DUNGWVNC 20:13 - ASII LAKDAP Bible (BSI) “Maiq miisaq naq tiithumkiq. Hawa Naga Bible 2001 “Miq thvy mvy muq. |
Manase raq maiq pahea sepii tsat baiqto. Raüta Jerusalem chela chii heawea lam thun na maiq tiijai ka khamrai ma tiija wanto. Apaiq raq arthun maiq miisaq tan wantaq arka apaiq raq Juda mungti ka sumla phra phong shomnoq thiikho na tiidea baiq wantaq kra tiitsuq ma kloto. Raüta mungmaiqse ma Tatiwe makki na ngarai tiitangto.
Hokhamwe raq Jekeriawe Jehoiada raq apaiq miitu tsapkapkap jaqsham kuqtaq kriika alaq she riibaiqto. Kra raüta apaiq raq Jekeria ka tiitsat baiqto. Jekeria ka atsai wan lam maq akha riim thüto, “Namshiq raq jamlai wa riitlan ka Tatiwe riitiq miliilaq. Raüta namshiq ma mo mitiiho laq!”
Shatmaq maiq weshi raq, atsankhiq tsi ma tamlam lam maq maiq ashi kra tiitsailaq tsatbaiq raüla, kra matwe ka atsea baiq chang. Apaiq ka akhum tiikhe wa i berong-wacha na tiipaü juraü min atsea baiq ratlo.
“Kiimaq maiq weshi raq pekii maq adise ka tsat raüla, dise ka maiqwe lo jechak lo jiimin, kiimaq dise ka kiijaq chut tsaiki raüla, kriiwe ma mo ka tiiho ratlo.
Shatmaq kra minsaü saüla pongwe ka maiq thaüti dongdii kiimaq atati miimin hon tlam jeshe, shatmaq minpongwe ka banthü mak li thü raüta, kriima maiq ka tiitsailaq tiithaü baiq raüla, minsaü pongwe ka longmaq tiitsailaq tiiqbaiq chang kiimaq atatiwe kiimin tiitsailaq tiiqbaiq chang.
Khahü na maiq ma kha naq nyankiq. Kiimaq maiqsangti ka tiishut laüta phaqsi na naq tiikikiq. Jamkhano ngukla jurwa akha ajiq photlaq raüta ashut klotlaq, kriiti ka Ngi raq mitiishut baiqha.
Bom shiiton tsangshiq raq, “Wara, nashiq raq maiq ashi ra atsea baiq ma rit rong i, maiqsangti jamin sapmakti thun kra, atiitsa sea ikha tsatbaiq rong i!
Shatmaq tsangshiq raq thiikho thutlaq kriika, tsangshiq dea wa changli kata! Tsangshiq raq athu thiikho kiijaq, maiqmii kli dea watlo!
Tatiwe ka apaiq sichang ramungtan jam maq aki saühotlo she. Apaiq ka mangjong maiqse raq ngarai thun klo khana tsangshiq ma mo tiihokai kitlo. Mangjong hiq na ahukse maq maiq atsatbaiq thun ka wiita mitiichhikuq. Kiimaq maiq ümchu wa tsatbaiqtaq thun ka hiqraikhü riimin paülot mak she miraq.
Shatmaq namshiq raq ara bomtsi arka tsan na riikhaqli thü ronglaq: Namshiq raq ngi tsatbaiq han jiila, namshiq ajong alabi nai mungmaiqse ara chelati ka maiqse ashi khahü na tseabaiq wan kha na ngarai khabu she mihohan. Jamkhano ngukla, Tatiwe raq ngi ka namshiq ma ara honlam bomtsi ara chongkekai tiikito.”
Jurwa maiq nyamse tsatbaiq tlaq, kra apaiq raq nyamse maq songke ratlo. Shatmaq jurwa maiq tsattlaq kriiwe ka atsea baiq ratlo.
“Jamlai phan aming lang chang wa miraq?” nguta apaiq raq Jesuq ma waito. Kiijiishe Jesuq raq treto, “Maiq naq tsatkiq; maiqchak rai naq srakiq; ahuk naq jakiq; khahü na maiq ma huk naq nyan kiq;
Ümniiraq Mosheq raq akuqthü thungtri aming thun ka asap haü. Kiijaq akha chongtlo: ‘Mat we ma naq jakiq; sipeja ngarai naqtangkiq; ahuk naqjakiq; khühü na maiq ma kha naq nyankiq; maiq ka naq laokiq; ümnyung nai ümwe ka shreng laq!’ ”
Ümniiraq ara Shiikeawe aming thun arka asap haü: Arka, ‘Maiqchak maiqse rai naq srakiq; matwe ma naq jakiq; ahuk ma naq jakiq; mihü na kha naq nyankiq; ümnyung nai ümwe ka shreng laq,’ ” nguta chongtlo.
Kra chhi raütiishe, Paul raq tiihong raüta, “Ümniiraq ümmiisaq ka naq tan kiq! Naishiq tarü ajaq asi siisaq!” nguta apaiq ma riimto.
Kriiwa, noktibi raq paüse ka Paul jaq na tiipaq raü kra chhito. Kiimaq kra chhi raüta, tsangshiq nai tsangshiq liipan na akha riichongto, “Arwe arkla maiqtseati matwe dea sham! Apaiq ka khamjong mong na tsai chang wa lunto. Shatmaq, Tingting phra kaü raq apaiq ka tiihang mak she sham arja wa,” nguta tsangshiq liipan na riibomto.
Thungtri aming thun na akha chongtlo, “Maiqchak rai naq sra rongkiq; matwe ma naqja rongkiq; ahuk naqja rongkiq; maiqhup maiqsam chhi lanta, naq sü ram wan rongkiq.” Riita, ara chongtlaq aming thun nai aming ahin sitlaq kra thun kriika, aming ashi na siisaq li sup wan tlo. Ara chongtiikai tarü aming thun bomtsi kra tiiku wan chang aming sitlaq kriika, “Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq,” nguta chongtlo.
Tsangshiq ka makshu rashe miili sitlo. Kiimaq tsangshiq raq, phra sumla shomnoq tlaq poi akhing na, pinthum chephe tsampii raüta, kuku waqshii kong ikha, riinyat shat raüta sitlo. Kiimaq, ara chong wankai thun ara niq riri hali, ahin abi pahea jaqsham thun min asi, kra sham tlo. Ngi raq namshiq ma, man niimin tsii chongkuq kang. Kiimaq ümchaü min chongkuq nong tiikang. Jurwa arthun ngarai ara tang raüta sitlaq, kriiti ka, Shiikeawe sengi ma jawan lot mak. Kiimaq, Shiikeawe mungtan na saüwan lot mak.
Nashiq raq tsan na samhea tak chang sitlo, maiqse ma thungtri she nguta sitlaq kriika, maiqshaqti miitu ka riimak. Tri raü thun sitlaq kriika, tri raü jintibi, kiimaq mat-saü tsaseti miitu sitlo. Shiikeawe lamphan sap makti miitu, kiimaq ngarai tangti bi miitu. Shiikeawe ma kamtsantsii rüm makti miitu, kiimaq anyung lo, awe lo tseati matwe jati miitu sitlo. Kiimaq maiq tseati matwe jatibi miitu tri raü ka thü tlo.
Shiikeawe raq, “Maiqchak maiqse rai naq sra rongkiq” nguta aming kuqto. Kiimaq apaiq riisü hali, “Matwe ma naqja rongkiq” ngutiimin aming kuqto. Riita arkha maq, namshiq ka maiqchak maiqse rai sra kiman li jiimin, maiq miisaq la tanki han jiila, namshiq ka thungtri jinti she.
Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.