkaz gay tueq nuex httuiuc laz Tishox rueq tsuingshiq muex yvmx khoc lac murx tvgurc wvnc tvnx kuex nuimshiq rueq nauk lauk wuez kaz.

1 SAMUEL 6:9

Kvruex yimaq kvruex kaz wvnc tuex kuex lawc shuinz; renc kuex Bet Shemesh ghaq kox nuex kaz wvnc ruiux kuex, Israel Tishox rueq naungshiq htauk nuex kvhiz juing thuimkux mac vtsac kuex tvhttuiuc kuq phuex lvmz dung tuex. Yuq muinz kvkhoc rvmuq ngoz ruiux kuex vmac vtsac kuex vpiq rueq tvkaz kuq muq lvmz naungshiq rueq tuiuz lvp shix; kvruex kuex piq mamac vmac dvyx rvhumc vtix lvmz rvtueq,” ngoz tueq jungx wuez tueq.