DUNGWVNC 20:14 - ASII LAKDAP Bible (BSI)

¹⁴ “Maiqchak rai naq srakiq.

Hawa Naga Bible 2001

¹⁴ “Miqjuik miqwaz rulc yaq mvy muq.

DUNGWVNC 20:14 Referencias Cruzadas

RAPHA HIQWA LAK 39:9

Ara jam kun na apaiq raq jamkho arang hotlaq kiikha ngi riimin arang hotiikang. Kiimaq apaiq raq ngi ma jamlai phan min dampaü mak. Ümniikli she tiichongtlo. Ikhiijiika ngi raq atinkhan ashe ashut sethoq ngarai ka Shiikeawe makki na jamkho miklo?”

2 SAMUEL 11:27

Riita wulum tiijü maaho akhing kra thumjai she, Dawit raq kriinyung ka hokhamwe jam kiijii she tiisheakito. Kiimaq kriinyung ka Dawit riishe rom wanto. Kiimaq ase ka maiqwe se ashi chiito. Shatmaq Dawit raq jamlai wa kiimungtaq kra chhi raüta, Tatiwe ka Dawit ma atsan heamak she riito.

LEWI 18:20

Maiqchak rai naq haingakiq. Kra raüla ümniika apii ashe ma mija haü.

LEWI 20:10

Kiimaq maiq ashi ra raq anok abin Israilnokwe chak rai shraki raüla, tsangnai wiita kriiwe nai jechak nyung ka tiitsailaq tsea baiq raa.

MALAKI 2:15

Shiikeawe raq ümniika ümjamti-nyung rai han-ngam na kiimaq wenyi na pum ashi han ashi klokuq wanto riimak shea? Apaiq raq namnai tiishong nga wantaq arka jamlai miitu wa? Arka namsetiim ka riikhaqli Shiikeawe saüsetiim ma mija wan laq nguta atiishong wan. Arningkhan, namshiq liipan wa ju riimin, achak ma jaqkhaq raü atiipakuq kra, diibaiq maimak.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

WEAWEA 5:12

Israilnok ma arthun tsii chongke bomtsi ara chongkuqlaq. Bom ka akha moraqli miraq. Awese raq ata-nyung ka apaiq shummii raüta maiq rai kiicham kito, raüta apaiq khum ka tiisheto nguta kha mo-nyanli miraq. Shatmaq tsangwe riika riikhaqli ka sap mak. Jursap tsang-nyung raq kra bomtsi ka apaü raüta mothü min moraq miraq. Kra chhiti ka maiq saqse jumin ahü. Kiimaq tsang-nyung ka kra maiq rai sra rai tlaq akhing na jurmin chhimak dea. Riimakla, tsangwe ka tsang-nyung ma khahü na atsan ka motiikan sea moraq li miraq. Tsang-nyung riika tsangwe ma jamlai shut phit min klo mak shatmaq kha mo-nyan li miraq.

Matthew 19:18

“Jamlai phan aming lang chang wa miraq?” nguta apaiq raq Jesuq ma waito. Kiijiishe Jesuq raq treto, “Maiq naq tsatkiq; maiqchak rai naq srakiq; ahuk naq jakiq; khahü na maiq ma huk naq nyan kiq;

Romans 13:9

Thungtri aming thun na akha chongtlo, “Maiqchak rai naq sra rongkiq; matwe ma naqja rongkiq; ahuk naqja rongkiq; maiqhup maiqsam chhi lanta, naq sü ram wan rongkiq.” Riita, ara chongtlaq aming thun nai aming ahin sitlaq kra thun kriika, aming ashi na siisaq li sup wan tlo. Ara chongtiikai tarü aming thun bomtsi kra tiiku wan chang aming sitlaq kriika, “Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq,” nguta chongtlo.

TRI CHONGKE 5:18

“‘Maiqchak rai naq srakiq.

Hebrews 13:4

Maiqta khan na, maiqlam poi ka wiitarü raq pinthum shreng chang. Ata awii ngutiishe sitlaq kriika, awesetiim nai atanyungtiim liipan na, pinthum riilung riiwii maq siwan raa tlo. Jurwa ashong angawi she maq, maiq ahinti rai sethoq jaki tlaq, kiimaq maiqchak maiqse rai sraki tlaq, kriiti ka, Shiikeawe raq thaq mak, kha mitiiho.

James 2:11

Shiikeawe raq, “Maiqchak maiqse rai naq sra rongkiq” nguta aming kuqto. Kiimaq apaiq riisü hali, “Matwe ma naqja rongkiq” ngutiimin aming kuqto. Riita arkha maq, namshiq ka maiqchak maiqse rai sra kiman li jiimin, maiq miisaq la tanki han jiila, namshiq ka thungtri jinti she.

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

Revelation 21:8

Shatmaq, haisuti thun, mung shaphaqti thun, maiqse ka lamjiq na shunsheati thun, showe ma jawanti thun, sethoq jawanti thun, maiqwuq maiqlongti thun, sumla noq wanti thun, kiimaq arot akiq bom chong wanti thun ka, tlotli wamungtan na nyiimwin wa ikha nyai tlaq kiijaq mitiidea baiq. Arka thongnai tsai ngutlaq kriishe.”