Hosea 13:1 - ASII LAKDAP Bible (BSI)

¹ Tatiwe raq ngutlo, “Man na richü pat na Ephraim phan raq, bom poshi chongraüli Israilnok maiqphan ahinti ka, aphiip ajiip khakii wali riitlo. Mungmaiqse ka Ephraim phan ma tlam raütli siwanto. Shatmaq Ephraim phan raq ngarai tang wanto. Tsangshiq raq Baal phra shomnoq wanto. Arkha na tsangshiq ka atsai she miraq.

Hawa Naga Bible 2001

¹ Lvy wvnc tueq nuex, Ephraim phvnx kvjak ruiux yuq, vganc Israel phvnx htenc kuex vhiz rvyaq; tsuingshiq rueq Ephraim kuex tvtsanc nganc wuez yaq. Yuq muinz miq htenc kuex Bala muex nawk palx vtueq mvrax yaq gay ningkhvnc nuex tsuingshiq vthueyc juing rvtuex.

Hosea 13:1 Referencias Cruzadas

RAPHA HIQWA LAK 2:17

Shatmaq ahea abi sap chang phaqchi pechong tsi kriili pansea maimak. Ümniiraq kra chongtsi ka sea maimak dongdii. Ümniiraq kriila pansiq haüla, kra ranaiq li ümniika mitsai haü.”

1 HOKHVMX 12:25

Hokhamwe Jeroboam Israil mung langtiwe raq ku akin tonglong Ephraim wang wa Shekhem chela, ka trotam maq kiitelong maq rukto. Raüta apaiq ka kiijaq heashi sithüto. Raütiishe apaiq ka kriiwa tiijin wanto. Raüta Penuel chela kriishe trotam maq kiitelong maq rukto.

YOBA 29:21

Tsangshiq raq ibom chong tai ka sangli li maq ngaraüta tiitsang taito, ngi raq achongkuq ha tsii chong phaq tiitsii ni tiitsii raüta taito,

YOBA 29:22

ngi raq ibom chong lot jai tsangshiq raq tiitsuq chang ahüshe riito; Ibomtsi ka rajun kham asa ikha nyam wanto.

TAKSU LAK 18:12

Kumrongheati tsailam na sup; sobsob bombomti, khali khuphop maq hup.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

ISAIA 7:8

Jamkhano ngukla, Siria mung ningkun ka tsang mung nyungchong Damaskas chela thaq na ajong riimak. Kiimaq Damaskas chela ningkun ka tsang Hokhamwe Rejin ningkun thaq na ajong riimak. Kriimaq Israil mung khuthaq wa bom ka akha, wiiroqtrok ri wiibiingi liipan kiijiili Israil mung ka mungtan ashi ikha silotmak athum she mirki.

Hosea 11:2

Shatmaq ngi raq tsangshiq ka itho na warong ra nguta, apa heawan wan riikang la, tsangshiq ka ngi tho wa alu na jajuhoho riito. Tsangshiq raq Baal sumla ma nyamse honglu takuq wanto. Raüta tsangshiq raq sumla phra thun ma, honglu ngamrea chaqkuq wanto.

Hosea 2:10

Lata Ngi raq apaiq ka akongtiwetiim makki na, adü wa akhu akhea thun ka chhut baiq lata, apaiq ka naiqhü she mitiingaha. Kiimaq kra akhing na apaiq ka ijaqkhon mong wa juwe riimin tiichhiikuq lot mak she miraq.

Hosea 2:8

Apaiq ma tü atsam, che, olip petsi tai, kampho, kiimaq chaq thun ka, Ngi raq apaiq ma aphong kuqha nguta sapmak dea riito. Kriithun ka apaiq raq Baal shomnoq ma, tiisheshi baiqto.

Hosea 8:4

“Tsangshiq raq hokhambi shong wanto. Shatmaq ngi rai riiwai mak. Tsangshiq ra welabi shong wanto. Shatmaq ngi ma chongmak. Tsangshiq raq kampho nai chaq ngam maq, phra sumla thun tiiq lowanto. Kriika tsangshiq then wan lamtan riito.

WEAWEA 10:22

Kra jai niishe, Ephraim phan alan khea chan wokhong na aweraü thun ka akong akong maq, Ammihud se welawe Elishama raq shea raüta laü wantlo.

WEAWEA 13:16

Mosheq raq siwebi Kanan mung sisinwa tiiwataq ka arthun ara riito. Apaiq raq Nun se Hoshea mang ka Joshua ngutiishe klaito.

Luke 14:11

Ara jamkhano chongtiikang ngukla, jurwa maiqmii ka ajong ala nguta tiima tlaq, kriiti ka aran se ma mitiija baiq. Kiimaq juwa, maiqmii ka tiisaiq haiq shat maq sitlaq, kriiti ka ajong ma mitiija wan.”

Romans 5:12

Ngarai ka ara mangjong hiq na maiq weshi lümaq li saükito. Kiimaq apaiq ngarai riili maiqse ma tsailam kli tan kuq wanto. Ara ningkhan, tsailam pi da raq mangjong maiqse kunli she nyam wanto. Ara jamkhano nyam wanta ngukla, maiqse angu tarü raq ngarai tang wanto.

2 Corinthians 5:14

Naishiq ka Khristo lungwiitsii wokhong na siti. Riita ümchaü sanha, naishiq raq maiqse angu tarü miitu, maiq weshi tsaito nguta sap wan kaishe. Krai mren, apaiq tsaitaq kra rai maiqse angu wiita, apaiq rai chiimshi na tsai wanto nguta sap tiikai.

JOSHUA 3:7

Tatiwe raq Joshua ma nguto, “Ümchaü ranaiq ngi raq jamlai jaq wa shamtiikang, kra chhiraüta Israilnok raq ümniika ajong pinthum dea nguta mishreng phaho kiimaq tsangshiq raq, ngi ka Mosheq rai jamkho kongshi kiimshi maq sikang, kiikha ümniirai min sidam tiikang nguta misap.

PHOWEBI 12:1

Ephraim phan raq arkhat miitu re shunto. Tsangshiq raq Jordan rai ka jin raüta Japhon chela na wato. Raüta Jephtha ma akha nguto, “Ümniiraq Ammon mung khatkai ma hiq rai ka jam nguto jinho laü, naishiq ka ümniirai heaho maü maq? Naishiq raq jam thun ka wa maq michaq baiq hai, kra kha ka ümkhupo na miraq!”

PHOWEBI 8:1

Kra akhing na Ephraim phan raq Gideon ma, “Ümniiraq Midiannok khatkai kilaüta naishiq ma jamto chongmaü? Ümniiraq naishiq ka jam nguto roilaü?” nguta tsangshiq raq Gideon ma kai akhiq ariq tiibottaq trangto.

1 SAMUEL 15:17

Kiijiishe Samuel raq treto, “Ümniiraq ümniika aki miikiimwe riimak ikhli tiima wan haü jiimin, ümniika Israilnok maiqphan thung khuthaq na tuwejong. Tatiwe raq ümniika Israilnok mung thaq na hokham ma ramkham maq ramram raüta shongto.