James 2:13 - ASII LAKDAP Bible (BSI)

¹³ Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

Hawa Naga Bible 2001

¹³ Yvmx khoc lac ngoz ruiux lec Tishox rueq menjenc thuinz vguez jix waz muex menjenc thuinz vguez maq phox kuq shuex: yuq muinz menjenc kuy lvmx rueq vphoc rvyaq kuex taungx gay lot yaq.

Muklom

¹³ Chammatakoi barey tinshit moq, ning khaphung sha tinshit ahung na angna. Tinshit shey khaphung sha jin aa.

James 2:13 Referencias Cruzadas

RAPHA HIQWA LAK 42:21

Raütiishe tsangshiq liipan weshi raq weshi ma akha riingoto, “Ahata. Ümchaü nashiq chamchao tiikai arka nashiq raq nano ma jamlai wa ashut klokai kra thamshe hophaq tiikai ahata. Nashiq raq apaiq ka pinthum chamchao mong na chhikai, kra ningkhan apaiq raq nashiq jaq wa khrum jaüto. Shatmaq nashiq raq apaiq ka khrum mai riikai. Kriikha niishe ümchaü nashiq raq chamchao riihum phaq kai ara.”

2 KAÜWA WERAÜ 28:11

Ngi chongpha tairong laq! Ara shumwikong arka namshiq ma namphu namno kong kiimaq namshea nyungre. Tsangshiq ka tiijang baiq ronglaq. Riimak la Tatiwe raq atsan khiq tsi ma namshiq ma amo she mitiiho.”

Tvtsvmc 18:25

O, Tatiwe lei, juwa ümwokhong na tsapkapkap sitlaq kriiti ka ümniiraq tsapkapkap liikuqtlaü; juwa minhap kriiti rai thepsang klokuq tlaü.

Tvtsvmc 85:10

Lungwii nai tsapkapkap ka adam na mirhum; kechu nai hansang ka adam na mirpom.

TAKSU LAK 21:13

Ümniiraq miitsan maiqse, hoqtlaq kra taimaü haüla, ümniiraq khrum jaü hoqtlaü kriimin, tremak miraq.

TAKSU LAK 22:16

Jurwa miitsan maiqse ka, nanshanshan raüta, maiqmii ka chiithe ma jatlaq, kiimaq chiithe maiqse ma, kongphiq kuqtlaq, kriiti ka miitsan ma mijaki.

ISAIA 27:11

Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.

JEREMIA 9:24

Shatmaq maiq ashi ra raq tiitsakisea rotlaq jiila, apaiq raq ngi ka asap kiimaq ngi ka juwa kra asap she nguta kra miituli mitiitsakilaq, jamkhano ngukla ngi lungwiitsii ka tiipit mang phan, kiimaq ngi riika tingting kappe maq tri ka shin tiikang. Arthun arkata ngi tiichochi chang jaqsham. Arka, Ngi, Tatiwe raq ngutiikang.”

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

Matthew 5:7

“Jurwa nanok ma tiihang mangchan tiichhi tlaq kriiti ma chochi; Shiikeawe raq tsangshiq ma tiihang mangchan mitiichhikuq!”

Matthew 6:15

Shatmaq namshiq raq maiq mra ka diikuq man riihan jiila, nam We Shiikeawe riimin namshiq mra thun ka diikuq mak miraq.”

Luke 16:25

“Kiijiishe, Abraham raq treto, ‘I se le, tsan na tiitsang laq. Ümrilung na ümniimiika phanrap phanrii chamtraq ake wan kun she. Kiimaq, Lajaras ka pinthum abi chamchao riihum raütli, arilung ka lea wanto. Shatmaq, ümchaü ka apaiq arjaq, chojong chise miishe sitlo. Kiimaq ümniika chamchao walü mong niishe khiimtlaü.

Luke 6:37

“Nanok naqsetsiiq rongkiq. Shiikeawe raq namshiq ka shin mak miraq. Nanok ka naq tiishut phit rongkiq. Shiikeawe raq namshiq tiishut phit mak miraq. Nanok mra ka adii riikuq ronglaq. Shiikeawe raq namshiq mra kiimin midii kuq.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

James 5:4

Namshiq raq namwak na ningchang tham phaqti, tsamhan jaq maq kampho ka kuq man maq haihii lan. Tsangshiq raq aholülü maq tiipaiqnea jaü tlaq kra tai man sha! Tsangshiq hoq trang tlaq kra Tatiwe, Ajong Shiikeawe raq taito she.

PHOWEBI 1:7

Adonibejek raq nguto, “Hokham weroqmiishi tsang jaqshi shilawe thun kra nai tsangshiq hokshi shilawe thun kra ngi raq tapbaiq kang. Tsangshiq raq inüchho seaphan hiq na atrok ha kra riichom tsunsiq raüta sito. Ngi raq tsangshiq jamkho haihü kang kriishe Shiikeawe raq ngi ka haihiito.” Apaiq ka Jerusalem na shea wanto. Kiijaq apaiq ka tsaito.

PHOWEBI 5:27

Apaiq ka alakü na riidungtsok riito, raüta kriinyung jichong na tiikaiqshak riwanto, Kriinyung jichong na tiikhiqlaq riwanto, apaiq ka hiq amaashe riwanto.