DUNGWVNC 26:31 - ASII LAKDAP Bible (BSI)

³¹ “Kiimaq achan chang kheathum kaü ka müsaisai raihi-nairai ka raiwai, mintiitii kiimaq unirai shii maq taqlaq. Kra kheathum na cherubim sumla thun ka chhang waiqlaq.

Hawa Naga Bible 2001

³¹ “Nvm-yaz kakiz, pasic nvm-yaz, khelbuenx ruiyshawx nuiyc ruiy hvlx maq vtauk vjuinc juing khvy phux kuex tvhungx shuiuz. Vjuinc juing kvyuq kherubim yac tok wuiyq tvhungx shuiuz.

DUNGWVNC 26:31 Referencias Cruzadas

2 KAÜWA WERAÜ 3:14

Kiimaq Asii Pinthum Khok kra raituk chang ka kheathum kaü ajongwiq ashi ka müsaisai raihi-nairai ka laihin rai maq shot raüta taqto. Raüta kra khea ka rongwai maq, kiimaq mintiitii rong maq, kiimaq rongshii maq shot raüta loto. Raüta kra khea mong na cherubim sumla ka kheathaq na waiqto. Raüta tiimiikhiiqto.

Tvtsvmc 137:5

Ngi raq hünong toro ka thongshi tsümangshe mirlaq ngi raq ümnaq laqbaiqhala, Jerusalem lei!

DUNGWVNC 25:18

Kiimaq chaq tiiphin tiiq laüta cherubim kaünai klolaq.

DUNGWVNC 25:4

müsaisai raihi-nairai; kheawai, mintiitii khea, kiimaq ashii umnirai; chhechhibin maq ataq khea;

DUNGWVNC 26:1

“Asii Tombutiip, Ngi asi Tombutiip mong thun kriika müsaisai raihi-nairai ka raiwai, raishii kiimaq unirai shii maq shot raüta ataq thumjong thum roqshi kriimaq hailaq. Kiimaq kriithun ka rai maq cherubim sumla thun ka khea kiijaq waiq chhang chang.

DUNGWVNC 26:32

Laüta kra kheathum ka akasia pe kham blai chaq maq alo kiimaq khaiqsetiim atiihongwi she chaq khamjichong bu blai thaq na tiingaje kiijaq bat hihi chan thülaq.

DUNGWVNC 27:16

Kiimaq kilamchong kra miitu kheathum ka alu nü na mitar 9, müsaisai raihi-nairai ka raiwai, mintiitii, kiimaq unirai rongshii maq ataq riichang. Raüta rai maq sumla aheawiq achhang awaiqthü riichang. Arka khamchong blai ka khamjichong bu blai thaq na atiinga kiijaq tiikha chan chang.

DUNGWVNC 27:21

Aron nai asetiim raq Ngi asi Tombutiip khok na tapmong khokti Tongshong Tek tochang kra tuk chang kheathum chantlaq kra maq kin phai na lem ka tochang. Raüta kiijaq iman na lem ka raji wan tlaq kiijaq tiinyai raüta ranap na tiisaüli tiinyai chaqlili riichang. Ara aming kuq tiikang arka Israilnok raq kiimaq tsangsaü tsangsetiim raq pattup pat-sa lang wan ruq lang chang.

DUNGWVNC 28:15

“Ajong Pinthum Ramwe khuk na samchang kheaphu ashi klolaq. Arka Shiikeawe raq tiimatlaq kra sap miitu lang chang. Arka asii kheaphii klotaq kra phan hupsam maq klo chang. Kiimaq atiimiikhiiq waiq chhangtaq kiimin kiikhiisii chhang chang.

DUNGWVNC 35:12

Tongshong Tek kaü kra, kra pichang pepum wiinai kra, kra pangchang ahap kra, kiimaq kra tukchang kheathum chan tlaq kra;

DUNGWVNC 35:25

Jechakre jaqsham smabi raq tsangshiq jaq maq aklo, müsaisai raihi-nairai kiimaq raiwai thun, mintiitii rai, kiimaq unirai rongshii maq alo, thun kra lamkuq wanto.

DUNGWVNC 35:35

Tatiwe raq tsangnai ma phanrap phanrii jaqsham sma thun ka among na wat raüta shaq wan, sumla sürii wan, müsaisai raihi-nairai kheataq wan; raiwai maq, mintiitii maq, kiimaq unirai riiqshii maq kheataq wan ningkun ka kuqto; kiimaq laihin kheataq phaqchi min kuqtoshe. Tsangshiq ka phanrap phanrii jaqsham atsin siisaq kiimaq phan phan sumla sürii jaqsham ka atsin siisaq.

DUNGWVNC 35:6

kiimaq müsaisai raihi-nairai, raiwai, mintiitii rai, kiimaq uni raishii; chhechhi bin maq ataq khea;

DUNGWVNC 36:35

Kiimaq tsangshiq raq achan chang khea thum ka müsaisai raihi-nairai maq, raiwai, mintiitii, kiimaq uniraishii maq trai trai raüta taqto. Raüta kiijaq awaiq angon rai maq cherubim sumla thun kra chhangto.

DUNGWVNC 36:36

Raüta tsangshiq raq ara kheathum ara chanchang kham ka blai akasia pe maq haito. Raüta ara kham blai ka chaq maq loto. Raüta kham blai kiijaq chaq maq atiiq khaiq thun kra tiikop hihiq tiihongto. Kiimaq tsangshiq raq ara kham thun ara tiinga hihi shongchang ajichong diim ka kampho maq blai kloto.

DUNGWVNC 36:8

Kra jaqshamtibi phong na pinthum jaqsham smabi thun raq Tatiwe Asi Tombutiip ka haito. Tsangshiq raq kra tiip ka müsaisai raihi-nairai khea ka raiwai, mintiitii rai, kiimaq unirai raishii ka riishot riishaq raüta ataq kiimaq cherubim sumla phong ka khea kiijaq achhang raüta awaiq khea thum thun roqshi ka adam na triiche raüta haito.

DUNGWVNC 38:23

Apaiq jaqthütiwe ka Oholiab riito. Apaiq ka Ahisamakh se. Apaiq ka Dan phan wa. Apaiq ka among na awat raüta sumla waiqti, ariikom süriiti, kiimaq apaiq ka müsaisai raihi-nairai maq, raiwai, mintiitii, kiimaq uniraishii maq khea taqti.

DUNGWVNC 40:21

Raütiishe apaiq raq tek ka Tombutiip mong niishe thüto. Raüta atuk chang kheathum kriishe chanto. Akha klo raüta apaiq raq Tongshong Tek ka Tatiwe raq aming kuqtaq kra phan phan khetuk maq rai thüto.

DUNGWVNC 40:3

Laüta kra mong na Aming Roqshi thüchang Tongshong Tek ka tothülaq. Kiimaq kra khaki na khok tuk chang kheathum kra chanlaq.

ASHICHONG 7:1

Tu shea lei, ümshamhea ka tsomhea pinthum, ümhok pa wiinai kiimin tsomhea aliisea chang, ümwütong ka tsiimwe raq longseng maq atiimii ikha.

LEWI 16:15

Kra lot jai she, apaiq raq chhechhi kaü mungmaiqse ngarai-honglu miitu kra mitaa. Raüta kra ngam tiijai ka Asii Pinthum Khok mong kiijaq milam wan. Raüta kra apang chang kiijaq ngam tiijai ka mibat. Kiimaq minsaü pongwe tiijai maq batlaq kiikha Tongshong Tek khaki niishe mibat.

LEWI 16:2

Apaiq raq nguto, “Ümphu Aron ma chonglaq, apaiq ka akhing riikhaqli niitiq, kheachan khetuk jai na Asii Pinthum Khok kiijaq nyapwa ratlo. Jamkhano ngukla kiijaq Ngi ka Tongshong Tek pang chang thaq na phumda mong na kilata riihumki tiikang. Kiimaq apaiq raq ibom kla tlea raüla, apaiq ka atsea mirbaiq.

WEAWEA 4:5

Tatiwe raq Mosheq ma tsii ka akha chong kuqto. Ümtiikiiwa piitiip thun kra siiq wan akhing saütlaq, Aron nai asetiim ka Tombutiip mong na nyap wa chang. Raüta Tongshong Tek kaü khaki na chantlaq khea thum kra lamchang. Raüta kriimaq Tek kra pang chang.

Matthew 27:51

Liirong laq, kiijiishe Shomjam mong na achan kheathum kaü ka, ra nü maq riita hiq na saüli khonai ma tiikholiiq tiichai kito. Kiimaq hiqjong muwa trang liishe riito. Kiimaq longkaü thun kiimin kholam kholiiq wiita tiibun baiqto.

Mark 15:38

Apaiq lang pit ri li she, Jerusalem Shomjam na khok rai chang khetuk khea achan kriika, ra nü maq phaho raüta, hiq na saüli, khonai ma tiikholiiq, tiichai kito.

Luke 23:45

Kiimaq Shomjam mong na asii khok rai chang kheathum kaü jonghea achan kriika among ba maq mannai ma tiikholiiq tiichai kito.

Ephesians 2:14

Ara nashiq noknai ri, Jehudinok nai Pongnok phan maiqse liipan na wesang ralii siwan kai wa, ümchaü sanha, wehea she tiija wanto. Arka Khristo apaiq raq nashiq ma, wehea jawan lam kra tanke wan kha miishe, wehea jawan kai. Nashiq liipan na wesang ralii tsii rüm laita siwankai kra, peruk weshaü sitlaq thun ka, apaiq tsaitaq kra miishe tankuqto. Raüta, ümchaü sanha, nashiq noknai ri ka, phanshi maqshi miishe tiija kuqto.