DUNGWVNC 32:5 - Hawa Naga Bible 2001

⁵ Kvruex yimaq Arun rueq mansuiux yac kvlc kvyuq shomrawx guirx tvhungx vtueq, “Invp raungnuiyq kuex Yehowa muex tvtsanc nganc moalx kuq shix,” ngoz tueq jungx tueq.

ASII LAKDAP Bible (BSI)

⁵ Kiijiishe Aron raq saüla pongse sumla khaki na berong-wacha ashi haito. Raüta mungmaiqse ma akha tiitaito, “Anap ranaiq Tatiwe shreng poi ashi miklo rong i.”

DUNGWVNC 32:5 Referencias Cruzadas

1 HOKHVMX 21:9

Luik htenc kvyuq vkhoc httax yaq: “Phuiuz svy mamc tvkoc nuiyqshiz tvtay kuq shuinz, miq kuex tvtuimx gvl vtueq Nabot muex tvtsanc nganc juing baung kuex tvhungx kuq shuinz.

2 HOKHVMX 10:20

Kvruex yimaq Jehu rueq, “Bala muex tvtsanc nganc kuy tvkoc raungnuiyq vshiz kuex htvp htaz vtueq tvtay shuinz!” ngoz tueq nvr tueq rulc rv-ngvlc tsuinghez rueq tvtay vtueq,

2 HOKHVMX 16:11

Kvkhoc rvtueq Uria rueq kvruex shvmx rulc rv-ngvlc shomrawx vshiz kuex Ahaza max yek waung nuex tvlot laz tvhungx guirx laz tueq.

2 KAÜWA WERAÜ 30:5

tsuingshiq kuex ghaqkhux kox Dan ghaq maq ghaqyaz kox Berasheba nuex httuiuc laz httax yaq Israel miqsaz lotlaz Yerusalem ghaq nuex rvtuimx kaz vtueq, kungkhux wawc htauk nuex muinz vpaung miq vkung vdaungx kuex Tvrac rulc rv-ngvlc Tvlvy Wvnc Moalx moalx tvkoc tvgvl tueq.

DUNGWVNC 10:9

Moshe rueq, “Nyuiuz waz, nosaz nuiyshiq lotlaz kaz tix. Nuiyshiq suiuz vsaz htenc, khelbuenx nuiyc khelx htenc manx htenc lotlaz shvlc lvy juing, yvmx khoc lac ngoz ruiux lec Yehowa muex tvtsanc nganc moalx moalx kay ningkhvnc nuex rvtueq,” ngoz tueq jungx tueq.

DUNGWVNC 12:14

Ngaz Yehowa rueq shuimx wvnc tauk kuex tharc tvsvmz tvkoc vruex raungnuiyq kuex nawk palx kuiuq vmoalx raungnuiyq muex tvyaungc rax. Moalx vruex kuex httuiuc wvnc yaq ruip rawx nuex muinz moalx wuez shuinz,” ngoz tueq jungx tueq.

DUNGWVNC 17:15

Moshe rueq shomrawx vshiz tvhungx guirx vtueq, “Yehowa kuex ngvy Nganc Dvmx rvtueq,” ngoz tueq muingc tueq.

DUNGWVNC 32:4

Piq rueq kuimshawx nac jic htenc kuex tvyuimx shuz vtueq, manx saz vshiz kuex tvhungx tueq. Miq htenc kvraq, “Israel miqsaz lex tishox vruex kuex Ejip mungx wawc nuimshiq tvdungc shvlc lvy jix naungshiq tishox rvtueq!” ngoz tueq jungx tueq.

DUNGWVNC 32:6

Nvp yix raungnuiyq raungnvp samaq shomc nawk kuy juing juiuz muex ngoz tueq, tsuinghez rueq nyvmx saz wvyvmc kuex lvmz laq vtueq, vganc kuex lux rvyaungc shomc kuq ruiux phauk saq wuez tueq. Miq htenc kuex phuiuz vsvy moalx kvyuq ngaungc wuez vtueq phauk saq piauc liauc wuez ruiux rvhtok pawx wuez tueq.

Hosea 8:11

“Mvrax kvdawc tvkoc Israel miqsaz rueq shomrawx tvhungx paung wvnc, mvrax yaq juing baung htenc paung wvnc dvyx rvtueq!

Hosea 8:14

“Israel miqsaz rueq hoc htenc guirx tueq, yuq muinz tsuingshiq hoc Guirc kuy jix Waz kuex vlauk rvgay tueq. Yuda miqsaz rueq ghaqyungx palx ruk kuex ruk wuez tueq. Yuq muinz ngaz rueq wvr tvkaz vtueq tsuingshiq hoc htenc nuiyc ghaqyungx htenc kuex tvkhamc gay shaungx.”

LEWI 23:2

Israel miqsaz htenc vdvmz nuex rvtuimx nawk palx wuez shuex nuex, nawk palx htungx vlayx moalx htenc nuex phvnc juing tvrac htenc kuex kuq tueq.

LEWI 23:21

Kvruex raungnuiyq nuimshiq rueq wvraungx nuiyq shuimx shuinx yauk shuimc kuex nauk shuimx kaz, yuq muinz nawk palx tvkoc rvtuimx wuez kuinz. Nuimshiq suiuz vsaz kuex mruex baung nuex dvyx httax ngaungc ruiux muinz, tvrac vruex pattup phvnc rax.

LEWI 23:37

(Vruex htenc kuex nuimshiq rueq nawk palx rvtuimx wuez vtueq Yehowa muex tvtsanc nganc kuy nuiyc wvraungx nuiyq tek htvp htaz shec tueq vkhing htenc kuex phvnx vtueq lekuy phuiuz vsvy shomc kuy, wvr maq jauk shomc kuy, vruiy vwungx shomc kuy, shomc nawk kuy nuiyc svpiq tix shomc kuy htenc kuex tvhungx nawk palx htungx nuex seng yaq moalx htenc rvtueq.

LEWI 23:4

Htvp htaz taq tueq vkhing nuex shuimc kay juing moalx htenc lvmz kuex tvtay jungx shuinz.

1 Corinthians 5:8

Kvkhoc rvtueq mvrax nuiyc layx bac ngoz yaq wisiz vkez lomx yaq wanx phux maq rvmuq maq, vsawc thuinz nuiyc tsuingrux ngoz yaq wisiz lomx muq wanx phux maq Tvlvy Wvnc Moalx moalx wuez ix.

1 SAMUEL 14:35

Sholu rueq Yehowa tvkoc shomrawx vshiz tvhungx guirx tueq, kvruex kuex vphaungc shauk shauk vguirx rvtueq.