James 2:13 - Hawa Naga Bible 2001

¹³ Yvmx khoc lac ngoz ruiux lec Tishox rueq menjenc thuinz vguez jix waz muex menjenc thuinz vguez maq phox kuq shuex: yuq muinz menjenc kuy lvmx rueq vphoc rvyaq kuex taungx gay lot yaq.

ASII LAKDAP Bible (BSI)

¹³ Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

Muklom

¹³ Chammatakoi barey tinshit moq, ning khaphung sha tinshit ahung na angna. Tinshit shey khaphung sha jin aa.

James 2:13 Referencias Cruzadas

RAPHA HIQWA LAK 42:21

tsuinghez vdvmz dvmz muinz, “Vsuing doc naungnox muex guirguenz wvnc tiq kvruex laung majuiuc naunghez rvhumc vtix; piq kuex pinhtumc kuilc daz rvhumc vtueq kvmenc jenc thoz phuex rvhvt maq naunghez rueq piq muex menjenc kuq miq rvtiq. Kvkhoc rvtueq majuiuc naunghez rueq piq ngarvyx shex gurx vshix,” ngoz tueq rvjungc wuez tueq.

2 KAÜWA WERAÜ 28:11

Ngvy kvjaz tay shuinz! Vruex khoktep miq htenc kuex nuimshiq phuz vnox hez rvtueq. Tsuinghez kuex tvyek gay shuinz, rvmuq ngoz ruiux Yehowa thuinkhaq vtueq nuimshiq muex murx tvgurc kv-phuinx,” ngoz tueq jungx tueq.

Tvtsvmc 18:25

O Yehowa lex, mnoz nuex tvmtuing vhttax jix htenc htauk nuex mnoz muinz tvmtuing httax vtuiux; hunghtaungx yaq jix htenc muex vhvlx kejux shuimx kuq vshuiux.

Tvtsvmc 85:10

Lungwawc nuiyc tvmtuing kuex vdvmz nuex dung wvnc yaq; tsuingrux lvmx nuiyc nomic lvmx muinz kvromc wvnc tuex.

TAKSU LAK 21:13

Htemc saz jix waz guyc sez kuex mnoz rueq tay roc muq ngoz ruiux yuq, mnoz muex romc kuy tvkoc mnoz rueq ramc ruiux yuq uraq muinz tay kuq kv-phux rvmuq.

TAKSU LAK 22:16

Tsak vnyvmx tvpaungc tvkoc htemc saz jix kuex tuinghtuing vtueq luiz waungx yaq jix muex yauk noalc mnoz rueq kuq ruiux yuq, mshauk pumz kuex htemc vrvmc rvhumc tuiux.

ISAIA 27:11

Pulx jungx noz vphak htenc shanx wvnc ruiux yuq vtawk gay rvhumc yaq, yalxjuik rulx rueq kvruex janx muex htuimx kaz yaq. Miq htenc kuex yvmx muinz vtuiuz vtay vguez ningkhvnc nuex, tsuingshiq Tvdungc Sungc jix Tishox rueq tsuingshiq muex menjenc shuex rvmuq, tsuingshiq muex yvmx menjenc lvmz muinz tvkhic shuex rvmuq.

JEREMIA 9:24

Mkhoc shoc maq miq vshiz shiz kvsomc parc roc ruiux yuq, tsuingshiq rueq ngaz kuex tuiuz vtueq, tuiuz tay yaq jix dvyx kvsomc parc aungx yaq, yvmx khoc lac ngoz ruiux lec ngvy lungwawc thuinz kuex phaungx ngaungx yaq, ngaz rueq shuimx shaungx kvmuinz rvkhauk laz vlvmz rvtueq. Kvruex shuimc vkay htenc kvmac ngvy thuinz suing yaq. Ngaz, Yehowa rueq jungx vshaungx,” ngoz tueq jungx tueq.

EJEKIEL 33:11

Ngaz, Johvlc Yehowa kuex vtvraungx Tishox rvtauk, kvkhoc rvtueq mvrax vhttax waz thueyc kay kuex vkoz vkez maq lawc shaungx rvmuq. Mvrax yauk shuimc kuex gay shex ruiux tvraungx httaz tuinx kuex lawc roc vshaungx ngoz tueq tsuingshiq muex jungx shuiuz. Israel lex, mnoz rueq shuimx vshuiux layx vbac phvnx kuex gay shuiuz. Mnoz yvmx ngoz tueq thueyc kay roc lac?

Mikha 7:18

O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.

Matthew 5:7

Menjenc thuinz httaz jix kuex thuinhvlx yaq; yvmx khoc lac ngoz ruiux lec Tishox rueq tsuingshiq muex menjenc kuq shuex!

Matthew 6:15

Yuq muinz nuimshiq muex miq rueq vyaq kuq mvrax kuex nuimshiq rueq dawc kuq muit ngoz ruiux yuq nuimshiq Waz rueq muinz nuimshiq yaq tuinx kuex dawc kuq muq.

Luke 16:25

“Yuq muinz Abraham rueq, ‘Isaz lex, mnoz kuex vtvraungx baunglaung tsak vnyvmx vhttax luiz waungx waz muex yaungx toq, kvrulc rv-ngvlc Lazaru kuex kuilc daz rvhumc wvnc tueq kuex tvmaung shuiuz, majuiuc piq kuex tsak vnyvmx lvp luz wvnc tueq, mnoz kuex kuilc daz rvhumc vtuiux.

Luke 6:37

“Miq muex khac nauk phox kuq kaz, kvkhoc ngoz ruiux yuq jix Tishox rueq nuimshiq muex phox kuq muq rvshuex, miq muex nauk yomnamc kaz, kvkhoc ngoz ruiux yuq jix Tishox rueq nuimshiq muex yomnamc muq, miq muex mvrax dawc kuq shuinz, kvkhoc ngoz ruiux yuq jix nuimshiq muex muinz Tishox rueq mvrax dawc kuq kv-phuinx.

James 3:17

Yuq muinz raungwawc vhttuiuc kaz taksux tharc kuex vphaungc shauk vsawc rvtueq, kvruex yimaq nomic yaq, kenrix thuinz nyenz nuiyc kungjix kamjix tvyaungc yaq kvdvyx muinz rvmuq, lungwawc menjenc thuinz mvrc vtueq vhvlx phvnx shuimc vkay ngoz yaq vpuic vthuey htenc kuex tvyaungc kuq yaq; kvruex kuex htvlx phawc thvlc httauk nuiyc kvyonc yuk lvmz lomx muq.

James 5:4

Nuimshiq rueq nuimshiq wuik vnax htenc nuex yauk shuimc jix hez muex yvmx yauk mauk muinz kuq muit. Tsuingshiq kvbot nyvnx yaq kuex tay shuinz! Nuimshiq tuiz vtsvmz gvnc kuy jix htenc guyc sez tvruingc kuex Tvphaungc Tvsuip Taungjix Tishox nac nuex nyuip waung vtuex.

PHOWEBI 1:7

Adonibezek rueq, “Ngaz rueq hokhvmx waz rok mvshix kuex yashix yaukshix kuiux htenc jumz gay tauk, tsuinghez rueq ngvy humpanx khung wawc phuiuz bung svy bung htenc kuex tsenz vtueq saq wuez tueq. Majuiuc kuex tsuingshiq muex ngaz rueq guirguenz wvnc tauk ikhoc Tishox rueq ngaz muex ruez kuq vphuex,” ngoz tueq jungx tueq. Piq kuex Yerusalem ghaq nuex shvlc wvnc rvhumc vtueq kvruex yuq thueyc kaz tueq.

PHOWEBI 5:27

Piq yaz laungkuix nyenz wvnc vtueq, Jael yaz phaungx nuex rul wvnc tueq. Piq yaz phaungx nuex laungkuix nyenz wvnc vtueq rul wvnc tueq; piq kuex ghaq nuex rul kaz vtueq thueyc kaz tueq.