DUNGWVNC 20:14 - Hawa Naga Bible 2001

¹⁴ “Miqjuik miqwaz rulc yaq mvy muq.

ASII LAKDAP Bible (BSI)

¹⁴ “Maiqchak rai naq srakiq.

DUNGWVNC 20:14 Referencias Cruzadas

RAPHA HIQWA LAK 39:9

Vruex yuimx vyuq piq rueq lvp yaq vrangx vpangx ikhoc ngaz rueq muinz lvp tauk, mnoz maq lvy vtueq yvmx muinz ngaz muex tvwanc yaq rvmuq. Kvkhoc rvyruiux vkhoc vshuy vshac yauk shuimc kuex shuimx vtueq Tishox muex ngaz rueq yvmx khoc lac yaq gay shaungx?” ngoz tueq.

2 SAMUEL 11:27

Vkhoarc yonzyex htumx yix maq, Dawid rueq miq tvkaz vtueq hoc nuex tvshvlx kaz tueq; vtaungx nyuiuz muex tvyaungc yix maq vsaz miqwaz saz jawx tueq. Yuq muinz Dawid rueq shuimx wvnc tueq lvmz kuex Yehowa rueq raungc raq muq.

LEWI 18:20

Miq juik nyuiuz rulc nauk rvshonx ronx kaz; kvkhoc ruez ruiux yuq mnoz kuex nawk palx htungx maq sawc muq.

LEWI 20:10

Israel miqsaz vdvmz dvmz wawc kungjix waz juik nyuiuz rulc yaq gay ruiux yuq, tsuingnueyc vtaungx vthueyc murx tvgurc rax.

MALAKI 2:15

Tishox rueq nuimnueyc kuex gvnngvmx nuiyc siyac vshiz muex tvyaungc shec tueq rvmuq haz? Vruex lvmz vyuq vpiq kvmungx kuex yvmx lac? Nuimshiq rueq Tishox miqsaz muik shauk htenc kuex jawc kuy tvkoc rvtueq. Kvkhoc rvtueq nuimshiq ukhaq rueq muinz miqmac taungnyuiuz rulc bomkhvmc vtaq kuex vsuing tvbac gay lot shuinx rvmuq.

MALAKI 3:5

Tvphaungc Tvsuip Yehowa rueq, “Nuimshiq muex khac phoc tvkoc ngaz httuiuc kaz vtueq, luinglawc jix htenc, miqjuik miqwaz senc lvy jix htenc, vyaq vphaq hakhix khvmc jix htenc, yauk shuimc jix hez yauk mauk kuex laulawc phuiuz svy jix htenc, mvntix nyuiuz tamx, nojix sahez nuiyc pungnuk miqsaz htenc kuex yomnamc jix htenc maq phaungc vtueq, ngaz muex hiyaz tvtsanc nganc muq jix htenc muex lvmx lvy dvyx tvkhic tvtay shaungx.

WEAWEA 5:12

Israel miqsaz muex vkhoc tvkhic jungx kuq tueq. Vtaungx nyuiuz kuex vtaungx waz nuex tvmtuing vguez maq vganc miqwaz rulc htok pawx vtueq piq shauk pumz tvshuy shac gay ruiux yuq, kvruex khac kuex vtaungx waz rueq helc tuiuz tsic muq. Yuq muinz vtaungx waz rueq kvruex lvmz kuex rvkhauk tuiuz lot muq, yvmx khoc lac ngoz ruiux lec vtaungx nyuiuz rueq kvruex khac kuex vpuingc pvy rvgay yaq, hakhix vguez, kvruex nyuiuz yaq tueq mvrax kuex lvp lot muq. Rvmuq ngoz ruiux vtaungx nyuiuz kuex piq htauk nuex tvmtuing vguez shex ngoz ruiux doc muinz vtaungx waz kuex vtaungx nyuiuz kuex helc lot muq muinz yaungx tuex.

Matthew 19:18

Kvruex waz rueq, “Yvmx khoc bomkhvrc tvrac lac rvtvnx?” ngoz tueq wiz tueq. Yesu rueq, “Miq nauk thvt kaz, miqjuik rulc nauk yaq kaz, miq hup svmx nauk guiuq kaz, vrot vkaq hakhix nauk khvmc kaz,

Romans 13:9

Yvmx khoc lac ngoz ruiux lec, “Miqjuik nauk senc kaz, miq nauk thvt, miq hup svmx nauk guiuq, rvnphvnx thuinz nauk httax kaz,” ngoz yaq Tvrac htenc nuiyc vganc tvrac htenc kuex, “Yuimx phic yuimx phaungx wuinz kuex miqmac shauk pumz rulc rv-ngvlc lungwawx shuiuz,” ngoz tueq bomc poshiz nuex dvyx tul shauk lomx yaq.

TRI CHONGKE 5:18

“‘Miq juik yaq mvy muq.

Hebrews 13:4

Miqlvmc lvmz kuex miq lotlaz rueq tvtsanc nganc rax tuex, vtaungx nyuiuz nuiyc vtaungx waz kuex washiz maq washiz tvmtuing httaz rax tuex, thuinz vbac jix nuiyc miqjuik miqwaz rulc yaq jix muex Tishox rueq vphoc rvshuex.

James 2:11

Yvmx khoc lac ngoz ruiux lec, “Miqjuik nauk senc kaz,” ngoz tueq ngoc jix waz rueq, “Miq nauk thvt,” ngoz tueq jungx yaq, mnoz kuex miqjuik senc laq muq ngoz ruiux muinz, miq thvt gay ruiux kuex kvruex tvrac muex yaq gay rvtueq.

James 4:4

Tvmtuing vguez miqsaz lex! Mungkawx vrulc phunox rvyaungc kuex Tishox rulc ralx muex yaungx yaq lvmx nuimshiq rueq tuiuz muit haz? Mungkawx rulc phunox rvyaungc roc jix waz ukhaq yuq muinz miqmac shauk gvnz kuex Tishox muex ralx tvyaungc vshuinx.

Revelation 21:8

Yuq muinz vhiz thuinz httaz jix, kvmluimx muq maq tvmtuing vguez jix, layx vbac miqsuirc vsac jix, miq thvy jix, htokpawx yauk shuimc jix, mantan htaqpix shuimc jix, yac yuimx nawk palx jix, vrot vkaq kvjaz jungc jix lotlaz kuex wvr nuiyc kanz luic yaq jumx nuex httuiuc wuez tuex, vruex kuex lauknueyc thueyc rvtueq,” ngoz tueq jungx phuex.