DUNGWVNC 32:4 - ASII LAKDAP Bible (BSI) Kiimaq apaiq raq niti thun ka jaüto, raüta wa na tiijamto. Raüta chaq ka thang na loto. Raüta chaq maq saüla pongse sumla ashi loto. Kra chhi raüta mungmaiqse raq nguto, “Israilnok lei, ahata nashiq phra kaü, Ejip mung wa nashiq sheawanti!” Hawa Naga Bible 2001 Piq rueq kuimshawx nac jic htenc kuex tvyuimx shuz vtueq, manx saz vshiz kuex tvhungx tueq. Miq htenc kvraq, “Israel miqsaz lex tishox vruex kuex Ejip mungx wawc nuimshiq tvdungc shvlc lvy jix naungshiq tishox rvtueq!” ngoz tueq jungx tueq. |
Apaiq kra bomtsi khu thaq na heashi asha puq shiwea wan raütiishe, apaiq raq chaq maq minsaü pongse nai anai sumla loto. Raütiishe apaiq asenginok mungmaiqse ma akhiishe nguto, “Namshiq ka lam luhea kilili lantea Jerusalem na Shiikeawe shomnoqkai kitlan. O Israilnok singmung maiqse lei, liimanta arjaq ahata namshiq phrakaütiim, namshiq ka Ejip mung wa shea wanti!”
Kiimahali Jeroboam riika jipi lütiichat na raroqshi ri rabiingi ranaiq na phra shomnoq poi ashi phoqkuqto. Arka Juda mung na langtlaq poi kiikha tiihongkuqto. Apaiq raq Bethel na haitaq berong-wacha kiijaq, apaiq raq aklo chaq minsaü pongse sumla thütaq kriima nyamse honglu thun takuqtlo. Kiimaq apaiq raq shomjam thun ümchuwa haitaq kiijaq ramwe jaqshamti thun ka Bethel na tiisi wanto.
Raütiishe Jehu raq akha aming kuqto, “Baal phra shomnoq miitu ranaiq akhing tiihong ronglaq. Lanta chiiriim lanea mungmaiqse ma tiitai ronglaq!” Krai mren, tsütsa ka hünong buk raüta tiitaito.
Shatmaq apaiq raq Hokhamwe Jeroboam raq ngarai tangtaq kra tangto. Jeroboam raq chaq maq atiiq minsaü pongse sumla wiinai ka apaiq raq Bethel chela na nai Dan chela na shongto. Raüta kra shomnoq raa nguta apaiq raq Israilnok ka tiishon raüta ngarai tiitangto.
Jeroboam raq apaiq ramwebi ka pong she shongto. Raüta tsangshiq ka thatsang chang hiqba thun nai thawe binti nai sumla phra phong apaiq raq minsaü pong setiim haitaq thun kra shomnoq miishe shongto.
Riita ümchaü namshiq ka Tatiwe raq Dawit saüsetiim ma hokham jaqsham akuq kriishe run baiq i nguta chiq chap rechap thungtlan. Namshiq ka maiq phenlabi pahea asi kiimaq Jeroboam raq nam phrakaü miitu chaq ngam maq alo han minsaü pongsetiim sumla phra kong asi.
Tsangshiq raq minsaü pongwe sumla hai wanto. Raüta, ‘Ahata Ejip mung wa nashiq shea wanti phra kaü ira!’ nguta, noq wanto. O, Tatiwe lei, tsangshiq raq ümniika pinthum, tairai wanto!
Namshiq Ngi tiitsuq ma shomnoq wan miitu phra thun ka kampho maq riimakla chaq maq naq klo rongkiq.
“Ümnaq maiqmii miitu ramungtan na siti lo riimakla mangjong hiq na sitilo, riimakla kham mong na sitilo kra sumla thun kiiwa jamlai phan sumla li jiimin naq klokiq.
Kiimaq longseng laktum kloti smajongwe weshi rit laq. Laüta kriiwe ma ara longseng ponai arjaq Jakob setiim mang thun kra among na tiikhat waiqlaq. Laüta ara longseng ponai arka chaq ngamphu mong na tiihong sanbaiqlaq.
Laüta karnelian longseng ponai lamlaq. Laüta kra longseng ponai na Jakob setiim roqshi ri wenai mang thun kra khat laüta waiq thülaq.
Ümtiikiiwa mungmaiqse raq Mosheq ka pum wa satki mak she, rahiq ka luhea she kiijaq siraiho kiita, tsangshiq ka Aron tro na riitamto raüta, apaiq ma akha nguto, “Nashiq ka Ejip mungwa shea wantiwe Mosheq ka jamkhii she wa jakita nashiq ri sapmai. Kra ningkhan nashiq shun sheati phra kaü ashi hailaq.”
Kriikha na ngi raq tsangshiq ma tsangshiq chaq lak tum thun kra lam wan ronglaq nguta thaü kang. Kiimaq tsangshiq phong wa juju jaq niiwa asiti raq kriithun ka chhut raüta ngi ma kuqto. Kiimaq ngi raq kra laktum thun ka wa na chaq kangta kiiwa ara saüla pongse arshe dongkito!”
Krai mren mungmaiqse wiita raq tsangshiq chaq niti thun ka chhut raüta, kriithun ka Aron ma lam kuq wanto.
Kra ningkhan, Tatiwe raq thatsi ashi mungmaiqse khuthaq na tiisaüto. Jamkhano ngukla tsangshiq raq Aron ma chaq saüla pongse sumla tloto.
Kiijiishe Aron raq saüla pongse sumla khaki na berong-wacha ashi haito. Raüta mungmaiqse ma akha tiitaito, “Anap ranaiq Tatiwe shreng poi ashi miklo rong i.”
Kiijiishe Tatiwe raq Mosheq ma nguto, “Jaqlo sat-hotlo laq. Jamkhano ngukla ümsenginok ümniiraq Ejip mung wa tsuq wan laü kriiraq ngarai tangto kiimaq Ngi ka no niishe tsuq baiqto.
Ngi raq tsangshiq ma aming kuq lata lamphan tiichhikuq kang kriika phan mak she miimbaiqto. Tsangshiq raq chaq maq saüla pongse ashi loto, raüta kriishe shomnoq hoto. Raüta kriima honglu thun takuqto. Tsangshiq raq arka tsangshiq phra kaü, tsangshiq ka Ejip mungwa shea wanti nguta ngutlo.
Namshiq raq namshiq sumla phong, kampho ngam maq alo thun kiimaq chaq ngam maq alo thun sumla phong kra lamho lantea, ashe ashi phan hupsam tiijobaiq tlan ikha, tiihong lantea agi lam maq, “Imakki wa tiibinlaq!” nguta midobaiqhan.
Maiqse raq tsangshiq thongkhiiq kra lintlo; raüta chaq ngam ka raükhok khok raükuqtlo; raüta tsangshiq raq kampho ka tok na shintlo, raüta tsangshiq raq tiiqwe ka amaq kham na shiiptlo tisho sumla tiitiiq miitu; raütiishe tsangshiq ka hiq na bum raüta kra sumla ka noqtlo!
Apaiq raq Ejip mung maq mephe jaqsham pha wantaq kriika sham wan ruqli riito. Apaiq ajunsang rilung ka Ejip mung maq tiishebaiqto. Apaiq ka junriise jetu nyung miishe jonglu wantaq kriimiiphat she maiqwere kong ka apaiq rai she hainga wanto. Raüta tsangshiq raq apaiq ka mephe nyung ma tiija wanto.
Samaria chelati, redong raü jaq phiip raq mitsai. Tsangshiq raq chaq maq alo minsaü sumla, Bethel chela na ashong re raq mishthen baiq. Raüta re raq pongmung na mipiphaq wan. Kriikha na kra noqti mungmaiqse nai ramwebi, maaho manyi mihoqtrang wan.
Tsangshiq riika ümchaü min ngarai tang wan ruqli. Kampho ngam maq maiqse khutsai na tiima dongtlaq kra phan phan, maiqse raq ajaq maq sumla thun tiiq wan raüta noq wantlo. Sumla thun kra tiiq raüta, ‘Mungmaiqse loi, ara phrakaü thun arma honglu kuq ronglaq!’” nguta tsangshiq raq ngutlo. Liironglaq, tsangshiq raq, minsaü pongwe sumla thun kra shomnoq wantlo!
Riita ija, nashiq ka Shiikeawe setiim she kha maq, nashiq raq Shiikeawe rong arai ka tsiimwe khiiqwe bi raq nai tiiqwebi raq, jaq maq chaq ngam wa, kampho ngam wa, kiimaq long maq sumla phra haihun tlaq kiikha sham nguta tiima ka raa mak she.
Krai mren, tsangshiq raq minsaü pongwe sumla phraji ka haito. Raüta, tsangshiq maiqmii jaq maq haitaq phra kra shomnoqto. Kiimaq thatsang poi ajong ashi kloto.
Tsangshiq phong wa maiq wiijamti raq sumla noq wantaq kiikha, nashiq riimin noq wan raa mak. Asii bomtsi na akha chongtlo, “Tsangshiq kra mungti ka adam na thung raüta, thatsang ngam phaq che nyang dungsea poi thungtii wanto. Kra thungtaq krai mren, ashe ashi hi awaq ikha, chechok tsampii nai sethoq sepii kiicham riinyat wanto.”
Ngi raq namshiq ka Tatiwe namshiq Shiikeawe raq namshiq ma aming kuqtaq kra ajinbaiq wishe chhihokang. Kiimaq namshiq raq maiqmii miitu jin ngam phan maq minsaü pongse sumla ashi apaiq ngeng ma tiiq lanta ngarai tanglan.
Shatmaq apaiq raq akha hali ngunongto, “Ikhiijiika, ngi raq namshiq ma bom poshi chong pha. Namshiq khumtek raq sepat lopi tsiiq niti thun lam wan lan riiwe kli ana ijaq na kuq rong laq.” (Kumtsaiphii wang na shongtinok thun riika chaq niti laktum laktlo).
Kriithun chaq maq Gideon raq sumla phra ashi loto. Raüta apaiq sichang Orphra chela na kra sumla ka thüto. Krai mren, Israilnok tlotli raq Shiikeawe ka amiimshe riibaiqto. Raüta sumla phra kra shomnoq kaishe riidunghoto. Riita arka Gideon nai ajamtitiim ma tsangshiq dea wa chang thiikho miishe jakito.