DUNGWVNC 20:12 - ASII LAKDAP Bible (BSI)

¹² “Ümwe nai ümnyung ka shrenglaq. Kra riihaüla ümniika Ngi raq kuq tiikang mung kiijaq rilung luhea misihaü.

Hawa Naga Bible 2001

¹² “Ngaz rueq mnoz muex kuq phaungx mungtan kvyuq rullungx vluz httax tvkoc mnyuiuz nuiyc m-waz muex tvtsanc nganc shuiuz.

DUNGWVNC 20:12 Referencias Cruzadas

RAPHA HIQWA LAK 48:12

Kiijiishe Joseph raq tsangnai ka Jakob jipum kiiwa ado she riito. Raüta apaiq ka hiq na bumtlii maq awe khaki na bumto. Raüta awe ka shrengto.

RAPHA HIQWA LAK 50:12

Jakob raq asetiim ma aming kuqtaq kra phan phan asetiim raq maalap jaqsham ka kloto.

1 HOKHVMX 2:19

Krai mren Bathsheba ka Adonija miitu bom chongwa hokhamwe phana wawanto. Hokhamwe ka anyung saü wakiita chap saq raüta hiq nü na kusaq raüta anyung ka taoto. Raüta apaiq ka apaiq ngachang hokham ngacho na ngato. Raüta ngacho ashi tlam wa raüta anyung ka apaiq ma jaqtsi nü na tiingato.

2 HOKHVMX 2:12

Elisha raq kra chhito. Raüta agilülü Elija ma riimto, “Iwe lei, iwe lei! Israil mung khup wongketi Ajong pinthumwe lei! Ümniika wawan laü she nya!” Kiimaq apaiq raq Elija ka chhinong mak she riito. Atsanbitsi ma Elisha raq asamtong jong kaü adü na samtlaq kra mannai ma tiikholiiq chaibaiqto.

DUNGWVNC 21:15

“Jurwa awe lo kiimaq anyung lo buktlaq, apaiq ka tiitsailaq tsea baiq ratlo.

DUNGWVNC 21:17

“Jurwa awe ma lo anyung ma lo manson kiqsü riitlaq, apaiq ka atsea baiq ratlo.

TAKSU LAK 15:5

Ümwe tsiichong shishe haüla, angi maiqjiq ma mija haü. Awe trantsii taiti ka seshaq.

TAKSU LAK 17:6

Asaütiim ka atitiim khushü, asetiim ka awetiim khushü.

TAKSU LAK 20:20

Nyung nai we ma mansonti ka, rithiq ngok ngiq miraq.

TAKSU LAK 28:24

Jurwa anyungwe kampho huk ka, jam raamak nguta tiimatlaq, kriiti ka ahukjati rai mrenli.

TAKSU LAK 3:16

Anyan phaqchi raq ümniima rilung kuqtlo, kiimaq tsiiq nai shreng manto kuq tlo

TAKSU LAK 30:11

Maiq wiijam raq, awetiim ka ason riitlo; kiimaq anyungtiim ma, kechu tumkuq mak riitlo.

TAKSU LAK 30:17

Awe tikiija na niqsiq tlaq, anyung wikaüja na saisitlaq, kriiti makpo ka khala ma tiichat baiq chang, angam ka langtang ma tiiphaq chang.

JEREMIA 35:18

Kiijiishe ngi raq Rechabaiq weraü ma, Tati Ningkun Ajongwe, Israilnok Shiikeawe raq, ngi ma chongtaq bomtsi kriishe chongkuq kang. Shiikeawe raq akha ngutlo, “Namti Jonadab raq namshiq ma jamlai aming wa kuq thütaq kra namshiq raq lang wan lan. Apaiq raq namshiq ma hon atsii ümchuwa chongkuq thütaq kra namshiq raq kunkun lang wan lan. Kiimaq apaiq raq namshiq ma aming kuqtaq thun kra kunkun lang lanta jaq ka sham wan lan.

JEREMIA 35:7

Kiimaq apaiq raq naishiq ma jam awak min naqhai rongkiq kiimaq wak min naq shamsiq rongkiq nguta chongthüto. Kiimaq spiqtsiro min naq chhijang rongkiq kiimaq maiqjaq wiimin naq ri rongkiq nguta chongto. Apaiq raq naishiq ma rilung pattup tombutiip setiim niili sirong laq nguta aming kuq thüto. Laita naishiq ka armung na wanshawe ikhli siwan chang nguta chongthüto.

EJEKIEL 22:7

Chela na siti jurmin anyungwe ka shreng mak. Namshiq raq pong mungtibi ka laotlan. Kiimaq manti nyungre nai jechisetiim ka nanshan shan haihiitlan.

LEWI 19:3

Namshiq loweatek raq anyung nai awe ka shreng raa dongdii. Kiimaq Asii Niitiitsak Ranaiq ka Ngi raq namshiq ma aming kuq kang kra phan phan lang wan ratlo. Ngi ka Tatiwe namshiq Shiikeawe.

LEWI 19:32

“Nyungwere ma kai anato ronglaq. Kiimaq tsangshiq ka pinthum shreng ronglaq. Ngi ka kai shreng lanta Ngi aming ka lang ronglaq. Ngi ka Tatiwe.

MALAKI 1:6

Tati Ningkun Ajong Pinthumwe raq ramwebi ma chongtlo, “Ase raq awe shrengtlo. Kiimaq ajaqshi se ka atijongwe ma haitlo. Riita ngi ka namwe jong. Namshiq raq ngi ka jamto shreng man? Ngi ka namtijongwe. Namshiq raq ngi ka jam nguto shreng man? Namshiq raq ngi ka shummii tlan. Kra riilan tiishea, ‘Naishiq raq ümniika jamkho shummii kai?’ nguta wai tlan.

Matthew 19:19

ümnyung nai ümwe ka shreng laq. Kiimaq üm jamthoti chiiti ka ümkhum jamkho lungwii tlaü kiikha lungwii laq.”

Mark 10:19

Ümniiraq Mosheq raq akuqthü thungtri aming thun ka asap haü. Kiijaq akha chongtlo: ‘Mat we ma naq jakiq; sipeja ngarai naqtangkiq; ahuk naqjakiq; khühü na maiq ma kha naq nyankiq; maiq ka naq laokiq; ümnyung nai ümwe ka shreng laq!’ ”

Mark 7:10

Mosheq riika, ‘Namnyung nai namwe ka shreng ronglaq; kiimaq jurwa anyung lo awe lo ma, manson kiqsü, abi bom tlaq, kriiti ka atsea baiq chang,’ nguta aming kuqthüto.

Luke 18:20

Ümniiraq ara Shiikeawe aming thun arka asap haü: Arka, ‘Maiqchak maiqse rai naq srakiq; matwe ma naq jakiq; ahuk ma naq jakiq; mihü na kha naq nyankiq; ümnyung nai ümwe ka shreng laq,’ ” nguta chongtlo.

Ephesians 5:21

Khristo ma anato lanta sitlan krai mren, namshiq liipan niimin ashi ka ashi wokhong na nyap lanta, riilam riilam maq shongnga ronglaq.

TRI CHONGKE 11:8

“Ümchaü ranaiq ngi raq namshiq ma ümchuwa thungtri raütu thun kuqkang ara kunli lang ronglaq. Kra riihanla namshiq raq Jordan Rai ka mijin wan lot han. Lanta ümchaü namshiq wa wan tlan mung kra mijii wan lanlot han.

TRI CHONGKE 11:9

Kiimaq Tatiwe raq namtitiim ma nai tsangsaütiim ma mikuqha nguta kiqkham kuqtaq hiqpo hiq win mung kiijaq namshiq ka rilung alu maq pat aku mit asu miishe mishong nga wan han.

TRI CHONGKE 21:18

“Bom shiiton maiq weshi ka ase ashi asi miraq. Apaiq ka maiq bom taimak wanshak shak. Kiimaq anyungwe bom tai mak maiq kiq khiiwa sruli. Anyungwe raq atiitsii ma tsat son raü min tsii mak.

TRI CHONGKE 25:15

Riikhaqli tok ka lang laüta shinlaq kiimaq ajong alu na shinchang tlam kriimin riikhaqli maq shinlaq. Kra riihaüla, Tatiwe üm Shiikeawe raq kuqtlaq mung kiijaq üm rilung ka luhea mishong nga haü.

TRI CHONGKE 27:16

“‘Jurwa awe riimakla anyung shummiitlaq, kriiti ma Shiikeawe manson minilaq.’ “Kiimaq mung maiqse kunli raq mitre, ‘Amen!’

TRI CHONGKE 32:47

Arthun shrinkuqtaq bomtsi arka atu riimakjo. Arthun arka namshiq rilung tsitsü raütu. Kriithun ka lang ronglaq. Kra riihantiq namshiq ka ara Jordan rai reko na ümchaü wa wantlan, lanta jiiwantlan hiqshong kiijaq rilung alu maq misi wan han.”

TRI CHONGKE 4:26

Ümchaü ranaiq akhing na ngi raq ramungtan nai mangjong hiq ka namshiq shrati saqse keti ma tiijalata chongtiikang, namshiq raq ibom chong ara tlea hanla, namshiq ka kra mung kiiwa wiita she mimo wan han. Namshiq ka ümchaü Jordan rai jin wan lamta jiiwan tlan kra mung na alu ka shong nga wan lot man mirhan. Namshiq ka chongthum ma tiijatlii raüta mitiithum baiq.

TRI CHONGKE 4:40

Ümchaü ranaiq ngi raq namshiq ma kuqtiikang tri raütu thun ka kunli lang ronglaq. Kra riihanla namshiq ma phanrap na khusang ahea miraq. Kiimaq namsaü namsetiim miimin ahea miraq. Namshiq ka Tatiwe namshiq Shiikeawe raq namshiq ma pattup pat-sa miitu hiqshong rahai kuqtlaq kiijaq hansang maq siwan ruq misi wan han.”

TRI CHONGKE 5:16

“‘Ümwe nai üm nyung ka shrenglaq. Ngi, Tatiwe üm Shiikeawe raq ümniima aming kuq tiikang ara phan phan. Kra riihaüla ümniima phanrap na ahea miraq. Kiimaq ümniika Ngi raq hiqshong kuq tiikang kiijaq rilung alu luhea maq misi haü.

TRI CHONGKE 5:33

Kra thungtri raütu ka wiita kunli lang rong laq. Kra riihantiq namshiq ma phanrap na hansang rakhang miraq. Kra nguraüla namshiq ka hiqshong jiiwantlaq kiijaq aheawiq maq shong nga wan ruq misi wan han.

TRI CHONGKE 6:2

Namshiq ka atra sitlan wiiwii, namshiq kiimaq namsaü namsetiim raq Tatiwe namshiq Shiikeawe ka shreng lanta kiimaq ngi raq kuqtiikang thungtri raütu thun kunli kra lang lanta sironglaq. Kriika namshiq kra mung na pat aku mit asu maq singa wan miitu.

Colossians 3:20

Nosere lei, namshiq raq nam-nyungwe bom ka ranaiqtek phaqchii nichii maq tai ronglaq. Ahata Phungmaiqse sham akai ajong ashi. Arka Shiikeawe tiichochi chang jaqsham.

RUTHA 3:6

Kra tsii chongkuqtaq krai mren, Rut ka tsamphong buk chang ba kiina kihoto. Raüta anyaichhi raq apaiq ma chongkuq taq kra phanphan jaq ka shamto.

1 SAMUEL 22:3

Kiimaq Dawit ka Mob mung na Mijpa chela niishe kihoto. Raüta Mob mung hokhamwe ma, “Shiikeawe raq ngi ma jaqsham lamlu kra mitiichhi kuq shaq wiiwii, iwe nai inyung ka arjaq miwa laq. Raüta ümnii rai ümsilaq,” nguta tiipaiqnea chongto.