Hosea 13:3 - ASII LAKDAP Bible (BSI)

³ Atinkhan ngarai tang wan kha na, tsangshiq ka ranap bangkham ikha, rashekii raq mishin wan. Bangkham ka sangphii thaq na arok ikha, rashe kii wan raüjaq shinki tlaq ikha, weki raüta mimoki. Khaolüm nijai tsamchhii chiipbaiq tlaq ikha, rahai raq mipan wan. Wukhupong maq wakhuk mong wan tlaq ikha, rahai raq mipan wan.

Hawa Naga Bible 2001

³ Kvkhoc rvtueq vruex miq htenc kuex raungnvp wawc tv-httuiux ikhoc muinz, raungnvp samaq sawc wvnc yaq buing ikhoc muinz moz wvnc tuex. Tsuingshiq kuex raungguil rueq pvnc wvnc yaq tsvmz nuiuz juing wawc tsvmz phex ikhoc muinz, wvr htung khux maq wvr khuiuq dung wvnc yaq ikhoc muinz yaungx yaq.

Hosea 13:3 Referencias Cruzadas

YOBA 21:18

kiimaq tsangshiq ka tsamkü phong ikha rathaiq ma tiipan baiq tiishea?

YOBA 30:15

Ngi ka aphiip ajiip riili she tsai wan kang; ikhushü ka rahai raq tsamchhii pan wan tlaq ikha pan wanto, kiimaq ngi chiithe jonglu ka phumda pan wan tlaq ikha pan wanto.

Tvtsvmc 1:4

Shatmaq abi kiimungti thun ka akha riimak; tsangshiq ka tsamchhii rahai raq pan wan tlaq ikha.

Tvtsvmc 68:2

Wakhuk rahai raq pan wan tlaq ikha, apaiq raq tsangshiq jobaiqto; wake raq simikii jam wantlaq ikha, abi maiqse thun ka Shiikeawe man na miq wanto.

ISAIA 17:13

Maiqmung thun ka khamjong tso blun wantlaq ikha sinkhu na rekhatkai wawantlo. Shatmaq Shiikeawe raq tsangshiq ka sontlo. Krai mren tsangshiq ka jai na jangtlo. Rathaiq wa raq kinhong wa botkhulai tsuqbaiq wan tlaq ikha kiimaq tsamkü rii wa tsamkü wun rathaiqtro raq pan wan tlaq ikha pan wan tlo.

DANIEL 2:35

Maklii liipan niili, jinbu thun, hamlii hiq thun, miiki thun, kampho thun, kiimaq chaq thun ka, bunlak buncha bunkito. Raüta rajuji na khaolüm phong nichang ba, botkhulai riiphongtlaq ikhiishe jakito. Raüta rahai raq wiita tiisiirai pan wanto. Hiq na jamlai min tiichong mak she riito. Shatmaq kra longkaü ka jongwan raüta, pumkaü jonghea miishe jakito. Raüta mangjong hiq ara hamli she bumkito.

Hosea 6:4

Shatmaq Tatiwe raq ngutlo, “Ephraim nai Juda lei, Ngi raq namshiq rai riibom chang asi sha? Namshiq raq ngi lungwii tlan ka, ranap phumda pan wan tlaq ikha, Ranap bangkham ka, rakii raüjaq wesaq weki tlaq ikha.

JEPHANIA 2:2

Namshiq ka tsamchhii rahai raq pan wan tlaq ikha; mipan wan shaq na, Tatiwe tsankhiq wanii tu ka, namshiq khuthaq na misaü shaq na; apaiq tsankhiq amokdungdung saüho tlaq kra; namshiq thaq na misaüho shaq na, namtsii sam ronglaq.

JEKERIA 8:12

Tsangshiq raq tsam lai ka han sang maq miwan. Tsangshiq spiqro na atsi ango miraq. Wakram na tü atsam maimai riimak mitsingo wan. Kiimaq rajun waitsi min khaq khaq mitiisat kuqha. Ngi raq isenginok abung ümchuwa tiichongtaq kriiti ma arthun achu shiiman mikuqha.