Mark 10:19 - ASII LAKDAP Bible (BSI)

¹⁹ Ümniiraq Mosheq raq akuqthü thungtri aming thun ka asap haü. Kiijaq akha chongtlo: ‘Mat we ma naq jakiq; sipeja ngarai naqtangkiq; ahuk naqjakiq; khühü na maiq ma kha naq nyankiq; maiq ka naq laokiq; ümnyung nai ümwe ka shreng laq!’ ”

Hawa Naga Bible 2001

¹⁹ Bomkhvrc tvrac nuex: ‘Miq nauk thvt, miq juik rulc nauk rvsenc, nauk guiuq, vrot vkaq hakhix nauk khvmc, nauk laulawc kaz, mnyuiuz nuiyc m-waz muex tvtsanc nganc shuiuz,’ ngoz tueq kuex mnoz rueq tuiuz yaq,” ngoz tueq jungx tueq.

Muklom

¹⁹ Nang aa raaqkhat usam eq u i miq nak tatik u; sathuk jaksom nak som u; hut nak hut u; jashit tinthin hol eq miq ma nak siin u; nak kaling ka u; ba nu ni wa ma rangka u.”

Mark 10:19 Referencias Cruzadas

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

Mark 10:18

Kiijiishe Jesuq raq treto, “Ümniiraq ngi nangnga ahea ngutiika naq ngukiq. Shiikeawe lamlamli ahea.

Luke 18:20

Ümniiraq ara Shiikeawe aming thun arka asap haü: Arka, ‘Maiqchak maiqse rai naq srakiq; matwe ma naq jakiq; ahuk ma naq jakiq; mihü na kha naq nyankiq; ümnyung nai ümwe ka shreng laq,’ ” nguta chongtlo.

Romans 13:9

Thungtri aming thun na akha chongtlo, “Maiqchak rai naq sra rongkiq; matwe ma naqja rongkiq; ahuk naqja rongkiq; maiqhup maiqsam chhi lanta, naq sü ram wan rongkiq.” Riita, ara chongtlaq aming thun nai aming ahin sitlaq kra thun kriika, aming ashi na siisaq li sup wan tlo. Ara chongtiikai tarü aming thun bomtsi kra tiiku wan chang aming sitlaq kriika, “Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq,” nguta chongtlo.

Romans 3:20

Ara jamkhano chongtiikang ngukla, maiqse aja wa, jurmin Thungtri ka riikhaqli maq lang tlo nguta, Shiikeawe rai wehea shram raüta, kechu maiqse ma jawan lot mak. Thungtri raü sitlaq kriika, maiqse ma apaiq ka ajiq we dea, nguta kha nyanke miituli sitlo.

Galatians 4:21

Riita, ümchaü ngi raq, namshiq phong wa, Thungtri puk niili siruq ro tlanti ma, bom poshi waipha shaq. Thungtri raq jamlai wa ngutlaq kra, namshiq raq taiman sha?

Galatians 5:14

Ara jamkhano chong tiikang ngukla, Thungtri raü ümchuwa sitlaq kriika, ara aming ashi arthaq niili she tlop wan tlo. Thungtri raq, “Ümniiraq ümkhum ka jamkho lungwii tlaü, kiikhiisii hali, ümjam thoti chiiti kiimin lungwii laq,” nguta chong tlo.

1 Thessalonians 4:6

Riita, ara chongtiikai ata awii liipan na shongnga lam phan na, jurmin phungmaiqse phunaino ma, ashut klo raa mak. Kiimaq kongti nansea raa mak. Ara bomtsi ara khuthaq na, naishiq raq namshiq ma kongkhuji niimin, namshiq ma tsii chongkuq kai she. Kiimaq ümchaü min, asiq areng maq chongkuq nong tiikai. Ümriiti riiwa, ara tri jinjiiq, Tatiwe raq kriiti ma mo mitiiho.

James 2:11

Shiikeawe raq, “Maiqchak maiqse rai naq sra rongkiq” nguta aming kuqto. Kiimaq apaiq riisü hali, “Matwe ma naqja rongkiq” ngutiimin aming kuqto. Riita arkha maq, namshiq ka maiqchak maiqse rai sra kiman li jiimin, maiq miisaq la tanki han jiila, namshiq ka thungtri jinti she.