DUNGWVNC 40:3 - ASII LAKDAP Bible (BSI)

Laüta kra mong na Aming Roqshi thüchang Tongshong Tek ka tothülaq. Kiimaq kra khaki na khok tuk chang kheathum kra chanlaq.

Hawa Naga Bible 2001

Kvruex yuq Tvrac Rokshiz httax yaq Bomkhvrc Jep kuex htawc taq ruiux, max kox kvyuq vjuinc juing khvymvnz maq tuk shuiuz.

DUNGWVNC 40:3 Referencias Cruzadas

1 KAÜWA WERAÜ 17:5

Ngi raq Israilnok ka Ejip mung wa tiichhii wan kang kriimaq pha wan lata, ümchaü akhing na saüli, Ngi ka shomjam na siwan mangdea. Ngi ka tombutiip setiim niili siwan kang. Lata bashi na siwan wan li siwan kang.

DUNGWVNC 25:10

“Akasia pe maq tek kaü ashi hailaq. Kriika alu nü na 110 sentimitar, ajong nü na 66 sentimitar, kiimaq adii lu nü na 66 sentimitar.

DUNGWVNC 25:22

Ngi raq ümniirai ka kiijaq mirhum kang. Kiimaq apang chang thaq na cherubim kaünai hea wea kiimaq Ngi raq ümniima Israilnok miitu ithung tri ka wiita mikuq kang.

DUNGWVNC 26:31

“Kiimaq achan chang kheathum kaü ka müsaisai raihi-nairai ka raiwai, mintiitii kiimaq unirai shii maq taqlaq. Kra kheathum na cherubim sumla thun ka chhang waiqlaq.

DUNGWVNC 31:7

Ngi asi Tombutiip kra, Tongshong Tek kra kiimaq kra pang chang kra, kiimaq Tombutiip mong na thüchang hupsam thun kra,

DUNGWVNC 35:12

Tongshong Tek kaü kra, kra pichang pepum wiinai kra, kra pangchang ahap kra, kiimaq kra tukchang kheathum chan tlaq kra;

DUNGWVNC 35:4

Mosheq raq Israilnok mungmaiqse tlotli ma nguto, “Tatiwe raq akha aming kuqto:

DUNGWVNC 39:32

Kiimaq Tatiwe asi Tombutiip miitu jaqsham chang ümchuwa sitlaq kriika kun kun she lotto. Tatiwe raq Mosheq ma aming tattaq kra phan phan Israilnok raq jaqsham ka phanrap phanrii kloto.

LEWI 16:14

Kiimaq apaiq raq saüla pongwe ngam tiijai wiijam ka milam. Raüta ajaq shi maq kra apang chang khaki nü ba kiijaq ngam tiijai ka mibat. Kiimaq raüta ngam tiijai wiijam kriimaq Tongshong Tek khaki na jang miishi mibat.

WEAWEA 4:5

Tatiwe raq Mosheq ma tsii ka akha chong kuqto. Ümtiikiiwa piitiip thun kra siiq wan akhing saütlaq, Aron nai asetiim ka Tombutiip mong na nyap wa chang. Raüta Tongshong Tek kaü khaki na chantlaq khea thum kra lamchang. Raüta kriimaq Tek kra pang chang.

Hebrews 9:3

Kra jai wa among na hali khok ashi asi. Kra khok ka kheathum ajong wiq maq chansaq raüta arai tuk thü. Kra tapmong khok kriika, Asii Thaq Niimin Asii khok nguta ngutlo.

Revelation 11:19

Kiijiishe, ngi raq ramungtan wa Shiikeawe shomjam kilü ka dito chhikang. Kiimaq Tongshong Tek kiimin shomjam mong na chhikang. Kiimiili she rachhai ralüp watrang, ramok wa trang, kiimaq hiqjong muwa trang, kiimaq tsakhiiq rokwa trang liishe chhikang.