DUNGWVNC 26:30 - ASII LAKDAP Bible (BSI)

³⁰ Laüta Tombutiip ka pum maq asiirii jamkho tiichhi kuqkang kra phan phan chanlaq.

Hawa Naga Bible 2001

³⁰ Mnoz muex kanx maq tvkhic phaungx Tap romz ikhoc guirx tvhungx shuinz.

DUNGWVNC 26:30 Referencias Cruzadas

1 KAÜWA WERAÜ 28:19

Hokhamwe Dawit raq nguto, “Arthun tsii chong arka Tatiwe apaiq raq ngi ma chong kuqtaq kra phan phan ahang sumla kriijaq waiqthüto.”

DUNGWVNC 25:40

Arka ngi raq ümniima pum maq sumla tiichhikuq kang kra phan phan riikhaq li tiiqlaq.

DUNGWVNC 25:9

Ara tiip ka hailaq. Laüta kriika Ngi raq jamkho mitiichhi kuqha kra phan phan mitiimiikhiiq haü.

DUNGWVNC 26:29

Kra ariikom thun ka wiita chaq maq lolaq. Kiimaq chaqwa kom setiim ka pepum thun kra akom mong na rong saq saq rechang tiihonglaq. Kra pepum thun kiimin chaq maq alo siisaq riichang.

DUNGWVNC 27:8

Berong-wacha ka pepen thun atheawiq maq klolaq. Laüta among ka liilea tiihonglaq. Arka ümniima Ngi raq pum maq tiichhi kuq kang ira phan phan klolaq.

DUNGWVNC 40:2

“Apha wan jipi wa jiha ranaiqshi na Tatiwe asi Tombutiip ka shonglaq.

WEAWEA 10:21

Kiijiishetiq Lewi phan wa Kohath weraü phan ka asii hupsam thun athop kra pi raüta wawan lili riitlo. Tsangshiq ka lamjap chang piitiip kiiniishe saü wan raüla, Tombutiip ka achanlot wishe lowan lili riitlo.

WEAWEA 8:4

Lem khamchong ka akhupo maq riita hiq jichong na saüli chaq ngam maq alo. Arka Tatiwe raq Mosheq ma ariikom sü raüta tiichhi kuqtaq kra phan phan shiipan püsetiim ikha tiiqto.

Acts 7:44

“Riita, natitiim pat na Shiikeawe Sichang Tiip ka tsangshiq rai nongshnong, kumtsaiphii binjü maq, bashi na chan wan wan raüta siwanto. Kra Shiikeawe Sichang Tiip kriika, Shiikeawe raq Mosheq ma jamkho tiichhi kuqtaq kra phanphan haito.

Hebrews 8:2

Apaiq ka ümchaü, Asii thaq niimin Asii Khok siqlaitap niishe nga raüta, Ajong Pinthum Ramwe ma ja raüta, Shiikeawe shomnoq jaqsham tlo. Riita ara chongtiikai, ramungtan na sitlaq, Shiikeawe shomnoq chang chiisan jolitiip sitlaq kriika, Tati Shiikeawe raq ahai. Maiqse jaq maq ahai ka riimak.

Hebrews 8:5

Riita, ara chongtiikai mangjong hiq na siti ramwebi raq, Shiikeawe shomnoq honglu hongtan kewan jaqsham tlaq arka, ramungtan na Shiikeawe shomnoq honglu hongtan kewan jaqsham tlaq kra tsaiji nai kra sumla achan ikhli sitlo. Shiikeawe raq, Mosheq miimin la akhiisii hali dea chongkuqto. Mosheq raq Tongshong Chü jolitiip kra mihai pha shaq na, Shiikeawe raq Mosheq ma, “Liilaq, ngi raq ümniima hiqlam maq jamkho jolitiip jam sumla ka tiichhikuq kang, ira phan phan sürii laüta hai laq,” nguta aming kuqto.

Hebrews 9:23

Riita, ara ümchaü chong tiikai, Tongshong Chü tri maq, Shiikeawe shomnoq chang sitlaq arka, ramungtan na, jamlai wa arang chong sitlaq kra sumla. Arthun arka, akha tiisii hewan chang dongdii. Shatmaq, ramungtan na sitlaq thun kra lap wan miitu she kriika, athii atsin, ahea awa, araa ariq phan honglu kuq raütiishe tiq, noqpi chang sitlo.

JOSHUA 18:1

Israilnok raq Kanan mung ka kunlishe khatto. Raüta hiqshong thun ka jiiwanto. Raüta tsangshiq ka wiimungtam kunli Shilo chela na thungto. Raüta Tatiwe sichang tombutiip ka haito.