DUNGWVNC 32:4 - Hawa Naga Bible 2001

⁴ Piq rueq kuimshawx nac jic htenc kuex tvyuimx shuz vtueq, manx saz vshiz kuex tvhungx tueq. Miq htenc kvraq, “Israel miqsaz lex tishox vruex kuex Ejip mungx wawc nuimshiq tvdungc shvlc lvy jix naungshiq tishox rvtueq!” ngoz tueq jungx tueq.

ASII LAKDAP Bible (BSI)

⁴ Kiimaq apaiq raq niti thun ka jaüto, raüta wa na tiijamto. Raüta chaq ka thang na loto. Raüta chaq maq saüla pongse sumla ashi loto. Kra chhi raüta mungmaiqse raq nguto, “Israilnok lei, ahata nashiq phra kaü, Ejip mung wa nashiq sheawanti!”

DUNGWVNC 32:4 Referencias Cruzadas

1 HOKHVMX 12:28

Kvruex lvmz kuex tvmaung lot yix, kuimshawx maq manx pung vnueyc yac kuex tvyuimx lauz vtueq piq miq htenc muex ngoc, “Yerusalem nuex kaz vtueq nawk palx muex nuimshiq tvkoc lvmx vluz khuemc juing yaungx yaq. Kvkhoc rvtueq Israel miqsaz htenc lex, Ejip mungx wawc nuimshiq tvdungc shvlc wvnc jix nuimshiq tishox htenc kuex vruex yuq httax yaq!” ngoz tueq jungx tueq.

1 HOKHVMX 12:32

Jeroboam rueq Yuda mungx nuex moalx ruiux yaq moalx ikhoc yapix lex tvjvt raungx 15 nuex nawk palx htungx nuex seng yaq moalx vshiz kuex moalx tvkoc tvhungx taq tueq. Bethel ghaq wawc shomrawx htauk nuex tvhungx taq shec tueq kuimshawx manx pung yac htenc muex shomc nawk kuy shomc kuq vtueq, piq rueq vtvhungx nawk palx juing baung htenc nuex yauk shuimc jix shomc waz bix kuex Bethel ghaq nuex tvhttax tueq.

2 HOKHVMX 10:20

Kvruex yimaq Jehu rueq, “Bala muex tvtsanc nganc kuy tvkoc raungnuiyq vshiz kuex htvp htaz vtueq tvtay shuinz!” ngoz tueq nvr tueq rulc rv-ngvlc tsuinghez rueq tvtay vtueq,

2 HOKHVMX 10:29

Yuq muinz piq rueq Bethel nuiyc Dan ghaq nuex vtvjvp taq kuimshawx manx yac htenc kuex tv-nawk palx vtueq, Israel miqsaz htenc kuex mvrax lvmx nuex shvlx wvnc tueq Hokhvmx Jeroboam mvrax lvmx kuex phvnx tueq.

2 KAÜWA WERAÜ 11:15

Jeroboam rueq kvmluimx muq jix rueq nawk palx juing baung htenc nuiyc htaungc bac muex nawk palx juing nuiyc piq rueq vtvhungx mansuiux saz yac htenc kuex nawk palx shuex nuex yauk shuimc tvkoc piq rueq tvshuimc roc shuex miq kuex shomc waz muex tvyaungc tueq.

2 KAÜWA WERAÜ 13:8

Majuiuc nuimshiq rueq Dawid suiuz vsaz hez muex Yehowa rueq kuq shec tueq hokhvmx vrangx vpangx kuex tvgap gawx tvkoc dvnc wuez vshuinx. Nuimshiq nuex hungc vlaungc yunghvlc nolaungx bix nuiyc nuimshiq tishox htenc yaungc kuy tvkoc Jeroboam rueq vtvhungx kuimshawx manx pung saz htenc muinz nuimshiq rulc vdvmz httax yaq.

NEHEMIA 9:18

Tsuingshiq rueq manx saz yac yuimx kuex tvhungx guirx ruiux, vruex tishox vraq Ejip mungx wawc tvdung shvlx wvnc phuex ngoz tueq ngoz wuez yaq! Yehowa lex, tsuingshiq rueq mnoz muex pinhtumc yomnamc wuez yaq!

DUNGWVNC 20:2

“Ngaz kuex Yehowa nuimshiq Tishox rvtauk, nuimshiq Ejip mungx nuex dax muex yaungx vtuinx wawc tvdungc shvlc wvnc jix rvtauk.

DUNGWVNC 20:23

Nuimshiq rueq ngaz maq lvy vtueq kuimphox, rvmuq ngoz ruiux kuimshawx maq tishox htenc yac kuex tvhungx mvy muq, nuimshiq rueq ngaz vruex dvyx nawk palx rax.

DUNGWVNC 20:4

“Nuimshiq rueq raungmungx nuex, ghaq htauk nuex, ghaq khung yuix mungx nuex httax yaq phvnx phvnx shishiz rulc rv-ngvlc shvmx kuex mnoz rueq mtvkoc tvhungx mvy muq.

DUNGWVNC 28:11

Lung nuex wvt wuiyq thenc jix miq muex lung ponueyc kvyuq Yaku sahez muingc htenc kuex wvt wuiyq ruiux, lung kvruex kuimshawx maq khop taq shuinz.

DUNGWVNC 28:9

Karnelian lung poz vnueyc lvmz vtueq, kvruex yuq Yaku sahez rokshiz rac wanueyc muingc kuex wvt wuiyq taq shuiuz,

DUNGWVNC 32:1

Miq htenc rueq kanx kvyuq Moshe kuex loayc hvlc httax kaz vtueq svt kaz muq shex kuex khiz vtueq, tsuinghez kuex Arun kox nuex komc tuimz rvtuimx kaz vtueq, “Nuiyshiq kuex Ejip mungx wawc tvdungc shvlc lvy jix waz Moshe kuex yvmx khoc wuez yaungx vtvnx nuiyshiq rueq tuiuz miq; kvkhoc rvtueq nuiyshiq muex lvmx shvlc kuy jix tishox vshiz kuex tvhungx guirx kuq koq,” ngoz tueq thoz wuez tueq.

DUNGWVNC 32:24

Manx yac yuimx vruex dung kaz tueq kuex ngaz rueq tsuinghez muex ngoc, nuimshiq kuimshawx marrarc htenc kuex put vtueq, ngaz kox nuex lvmz laq luit ngoz tueq ngoz tauk. Ngaz rueq tsuinghez yauk wawc thoz tauk kuimshawx kuex wvr nuex tuip gay koq tueq, kvkhoc yaungx kaz tueq!” ngoz tueq jungx tueq.

DUNGWVNC 32:3

Rvkoq tueq miq htenc rueq miqmac nac jic htenc kuex put vtueq Arun kox nuex lvmz wvnc wuez tueq.

DUNGWVNC 32:35

Kvkhoc rvtueq Yehowa rueq miq htenc htauk kvyuq vmac vtsac thuimkux tvkaz kuq tueq, yvmx khoc lac ngoz ruiux lec tsuingshiq rueq Arun muex manx saz yac yuimx tvguirc ningkhvnc nuex rvtueq.

DUNGWVNC 32:5

Kvruex yimaq Arun rueq mansuiux yac kvlc kvyuq shomrawx guirx tvhungx vtueq, “Invp raungnuiyq kuex Yehowa muex tvtsanc nganc moalx kuq shix,” ngoz tueq jungx tueq.

DUNGWVNC 32:7

Yehowa rueq Moshe muex ngoc, “Kanx khung kvyuq yauk lox svt kaz kuiuz, yvmx khoc lac ngoz ruiux lec Ejip mungx wawc mnoz rueq tvdung shvlx laq toq miq htenc kuex mvrax yaq vtueq ngaz tvdux gay phuex.

DUNGWVNC 32:8

Tsuingshiq kuex ngaz rueq nvr tauk lvmx kvwawc rv-phvlc wvnc wuez vtuex; tsuingshiq rueq kuimshawx tvyuimx vtueq vlauz manx yac kuex guirx tvhungx ruiux, kvruex mac shomc nawk kuy shomc kuq vtueq nawk palx wuez yaq. Tsuingshiq rueq ngoc vruex kuex Ejip mungx wawc naungshiq tvdungc shvlc lvy jix tishox rvtueq, ngoz tueq ngoz wuez yaq.

ISAIA 30:22

Nuimshiq rueq kuimphox maq vtvhungx yac yuimx htenc nuiyc kuimshawx maq vtvhungx yac yuimx htenc kuex lvmz vtueq, miqsuirc vsac taungx vwawx ikhoc kvhtenc kuex tuip gay ruiux, “Ngvy khaungkac vwawc kaz wvnc kuiuz!” ngoz tueq ramc jungx shuinx.

ISAIA 46:6

Miq htenc rueq tsuingshiq khak lanx vtueq kuimshawx kuex ruiuc htawc tueq; tsuingshiq rueq kuimphox htenc muinz tawk nuex shenc tueq. Tsuingshiq rueq tishox yac tvjek muex jek waz kuex shap tueq; kvruex yimaq tsuingshiq rueq bumx vtueq nawk palx wuez yaq.

EJEKIEL 23:8

Piq rueq piq yalxtux muik shauk kuex tvbac gay ruiux, Ejip mungx nuex mehpex yaungx wvnc phaungc tueq kuex tvhttoarc vtueq yaungx yaq. Piq yalxtux pat maq phuex miqwaz rulx kuex piq rulc woalc naungx vtueq piq kuex mehpex nyuiuz ikhoc tvyaungc yaq.

Hosea 10:5

Samaria ghaq nuex httax yaq miqsaz htenc kuex hiyaz kvkhuirc vtueq, Bethawen ghaq wawc kuimshawx manx pung moz wvnc tueq ningkhvnc nuex khoar nyerx wuez tuex. Tsuingshiq nuiyc yac yuimx nawk jix shomc waz bix muinz kvyuq khoar nyerx wuez tuex. Kvruex kuimshawx yac yuimx ngauz vngax moz wvnc vtueq mungganc nuex lvmc lvy rvhumc ruiux yuq tsuingshiq kuex vkhoarc vnyerc rvwuez tuex.

Hosea 13:2

Tsuingshiq kuex miqsaz thuinz vmungx maq vshvmx tvdung vtueq miqsaz yauk maq vtvhungx kuimphox yac yuimx htenc kuex nawk palx vtueq yaq wuez yaq. Kvruex yimaq tsuingshiq rueq, “Tsuingshiq muex shomc nawk juing maq shomc kuq shuinz!” ngoz yaq. Miq htenc kuex vruex yac yuimx htenc rulc muinz, manx pung shvmx vyac htenc kuex yvmx khoc lac pvmx shup lvp shvnx!

Acts 17:29

Naungshiq kuex Tishox suiuz vsaz tamx rvtiq rulc rv-ngvlc Tishox kuex miqsaz thuinz maq tvmaung vtueq vguirx taq kuimshawx, kuimphox nuiyc lungsex maq vtvhungx yac yuimx rulc rv-ngvlc yaq ngoz tueq nauk tvmaung kaz.

Acts 7:41

Kvruex yimaq tsuingshiq rueq mansuiux saz yac yuimx tvhungx guirx vtueq, kvruex yac yuimx muex shomc nawk kuy shomc kuq ruiux tsuingshiq rueq shuimc wvnc tueq kuex tvtsanc nganc kokez moalx yungx tvhungx tueq.

1 Corinthians 10:7

Rumvrc luik nuex, “Miq htenc ngaungc vtueq phuiuz svy moalx kuex vshuy vshac luemc pawc moalx muex tvyaungc yaq,” ngoz tueq wuiyq shec tueq.

TRI CHONGKE 9:16

Nuimshiq kuex Yehowa nuimshiq Tishox rueq nuimshiq muex vkuq vpiq rueq vnvr kvjaz kuex tay muit maq, nuimshiq rueq nawk palx tvkoc manx saz yac yuimx kuex tvhungx guirc ningkhvnc nuex vpiq muex yaq wuez vtuinx kuex ngaz rueq khiz vphaungx.

PHOWEBI 8:24

Yuq muinz piq rueq ngoc, “Nuimshiq kox wawc ngaz rueq thoz juing phvnx shiz httax yaq. Nuimshiq rueq lvp taq tuit kuimshawx najic htenc kuex ngaz muex kuq wuez kuit,” ngoz tueq jungx tueq. (Median miqsaz kuex vganc kumtsvy tvnx nuex httaz jix miqsaz ikhoc kuimshawx najic jic wuez yaq.)

PHOWEBI 8:27

Gideon rueq kvruex kuimshawx htenc kvmaq yac yuimx vshiz kuex tvhungx guirx vtueq, piq httax yaq Ophra nuex taq tueq. Israel miqsaz htenc rueq Tishox kuex tuip gay ruiux, kvruex wawc yac yuimx kuex nawk palx kaz wuez tueq. Kvruex kuex Gideon nuiyc piq yuimx jix htenc tvkoc bix vtsvnc taq ikhoc yaungx wvnc tueq.