DUNGWVNC 39:32 - ASII LAKDAP Bible (BSI)

³² Kiimaq Tatiwe asi Tombutiip miitu jaqsham chang ümchuwa sitlaq kriika kun kun she lotto. Tatiwe raq Mosheq ma aming tattaq kra phan phan Israilnok raq jaqsham ka phanrap phanrii kloto.

Hawa Naga Bible 2001

³² Yehowa httax yaq Tap nuex seng vtueq yauk shuimc lotlaz kuex lot tueq shex. Yehowa rueq Moshe muex nvr tueq htenc kuex Israel miqsaz rueq shuimx kaz tueq.

DUNGWVNC 39:32 Referencias Cruzadas

1 HOKHVMX 6:38

Kiimaq jipi lütiichat she angu na, Bul jipi na, Solomon raq mung peng wan li maq wiiroqshi ri wiishi she angu na, jamkhiiwa tiichap phawantaq kra phan phan Shomjam hai ka tlotto. Solomon raq ara Shomjam hai ka wiimiishi na saüli hai raütiitiq lotto.

1 HOKHVMX 7:40

Huram raq tak thun, belcha thun, kiimaq sorija winpin thun tiiqto. Apaiq Hokhamwe Solomon jaqsham Tatiwe Shomjam miitu ka kunkun klo lotto. Apaiq raq atiiq huk asam thun ka arthun ara: Toqpum kham anai Toqpum kham thun khupo na nüchhong winpin ikha akhuphok wiinai Toqpum kham wiinai khuphok na triiwat wantlii awat waiq sairaü tum thun Toqpum kham wiinai khuphok na miirii awat raüta awaiqthü pomegrenet petsi ka shiblai. Lenshi na petsi ka shishi raüta, lennai niika shiblai. Leng ka roqshi Jaqhechang nüchhong winpin roqshi Khamtum kaü kra Khamtum kaü tiingachang minsaüpong wetiim roqshi ri anai Tak thun, belcha thun, kiimaq nüchhong winpin thun Arthun hupsam arka Shomjam na lang ma Huram raq Hokhamwe Solomon miitu klo kuqto. Arthun arka aheawiq chenje miiki ngam maq siisaq kloto.

1 KAÜWA WERAÜ 28:19

Hokhamwe Dawit raq nguto, “Arthun tsii chong arka Tatiwe apaiq raq ngi ma chong kuqtaq kra phan phan ahang sumla kriijaq waiqthüto.”

DUNGWVNC 12:28

Raütiishe tsangshiq ka kihoto. Raüta Tatiwe raq Mosheq nai Aron ma jamlai aming wa kuqtaq kra kloto.

DUNGWVNC 25:40

Arka ngi raq ümniima pum maq sumla tiichhikuq kang kra phan phan riikhaq li tiiqlaq.

DUNGWVNC 31:7

Ngi asi Tombutiip kra, Tongshong Tek kra kiimaq kra pang chang kra, kiimaq Tombutiip mong na thüchang hupsam thun kra,

DUNGWVNC 39:31

Tsangshiq raq laktum ka khu na bannin khuphok khaki na raiwai maq aklo raülo maq tiikop khatto. Arka Tatiwe Mosheq ma aming kuqtaq kra phan phan kloto.

DUNGWVNC 39:33

Raütiishe tsangshiq raq Tombutiip nai amii akhiiq hupsam thun ka tlotli, khaiq thun, ariikom thun, riiqse pum thun, khamchong thun, kiimaq khamjichong diim thun kra;

DUNGWVNC 40:1

Tatiwe raq Mosheq ma nguto,

DUNGWVNC 40:3

Laüta kra mong na Aming Roqshi thüchang Tongshong Tek ka tothülaq. Kiimaq kra khaki na khok tuk chang kheathum kra chanlaq.

DUNGWVNC 40:32

Kriika ümtiikiiwa tsangshiq ka Tombutiip mong na watlaq riimakla berong-wacha na watlaq akhing na, Tatiwe raq aming kuqtaq kra phan phan tsangshiq jaq nai hokphi ka kiijaq hetlo.

WEAWEA 3:31

Tsangshiq ka Tongshong Tek kaü kra, chamrii kra, lem tochang kham kra, berong-wacha thun kra, Asii Tiip na ramwebi raq langtlaq tak apin thun kra, kiimaq Asii Pinthum Khok na wachang kilamchong na chantlaq kheathum thun kra liikoti riito. Tsangshiq ka arthun hupsam ara shiililii wan arang hoti riito.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

TRI CHONGKE 12:32

“Ngi raq namshiq ma ümchuwa aming kuqkang thun kra wiita lang ronglaq. Arthaq na laihin naq tiitsuq rongkiq. Kiimaq kriithun wa aming tsi shi ra min lambaiq maimak.

Hebrews 3:2

Mosheq raq Shiikeawe jamkun na, jaqsham ka tsapsaü kapse maq shamkuqto. Kiikhiisii hali, Jesuq riimin, apaiq ma Shiikeawe raq Ramwe jaqsham kuqtaq kra, pinthum tsapkap raüta shamkuqto.

Hebrews 8:5

Riita, ara chongtiikai mangjong hiq na siti ramwebi raq, Shiikeawe shomnoq honglu hongtan kewan jaqsham tlaq arka, ramungtan na Shiikeawe shomnoq honglu hongtan kewan jaqsham tlaq kra tsaiji nai kra sumla achan ikhli sitlo. Shiikeawe raq, Mosheq miimin la akhiisii hali dea chongkuqto. Mosheq raq Tongshong Chü jolitiip kra mihai pha shaq na, Shiikeawe raq Mosheq ma, “Liilaq, ngi raq ümniima hiqlam maq jamkho jolitiip jam sumla ka tiichhikuq kang, ira phan phan sürii laüta hai laq,” nguta aming kuqto.

1 SAMUEL 15:22

Shatmaq Samuel raq treto, “Riita Tatiwe ümriiti wa lungwiitla: Apaiq bomtai kriisha, honglu thun nai nyamse atakuq kriiwa lungwiitla? Skuse ahea pinthum honglu atakuq thaq na, apaiq bomtai riiwe ka ahea.