James 2:14 - ASII LAKDAP Bible (BSI)

¹⁴ Lungwii Phungmaiqse phunainotiim lei, Phungmaiqse weshi raq, Jesuq Khristo ma kamtiikang nguta, anübok miili tiitsaki raü jiika, apaiq raq kamtsantsii rümtlaq kra, apaiq jaqsham maq tiichhikuq mak jiika, apaiq kamtsantsii chongtlaq kriika, shaqmii li ngushat. Kiikhiinok kamasham riika apaiq rilung ka tiichhii wan lot mak.

Hawa Naga Bible 2001

¹⁴ Phunox bix lex, miq vshiz shiz kuex kvmluimx vtaungx ngoz tueq kvjungc ruiux muinz, honc vyaungc maq hakhix tvkhic lot muq ngoz ruiux kuex yvmx vjux lac httax tvnx? Kvkhoc kvmluimx rueq tsuingshiq kuex palc wvnc lot shuex haz?

Muklom

¹⁴ I no nia pho tang, nim wang chamtey tang eq bat aa, í aa ukam eq i; etharin nim jaksom na ira takhi moq ajo chamlang kapna? Irimal kam eq nim sha jin thalun eq na i?

James 2:14 Referencias Cruzadas

JEREMIA 7:8

“Liironglaq, namshiq ka laopha bomtsi kiima kamsiq lantea sitlan.

Matthew 5:20

Arningkhan ngi chongpha. Namshiq ka Phorisinok nai Thungtri shrinketibi thaq na achan linlin miishe, Shiikeawe aming ka tsapkapkap maq lang wan han jiitiq, awongsii Shiikeawe sengi ma mija wan lot han.”

Luke 3:11

Kiijiishe, apaiq raq tsangshiq bom ka treto, “Ju jaq niiwa, samtong anai asi, kriiti raq samtong ashi min ahüti miitsan maiqse kiima, samtong ashi kra kuq ronglaq. Kiimaq ju wa wok phetak tak sitlan, kriiti raq miitsan maiqse amang ale maq sitlaqti kriima, tü adung ka kran kuq lanta si ronglaq.”

Luke 6:49

Shatmaq, jurwa i bomchong ara tai raüta, lang mak sitlaq, kriiti ka maiq weshi raq, ajam kham chong thun ka, longkaü wat raüta shong mak maq, haitaq jam kiikha miraq. Akhing ashi na, jüchhang wa saü wanto. Raüta, apaiq jam ka, tiisii rai, phiiptsi jiiptsi, jüchhang wa riishe hutbaiqtaq kiikha miraq!”

Acts 15:9

Shiikeawe raq nashiq nok nai tsangshiq nok liipan na, jam lai min tiikhothiq mak dea. Tsangshiq raq Shiikeawe ma kamto. Krai mren apaiq raq tsangshiq ngarai ka diikuqto.

Acts 8:13

Simon apaiq riimin Jesuq miishe kamwanto. Kiimaq apaiq riimin kham lamto. Khamlam jai maq apaiq ka Philip rai napshnap miishe sito. Kiimaq Philip raq awang chang nai amao chang jaqsham pahea shamtlaq kra chhi raüta, apaiq ka pinthum awang riito.

Acts 8:21

Ümtsan ümtsii ka Shiikeawe man na riikhaqli riimak. Krai mren, ümniiraq naishiq rai jaqsham na lom chang ahü she.

Romans 2:25

Namshiq raq Thungtri ka riikhaqli maq lang lanta sitlan jiika, namshiq raq athohan tlan kiimin athii ka asi miraq. Shatmaq, Thungtri ka jin tlan jiila, namshiq raq athohan tlan kiimin, namshiq ka athohan hü maiq ikhli mijaki han.

1 Corinthians 15:2

Riita, arka ngi raq namshiq ma Tsütsa Ahea chongkuq wan kang kra. Namshiq ka tsapkapkap maq Tsütsa Ahea kiima kam lanta si ronglaq. Raüla, namshiq ka mitiichhii wan. Shatmaq, namshiq kamasham ka riikhaqli awongsii riimak jiika, tiichhii lot man mirhan.

1 Corinthians 16:22

Jurwa Tatiwe lungwii mak, kriiti ma manson misi laq! Maranatha-Naishiq Tatiwe lei kira!

Galatians 5:13

Riita, i phu i notiim lei, namshiq riiwe kla, Shiikeawe raq wasetiim ma tiija raüta, awokhong na tiisi miitu hea wanto. Shatmaq, ümchaü sanha, namshiq ma wasetiim rilung kuq taq arka, namshiq han-ngam sükha tsi ma, naq tiijamsha rongkiq she. Kra rii na, mangchan tsantsii maq kaütak rishi lanta, riilung riiwii miili she singa rong laq.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

1 Thessalonians 1:3

Naishiq raq, namshiq ka, na Shiikeawe kiimaq Nawejong Shiikeawe man na, namshiq raq kamtsantsii ka jaqsham ma shiitai tlan kra miitu, kiimaq Shiikeawe ma lungwiitsii rüm tlan kriikha maq, Shiikeawe jaqsham ka pinthum shiichaq lanta sham tlan kra miitu, kiimaq namshiq raq, nashiq Tati Jesuq Khristo ma ran tsantsii thü tlan kra, pharang rang maq thü tlan kra miitu, Shiikeawe man na, laq maiq maq achu jaü tiikai.

1 Timothy 1:5

Ngi raq ara aming tat tiikang arka, nashiq liipan na tiima tsantsii siirairai, ngarai tiima tsantsii ahü maq, riilung riiwii maq si miitu aming kuq tiikang. Kiimaq nashiq tsan mong na, nakongti rai tiishaü tiiji tsantsii ahü maq si miitu, kiimaq Khristo ma awongsii kamtsantsii rüm laita shongnga wan miitu aming kuq tiikang.

1 Timothy 4:8

Nashiq raq han-ngam maq ümchuwa jaqsham tiikai ara riika, nashiq han-ngam khum ara aphin tiija tlo. Narii tiihong tlo. Shatmaq, arthaq na kaü raüta, athii atsin ka, nashiq raq kamasham jaqsham tiikai ahata rahea phan jaqsham. Ara riika, nashiq rilung na, phanrap lam na awongsii ma tiija wan tlo. Kriika, ara mangjong han-ngam miituli min riimak. Rawiichii nashiq wenyi rilung miitu amet jonghea tiitsingo wan tlo.

Titus 1:16

Tsangshiq raq Shiikeawe ka saptiikai nguta tiitsaki rai tlo. Shatmaq, tsangshiq rilung na jaqsham tlaq kra riika, tsangshiq ka arot wetiim dea ngutli she, saqseng hakhi khoti kuq tlo. Tsangshiq ka Shiikeawe maklii na maiqphai asi, ashe sitlo. Tsangshiq ka Shiikeawe kiq khiiti. Tsangshiq ka jaqsham ahea shamti ka riimak she.

Titus 3:8

Ara chong tiikai bomtsi arka tengteng bomtsi. Ngi raq ara lak na waiq kang bomtsi thun ara, atsidada maq chongkuq laq. Akha jaqkhon tiipha shat maq chongkuq wan raütiq, Phungmaiqsetiim raq tsangshiq tsan atsi maq shamhea kaiwa jaqsham ka misham. Arka wiitarü miitu, athuk atsom jaqsham kiimaq wiitarü ma amet dong chang asi.

Hebrews 11:17

Abraham raq Shiikeawe ma kamtsantsii thü wantaq kha ma, Shiikeawe raq apaiq ka maitai wantaq akhing ranaiq, apaiq raq ase Isak ka, Shiikeawe ma honglu na take wan miitu tiijeje maq sito. Abraham kata, Shiikeawe raq kiqkham kongphiq khakuqtaq kra lap wanti we. Kra taü maq dongdii min, apaiq raq ase sekhuq laqlaq se kra, honglu na take wan khekham riito.

Hebrews 13:9

Tsütsa Ahea na chongtlaq, tingting rilung lamphan tlan kiiwa, maiq ahinti raq, namshiq ma arot akiq bomtsi thun shrinkuq raüla, namshiq tiishon ron haü la, namshiq ka naqshon rongkiq. Shiikeawe kaphap mangchan wokhong maq, nashiq ka tsailam jilam sitiikai. Ahata nashiq ma ningkun tu. Shatmaq, aphaq asea lam na seng raüta, arphan arka phaq sea raa mak; arphan arka aphaq sea chang; arphan arka phaqsiq mai chang, apii phan nguta tlang kuq tlaq, kra bomtsi ka, nashiq ma aliip dong chang ahü. Akhnok tri lamphantibi miika jamlai achu min ahü.

James 1:16

Lungwii Phungmaiqse phunainotiim le, namshiq ka angok angikong ma naqja rongkiq!

James 2:16

Riita, tsangshiq ma akhek raa tlaq ka, tsangshiq khum tiikhe chang samtong kiimaq tsitsü triichüm chang, ranaiq miitu dungja dase riiwe ka kuqsiq man miili, namshiq raq tsangshiq nangnga, “Shiikeawe ka namshiq rai asijo! Han tlam ma khea samhea samlanta si ronglaq. Kiimaq wok phetaktak phaqsiq lanta, si rong laq!” nguta bomke ka jamlai liip wa misi?

James 2:18

Shatmaq Phungmaiqse liipan wa weshi ra riika, “Phungmaiqse liipan na maiq wiijamti riika kamtsantsii rümtlo. Kiimaq maiq wiijamti riika jaqsham wantlo” nguta bom ka mikhii ngu i. Ikhla ngi riishe kriiwe bom ka akhiishe tre pha. “Ahea, ikhiila, ümniiraq ngi ma mitiichhi kuq lot haü jiika jam raa mak. Ümniiraq ngi ma, Phungmaiqse weshi riika kamtsantsii mirüm. Shatmaq ahea awa jaqsham miiriiwe ka tiichhi kuq lot mak min miraq ngu tlaü? Shatmaq, ngi riikla, i kamtsantsii ka asi dea rümtiikang nguta, i jaq sham maq mitiichhikuq lot ha.

James 2:26

Riita, ara chongtiikai arai mren, Phungmaiqse ashi raq, kamtsantsii ka rümtiikang ngu raü, apaiq raq ajaq sham maq tiichhikuq mak jiika, apaiq raq rüm tlaq kamasham kriika achhii, awong ka ahü. Kriika maiq maa ashi bumrai tlaq ikhli miraq.

2 Peter 1:5

Riita ümchaü min, namshiq ka asii kechu rilung siwan miitu she, Shiikeawe raq tsea wanto. Arkha maq, Shiikeawe ma pharang rang maq kam lanta sironglaq. Lanta apaiq raq namshiq ma jamlai jaqsham wa chongtlaq kra sham lanta sirong laq.