Hosea 13:2 - ASII LAKDAP Bible (BSI)

² Tsangshiq riika ümchaü min ngarai tang wan ruqli. Kampho ngam maq maiqse khutsai na tiima dongtlaq kra phan phan, maiqse raq ajaq maq sumla thun tiiq wan raüta noq wantlo. Sumla thun kra tiiq raüta, ‘Mungmaiqse loi, ara phrakaü thun arma honglu kuq ronglaq!’” nguta tsangshiq raq ngutlo. Liironglaq, tsangshiq raq, minsaü pongwe sumla thun kra shomnoq wantlo!

Hawa Naga Bible 2001

² Tsuingshiq kuex miqsaz thuinz vmungx maq vshvmx tvdung vtueq miqsaz yauk maq vtvhungx kuimphox yac yuimx htenc kuex nawk palx vtueq yaq wuez yaq. Kvruex yimaq tsuingshiq rueq, “Tsuingshiq muex shomc nawk juing maq shomc kuq shuinz!” ngoz yaq. Miq htenc kuex vruex yac yuimx htenc rulc muinz, manx pung shvmx vyac htenc kuex yvmx khoc lac pvmx shup lvp shvnx!

Hosea 13:2 Referencias Cruzadas

1 HOKHVMX 19:18

Artaü maq dongdii min, Ngi raq Israil mung na Ngi shomnoqti maiq ka hingmiishe atra sishat li mithüha. Tsangshiq raq Ngi ka tsapkapkap maq shomnoq wantlo. Kiimaq tsangshiq raq Baal phra ka shomnoq mak. Kiimaq Baal samla ka tsangshiq raq nü maq shupki mak.”

2 KAÜWA WERAÜ 28:13

Tsangshiq raq nguto, “Kra shumwikong ka ana tsuq wan mai mak! Nashiq raq Tatiwe makki na ngarai klokai. Laita apaiq tsan ka tiikhiq kai. Kriikha na apaiq raq nashiq ma apaiq mo she mitiiho. Ümchaü namshiq raq ara ashut klo lantea nashiq shutphit kra tiipa nong tan tlan.”

2 KAÜWA WERAÜ 33:23

Shatmaq apaiq ka awe jamkho aran ma jaraüta tsantsii klaitaq, kiikha klai wan mak dea riito. Kiimaq Tatiwe wokhong na nyap wan mak dea riito. Apaiq ka awe nam miimin, tiinanpot bihea ngarai klo wanto.

Tvtsvmc 2:12

atiikhai rokrok ajichong na bum ronglaq; riimakla atsankhiq ka tiidongchhaq li minyai wan, krai mren namshiq ka chutli mitsai han. Apaiq wokhong na nyap wanti ma chochi jonghea miraq.

ISAIA 1:5

Ümniiraq ikiq khü wanli she ka jam nguto sruriitlaü? Riita ümniiriika imo ka arthaq niimin laihea howan sha rotlaü? Israil loi, ümkhupo niika ümchaü sanha ami atsi phongli she. Kiimaq ümtsantsii nai ümkhutsai ka wiita atsi makaiq she.

ISAIA 30:1

Tatiwe raq nguto: “Juda mung pengtibi ka miqto she! Jamkhano ngukla tsangshiq ka ipuk wa donghoto. Raüta Ngi raq asürii wanha kiimung thun riimak kra klotlo. Kiimaq ikiq khii raüta tsangshiq maiq mung thun rai pong raüta tongshong wanto. Raüta tsangshiq ngarai phong ka adap adap maq tiipa phongtlo.

ISAIA 44:11

Kra noqtibi thun ka loweatek raq jeasi jonghea mingaü phaq wan. Sumla phra thun tiiqtibi ka miinan maiqsekongli. Tsangshiq ka wa raüta rung na michaplaq. Raüta tsangshiq kha ka mitiipholaq. Tsangshiq ka phiip raq mitsai. Raüta pinthum jea mingaü phaq.

ISAIA 45:20

Tatiwe raq ngutlo, “Warongra adam na, maiq mung thun wiita, mungtan thenjai aso tiichonglanti thun; namshiq kha tiipho rung na chap ronglaq! Namshiq pe sumla phra kong rai arü ariiq khumlanti thun, kiimaq tisho kong raq tsangshiq chhiilot makti thun; tsangshiq ka jammin sapphaq mak!

ISAIA 46:6

Maiqse raq tsangshiq thongkhiiq kra lintlo; raüta chaq ngam ka raükhok khok raükuqtlo; raüta tsangshiq raq kampho ka tok na shintlo, raüta tsangshiq raq tiiqwe ka amaq kham na shiiptlo tisho sumla tiitiiq miitu; raütiishe tsangshiq ka hiq na bum raüta kra sumla ka noqtlo!

ISAIA 46:8

“Ara tsan na tiitsang ronglaq, namshiq ngarai maiqse kong raq; tiima ronglaq Ngi raq jamlai jaq wa shamkang kra.

JEREMIA 10:4

Raüta kampho nai chaq ngam maq tiimiikhiiqtlo. Raüta kriika khili maq tiipha tütlo hiq na riwa mak chang miitu.

JEREMIA 10:8

Tsangshiq tlotli ka maiqjiq kiimaq angikong. Pe sumla phong kriiwa tsangshiq raq jamlai wa misap tsin?

JEREMIA 8:5

Ikhiijiika isenginok namshiq ka ngi phana jai na jang wan man maq, klang maq iwokhong wa jamkho juho lan? Namshiq ka nam phra sumla thun kriidii niili she tiipop wan lan. Lantea ngi phaniika jang wan roman she ngiimtlan.

Hosea 10:1

Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

Hosea 10:5

Samaria chelati, redong raü jaq phiip raq mitsai. Tsangshiq raq chaq maq alo minsaü sumla, Bethel chela na ashong re raq mishthen baiq. Raüta re raq pongmung na mipiphaq wan. Kriikha na kra noqti mungmaiqse nai ramwebi, maaho manyi mihoqtrang wan.

Hosea 11:2

Shatmaq ngi raq tsangshiq ka itho na warong ra nguta, apa heawan wan riikang la, tsangshiq ka ngi tho wa alu na jajuhoho riito. Tsangshiq raq Baal sumla ma nyamse honglu takuq wanto. Raüta tsangshiq raq sumla phra thun ma, honglu ngamrea chaqkuq wanto.

Hosea 11:6

Israil mung chela thun, redong raüta wiita milong wan. Chela kilamchong thun wiita mirun wan. Isenginok thumthum mithen wan. Tsangshiq maiqmii raq athithi siwanto. Tsangshiq ibomchong taimak riito.

Hosea 14:3

Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”

Hosea 2:8

Apaiq ma tü atsam, che, olip petsi tai, kampho, kiimaq chaq thun ka, Ngi raq apaiq ma aphong kuqha nguta sapmak dea riito. Kriithun ka apaiq raq Baal shomnoq ma, tiisheshi baiqto.

Hosea 4:17

Ephraim ka sumla phra puk niishe shang wanto. Ahea bam-ümkiho laq, maiqmii raq thithi.

Hosea 8:4

“Tsangshiq raq hokhambi shong wanto. Shatmaq ngi rai riiwai mak. Tsangshiq ra welabi shong wanto. Shatmaq ngi ma chongmak. Tsangshiq raq kampho nai chaq ngam maq, phra sumla thun tiiq lowanto. Kriika tsangshiq then wan lamtan riito.

Hosea 8:5

O, Samarianok lei, namshiq raq noq tlan, minsaü pongwe sumla kra, ngi raq pinthum saisi tiikang. Itsankhiqhea tsangshiq ma, wa anyai ikha nyaitlo. Kra ümtincho wa mithaq baiq?

Hosea 8:6

Arka Israilnok tiiqwe raq atiiq wan. Arka Shiikeawe riimak! Samaria chela na noq tlaq minsaü sumla, bunlak buncha she mitiibun wan.

WEAWEA 32:14

Kiimaq ümchaü min namshiq riika namwetiim jijai kra hali she phan wan nongtlan. Ngarai bu senye pat she hali dong nong tlan, Israilnok mung khuthaq na Tatiwe tsan khiq walü henghea kra tiisaü miitu.

Romans 11:4

Riita, Shiikeawe raq kra bomtsi ka jamkho treta? Shiikeawe raq bomtsi ka akha treto, “Ngi raq i sengi ngi rii, maiq hingmiishi pong na rairii lata, thü wan kang she. Tsangshiq raq, arot phra Baal ka shomnoq wan mak dea,” nguta treto chhi tiikai.

Romans 2:5

Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.

2 Timothy 3:13

Kiimaq arot abi shrabi, tiibainge rai tlaqtibi ka, tsangshiq kamasham rilung na, diikiq dea wan wan li she miraq. Tsangshiq raq nanok kiimin laolii tlo. Kiimaq maiqmii kiimin tlaophaq raütli she sitlo.

1 SAMUEL 10:1

Kra raütiishe Samuel raq oliptsai hamlii tsabum kra lamto. Raüta Saul khupo na nyukto. Kiimaq akhakam na anü maq shupto. Raüta apaiq ma nguto, “Tatiwe raq ümniika asengi Israilnok peng ma tuwe miishe shongto. Ümniiraq asenginok ka mirüm haü. Kiimaq tsangshiq ka chiqse rewe tlotli jaqkhon mong wa mitiikhup wongkuq haü. Riita Tatiwe raq ümniika asenginok thaq na tuwe miidea shongto nguta sap chang saqse ka arthun arshe mihong tha wan: