DUNGWVNC 32:5 - ASII LAKDAP Bible (BSI)

⁵ Kiijiishe Aron raq saüla pongse sumla khaki na berong-wacha ashi haito. Raüta mungmaiqse ma akha tiitaito, “Anap ranaiq Tatiwe shreng poi ashi miklo rong i.”

Hawa Naga Bible 2001

⁵ Kvruex yimaq Arun rueq mansuiux yac kvlc kvyuq shomrawx guirx tvhungx vtueq, “Invp raungnuiyq kuex Yehowa muex tvtsanc nganc moalx kuq shix,” ngoz tueq jungx tueq.

DUNGWVNC 32:5 Referencias Cruzadas

1 HOKHVMX 21:9

Lak na akha waito, “Ranaiqshi amang maq achu jaü akhing tiihong ronglaq. Lantea mungmaiqse thun ka adam na tiithung ronglaq. Kra ngongthun nga tlan akhing na Naboth ka shiilangbi ngachang na tiinga ronglaq.

2 HOKHVMX 10:20

Raütiishe Jehu raq akha aming kuqto, “Baal phra shomnoq miitu ranaiq akhing tiihong ronglaq. Lanta chiiriim lanea mungmaiqse ma tiitai ronglaq!” Krai mren, tsütsa ka hünong buk raüta tiitaito.

2 HOKHVMX 16:11

Krai mren ramwe Uria riimin kra sumla niq riri berong-wacha kra klo kuqto. Raüta Ahaj ka maiq hiq maq misaüho shaq niili tlot haito.

2 KAÜWA WERAÜ 30:5

Kra ningkhan tsangshiq raq Israilnok mungmaiqse ka hiqkhu nü mung na Dan chela ma riita hiq mai nü mung na Beersheba chela na saüli kra Jerusalem na Tiichhii Wan Poi ka Thungtri na chongtlaq kra phan phan lang wan rong i ngutiishe bom ka tiichong wanto. Kiimaq mungmaiqse ka man na nam ma apapa walanta lomwa rongkiq nguta tiichong hoto.

DUNGWVNC 10:9

Kiijiishe Mosheq raq treto, “Naishiq wiitarü mikihohai. Naisetiim nosere thun kiimaq nyungwere thun kunli hutjok. Naishiq raq naisetiim maiqwe sere kiimaq jechaksere thun, kiimaq naishiq skukong, kiimaq chhechhi kong, kiimaq naishiq minsaü kong thun wiita. Jamkhano ngukla naishiq raq Tatiwe shreng poi jonghea klo chang.”

DUNGWVNC 12:14

Namshiq raq ara ranaiq arka, Ngi Tatiwe raq jamlai wa shamkuq kang kra tsan na tiitsang wan miitu kamtsantsii poi ma seng lanta lang wan ratlo. Arka Ngi Tatiwe raq namshiq miitu jamlai jaqwa shamkuq kang kra nam tsan na tiitsang shat miitu akam alam poi nguta lang wan ratlo. Arka pattup pat-sa langruq ronglaq.”

DUNGWVNC 17:15

Kiimaq Mosheq raq kiijaq berong-wacha ashi haito. Raüta kriika, “Tatiwe ka ngi Tanglap,” nguta mangto.

DUNGWVNC 32:4

Kiimaq apaiq raq niti thun ka jaüto, raüta wa na tiijamto. Raüta chaq ka thang na loto. Raüta chaq maq saüla pongse sumla ashi loto. Kra chhi raüta mungmaiqse raq nguto, “Israilnok lei, ahata nashiq phra kaü, Ejip mung wa nashiq sheawanti!”

DUNGWVNC 32:6

Anap ranaiq ranap chu maq tsangshiq raq honglu na take ma nyamse thun wiijam lam wanto. Kiimaq nyamse wiijam ka rintii-honglu na kuq raüta aphaq ma lam wanto. Raüta mungmaiqse ka poi dung kra phaqsea she ngakito. Raüta kra poi ka chechok tsampii butja she tiipongpii wanto. Raüta hikong ikha sethoqja she kiicham wanto.

Hosea 8:11

“Israilnok raq tsangshiq ngarai tiisii miitu, phra sumla apapa shong wanto. Raüta noq wanto. Kriika tsangshiq ngarai tiipa wan li riito.

Hosea 8:14

Israilnok raq tsangshiq sichang jam ka, hokham jamkaütiim ikha hai wanto. Shatmaq tsangshiq Phansangtiwe ka laqbaiqto. Juda mung raq chela thun tei wanto. Chiqse rewe tiiwong ma, chela tro tam maq kiitelong rukto. Shatmaq ngi raq wa maq michaq baiqha. Tsangshiq hokham jam thun wiita, tsangshiq chela thun butja,” nguta Tatiwe raq ngutlo.

LEWI 23:2

Israilnok ma kuqlaq nguta arthun thungtri kuqto. Arka ümtiikiiwa Israilnok raq kamasham poi thun klo wantlaq akhing na noqku na riitamtlaq kiijaq lang wan chang.

LEWI 23:21

Kra ranaiq namshiq phong wa jurmin maiqmii joli jaqsham ka shamkai maimak. Shatmaq adam na riitam lanta noqku na shomnoq ronglaq. Namsaü namsetiim raq pattup miitu tsangshiq ka ümriiba na shong nga raü min ara poi ka klo wanruq ratlo.

LEWI 23:37

(Arthun arka akam alam poi thun siisaq. Arthun poi akhing na namshiq ka adam na riitam lanta noqku maq shomnoq wan akhing, kiimaq phaqsea-honglu, chaqtlii-honglu, wong-honglu, nyamse take honglu, kiimaq spiqtai-honglu ke wan thungtri na chongtlaq kra phan phan kewan akhing.

LEWI 23:4

Arthun poi ara akhing riikhaqli na lang wan miitu chiiriim lanta mungmaiqse ma chongkuq ronglaq.

1 Corinthians 5:8

Ara ningkhan, nashiq raq Tiichhii Wan Poi klo rong i. Riita ara Poi klo arka, nashiq ngarai achü pi maq sho raüta atiija winsii phu nai ashut winsii phu kra phaq laita ka riimak. Shatmaq pi maq shohü winsii, siirairai nai tengman tlaq winsii phu kra phaq laita poi ka klo rong i.

1 SAMUEL 14:35

Saul raq aphashaqshaq Tatiwe ma berong-wacha ka kiijaq haito.