WEAWEA 4:5 - ASII LAKDAP Bible (BSI)

⁵ Tatiwe raq Mosheq ma tsii ka akha chong kuqto. Ümtiikiiwa piitiip thun kra siiq wan akhing saütlaq, Aron nai asetiim ka Tombutiip mong na nyap wa chang. Raüta Tongshong Tek kaü khaki na chantlaq khea thum kra lamchang. Raüta kriimaq Tek kra pang chang.

Hawa Naga Bible 2001

⁵ Yehowa rueq Moshe muex vkhoc jungx kuq tueq. Jerak kvruex httak gay vkhing httuiuc ruiux yuq, Arun nac sahez kuex Tap mungx kvyuq nyuip vtueq, Bomkhvrc Jep khaungkac nuex httax yaq vtuk juinc juing kuex lvmz vtueq, kvruex maq Jep kuex puingc rax.

WEAWEA 4:5 Referencias Cruzadas

1 KAÜWA WERAÜ 15:15

Krai mren Tatiwe raq Mosheq ma aming kuqtaq kra phan phan Lewi phan raq Tongshong Tek ka kinrii na tiida raüta tsang phaq lam na piwanto.

1 KAÜWA WERAÜ 23:26

Kra ningkhan ümchaü sanha Lewi phan raq Tatiwe asi Tombutiip nai noqku na langchang hupsam thun kra pirea ngomin rarai mak she.”

2 KAÜWA WERAÜ 3:14

Kiimaq Asii Pinthum Khok kra raituk chang ka kheathum kaü ajongwiq ashi ka müsaisai raihi-nairai ka laihin rai maq shot raüta taqto. Raüta kra khea ka rongwai maq, kiimaq mintiitii rong maq, kiimaq rongshii maq shot raüta loto. Raüta kra khea mong na cherubim sumla ka kheathaq na waiqto. Raüta tiimiikhiiqto.

DUNGWVNC 36:35

Kiimaq tsangshiq raq achan chang khea thum ka müsaisai raihi-nairai maq, raiwai, mintiitii, kiimaq uniraishii maq trai trai raüta taqto. Raüta kiijaq awaiq angon rai maq cherubim sumla thun kra chhangto.

DUNGWVNC 40:3

Laüta kra mong na Aming Roqshi thüchang Tongshong Tek ka tothülaq. Kiimaq kra khaki na khok tuk chang kheathum kra chanlaq.

DUNGWVNC 40:5

Kiimaq chaq berong-wacha homseng honglu chaq chang ka Tongshong Tek khaki na tolaq. Kiimaq Tombutiip na nyap wachang kilü kheathum kra chanlaq.

ISAIA 25:7

Arjaq apaiq raq mangjong hiq na siti maiq mung thun khuthaq na tsanbi hosi phumda raq pangtlaq kra tsuqbaiq saqli she mitsuq baiq.

LEWI 16:2

Apaiq raq nguto, “Ümphu Aron ma chonglaq, apaiq ka akhing riikhaqli niitiq, kheachan khetuk jai na Asii Pinthum Khok kiijaq nyapwa ratlo. Jamkhano ngukla kiijaq Ngi ka Tongshong Tek pang chang thaq na phumda mong na kilata riihumki tiikang. Kiimaq apaiq raq ibom kla tlea raüla, apaiq ka atsea mirbaiq.

WEAWEA 10:14

Kiimaq tsangshiq laü wantlaq akhingtek na apha na jamkho tiido pha wantaq kra phan phan laü wan lili riitlo. Juda phan lan khea chan wokhong na siti maiq phan thun ka awe raü ka akong akong maq, Juda phan ma lam tiishea raüta laü wantlo. Tsangshiq sheati tsangwe lawe Amminadab se Nashon wokhong maq watlo.

WEAWEA 4:15

Ümtiikiiwa piitiip ka arun wan cho akhing she saüjiiq, Aron nai asetiim raq asii hupsam thun nai krai lang chang hupsam thun kra wiita apang chang maq pangbaiq lottoshe angu niitiq, Kohath weraü phan ka waraüta arthun asii ta awii thun kra mipi wan. Kohath weraü phan raq ara chongtiikai asii hupsam thun ka tsangshiq jaq maq shamwa maimak. Riimakla tsangshiq ka atsai miraq. Kohath weraü phan raq Tombutiip kra tiisot wantlaq akhing na jaqsham chang ka arthun ara.

WEAWEA 4:4

Tsangshiq raq jaqsham chang ka pinthum asii jaqsham thun kra shamchang.

WEAWEA 7:9

Shatmaq Mosheq raq Kohathaiq phan miika hit-leng thun wa kiimaq minsaü pongwetiim kiiwa ashi min kuq mak dea, Jamkhano ngukla tsangshiq raq asii hupsam thun shiikum pantlaq thun kriika tsangshiq raq phaq na siisaq pi chang.

Matthew 27:51

Liirong laq, kiijiishe Shomjam mong na achan kheathum kaü ka, ra nü maq riita hiq na saüli khonai ma tiikholiiq tiichai kito. Kiimaq hiqjong muwa trang liishe riito. Kiimaq longkaü thun kiimin kholam kholiiq wiita tiibun baiqto.

TRI CHONGKE 31:9

Krai mren, Mosheq raq Shiikeawe thungtri ka waiq thüto. Raüta Tatiwe Tongshong Tek liiti Lewi phan ramwebi nai Israilnok welabi jaq na kuqto.

Hebrews 10:20

Jesuq raq nashiq ka, Shiikeawe phana wawan miitu, lam anye ashi she, atra rilung lamshe tankuqto. Arlam tankuqtaq arka, apaiq han-ngam khum kheathum achan ka tan wan raüta, wawanto. Arka, apaiq khum ka honglu na kuq raüta tsaito. Raüta lam ka tankuqto.

Hebrews 9:3

Kra jai wa among na hali khok ashi asi. Kra khok ka kheathum ajong wiq maq chansaq raüta arai tuk thü. Kra tapmong khok kriika, Asii Thaq Niimin Asii khok nguta ngutlo.

1 SAMUEL 6:19

Tatiwe raq Beth Shemesh chelati maiqwere roqmiishi tsatbaiqto. Jamkhano ngukla tsangshiq raq Tongshong Tek mong kiijaq bum raüta liito. Nokmaiqse ka maaho manyi hoqsii trangto. Jamkhano ngukla, Tatiwe raq tsangshiq hiqti maiq pahea tsatbaiqto.