DUNGWVNC 20:12 - Hawa Naga Bible 2001

¹² “Ngaz rueq mnoz muex kuq phaungx mungtan kvyuq rullungx vluz httax tvkoc mnyuiuz nuiyc m-waz muex tvtsanc nganc shuiuz.

ASII LAKDAP Bible (BSI)

¹² “Ümwe nai ümnyung ka shrenglaq. Kra riihaüla ümniika Ngi raq kuq tiikang mung kiijaq rilung luhea misihaü.

DUNGWVNC 20:12 Referencias Cruzadas

RAPHA HIQWA LAK 48:12

Kvruex yimaq vsaz nueyc kuex vwaz pvmc wawc tenz ruiux vwaz max kvyuq tvbumc tvnawk tueq.

RAPHA HIQWA LAK 50:12

Kvkhoc rvtueq Yaku sahez kuex vwaz rueq jungx shec tueq rulc rv-ngvlc:

1 HOKHVMX 2:19

Kvkhoc rvtueq Batsheba kuex Adoniya tvkoc jungphvnc kuy muex hokhvmx waz kox nuex kaz tueq. Hokhvmx waz muinz vnyuiuz muex gvnhttuingc rvbomc tvkoc kvtenc vtueq tuk nguk kuq tueq. Kvruex yimaq piq hoc daungraungc nuex ngaungc tueq, vnyuiuz tvkoc ngaungc chuing vganc vshiz kuex lvmz kuq koq tueq, vnyuiuz kuex vkeq kox nuex ngaungc tueq.

2 HOKHVMX 2:12

Elisha rueq kvruex khiz vtueq Elia muex ngoc, “Iwaz lex, iwaz lex! Israel kuex hungc vlaungc maq tvkhup wungx kuy jix waz lex! Mnoz kuex waung wvnc vtuiux shex ix!” ngoz tueq guyc sez ramc tueq. Kvruex yimaq piq rueq Elia kuex mkaq muinz khiz muq shex. Elisha kuex thuinbac vtueq piq khvy hungyungx kuex vnueyc muex tvkhoz lak juir gay tueq.

DUNGWVNC 21:15

“Vwaz, rvmuq ngoz ruiux vnyuiuz wungc thvy jix kuex vthueyc rvhumc tuex.

DUNGWVNC 21:17

“Vwaz muex rvmuq ngoz ruiux vnyuiuz muex mvnhttonc jix kuex vthueyc rvhumc tuex.

TAKSU LAK 15:5

M-waz rueq tvhonc tharc yaq kvjaz bvlvmx lawx muq kuex miqyaq rvtueq; piq rueq tvhonc tvtharc kvjaz tay jix kuex wvtharc rvtueq.

TAKSU LAK 17:6

Vsaz hez kuex vnyuiuz vwaz ningkhvnc nuex, rullungx nyuiuz waz jix htenc kuex tsuingshiq suiuz hez ningkhvnc nuex ngamc ngax wuez yaq.

TAKSU LAK 20:20

Mnyuiuz nuiyc m-waz muex httonx ngoz ruiux yuq, mrullungx kuex nyauk hvlc mungx nuex mut kaz tueq wvrkok ikhoc htumx wvnc tuiux.

TAKSU LAK 28:24

Miqmac nyuiuz vwaz hup vsvmx guiuq kuex mvrax vguez ngoz tueq ngoc jix waz kuex vguiuq dodoc miq rvtueq.

TAKSU LAK 3:16

Taksux tharc rueq mnoz muex rullungx tvluz kuq yaq ikhoc, tsak vnyvmx nuiyc tvtsanc nganc muinz tvlvp kuq yaq.

TAKSU LAK 30:11

Miq wvyvmc jix rueq vwaz muex mvnhttonx kuq ruiux, miqmac nyuiuz muex kejux tvyez muq.

TAKSU LAK 30:17

Vwaz muex nueykuic jix waz, rullungx wikuiux shex vnyuiuz rueq nvr yaq kvjaz kuex wvlc guez tvyaungc jix ukhaq yuq muinz, tsvy hvlc wu-khax htenc rueq vmuik kuex htuiuc tv-phuk gay ruiux lawx tawx htenc rueq piq maungx kuex phuiuz gay aungx yaq.

JEREMIA 35:18

Kvruex yimaq ngaz rueq Rekhab taungx hez htenc muex Tvphaungc Tvsuip Yehowa Israel Tishox rueq vkhoc jungx tueq, “Nuimshiq kuex nuimshiq jix vwaz Jonadab rueq nuimshiq muex nvr tueq kvjaz kuex phvnx wuez vshuinx; piq rueq tvhonc tharc yaq kuex nuimshiq rueq lotlaz phvnx wuez vshuinx, piq rueq nuimshiq muex vnvr phvnx ruip saz kuex nuimshiq rueq shuimx wvnc tuit.

JEREMIA 35:7

Piq rueq nuiyshiq muex yuimx nauk guirx nuiyc wuik vnax nauk shuimx, svpiq sunc nauk khic nuiyc nauk rvrez shaungc kaz ngoz tueq jungx phuex. Nuiyshiq kuex mkaq muinz tap nuex dvyx httaz tvkoc piq rueq nvr phuex, kvkhoc rvtueq nuiyshiq kuex wuinz waz ikhoc dvyx httax vtix vruex mungx vyuq httax lvp vtix.

EJEKIEL 22:7

Kvruex ghaqyungx nuex httaz jix miq htenc uraq muinz miqmac nyuiuz waz muex tvtsanc nganc wuez muq. Mnoz rueq pungnuk wuinz waz kuex laulawc vtueq mvntix nyuiuz tamx nuiyc nojix sahez kuex guirguenz vshuiux.

LEWI 19:3

Miq pumz tek vtueq miqmac nyuiuz vwaz muex tvtsanc nganc rax, ngaz rueq nvr vphaungx rulc rv-ngvlc Vguilc Raungnuiyq kuex phvnc rax. Ngaz kuex Yehowa nuimshiq Tishox rvtauk.

LEWI 19:32

“Rullungx nyuiuz waz yaungx yaq jix muex tvtsanc nganc vtueq, ngaz muex hiyaz rax; Ngaz kuex Yehowa rvtauk.

MALAKI 1:6

Tvphaungc Tvsuip Yehowa rueq shomc waz bix muex, “Vsaz rueq vwaz tvtsanc nganc yaq, nvrc waz rueq jiyungx waz tvtsanc nganc yaq. Ngaz kuex m-waz rvtauk, yvmx ngoz tueq lac ngaz muex tvtsanc nganc muq? Ngaz kuex nuimshiq taungjix rvtauk, yvmx ngoz tueq lac tvtsanc nganc muit? Mnoz rueq ngaz kuex wvlc guez tvyaungc vphux, yuq muinz mnoz rueq, ‘Nuiyshiq rueq mnoz muex mkhoc lac wvlc guez tvyaungc vphix?’ ngoz tueq wiz vshuinx.

Matthew 19:19

mnyuiuz nuiyc m-waz muex tvtsanc nganc shuiuz; kvmaq yuimx phic yuimx phaungx wuinz kuex miqmac shauk gvnz rulc rv-ngvlc lungwawx shuiuz,” ngoz tueq jungx kuq tueq.

Mark 10:19

Bomkhvrc tvrac nuex: ‘Miq nauk thvt, miq juik rulc nauk rvsenc, nauk guiuq, vrot vkaq hakhix nauk khvmc, nauk laulawc kaz, mnyuiuz nuiyc m-waz muex tvtsanc nganc shuiuz,’ ngoz tueq kuex mnoz rueq tuiuz yaq,” ngoz tueq jungx tueq.

Mark 7:10

Yvmx khoc lac ngoz ruiux lec, ‘M-waz nuiyc mnyuiuz muex tvtsanc nganc shuiuz; miqmac nyuiuz vwaz muex mvnhttonc jix waz kuex vsuing mthueyc kueq,’ ngoz tueq Moshe rueq nvr shec tueq.

Luke 18:20

Mnoz rueq bomkhvrc tvrac kuex tuiuz vshuiux: ‘Miqjuik rulc nauk yaq, miq nauk thvt kaz, miq hup svmx nauk guiuq kaz, vyaq hakhix nauk khvmc kaz, mnyuiuz nuiyc m-waz muex tvtsanc shuiuz,’” ngoz tueq jungx kuq tueq.

Ephesians 5:21

Christu muex tvtsanc nganc thuinz maq nuimshiq vdvmz dvmz washiz muex rax yaq kuex washiz rueq tay kuq shuinz.

TRI CHONGKE 11:8

“Majuiuc raungnuiyq ngaz rueq jungphvnx kuq vphaungx tvrac htenc kuex phvnx wuez shuinz. Kvkhoc ngoz ruiux yuq jix nuimshiq rueq kvkox ral wawc mungx kuex khvt taungx wvnc lot shuinx.

TRI CHONGKE 11:9

Kvmaq raz tueq nuimshiq jix vwaz tamx tsuingshiq suiuz vsaz phvnx muex kuq phaungx ngoz tueq Yehowa rueq bomkhvmc kuq tueq rungx vwanx nuiyc ghaq vbur mungx kvyuq nuimshiq kuex loayc hvlc httax ngaungc wvnc wuez tuinx.

TRI CHONGKE 21:18

“Miq washiz shiz rueq vsaz miqwaz saz lvp vtueq miqmac nyuiuz vwaz rueq tvtharc yaq kvjaz kuex phvnx muq maq, vkhux tvtsanz vtueq khawc lvlc jix saz httax ruiux yuq,

TRI CHONGKE 25:15

Yehowa nuimshiq Tishox rueq kuq kv-phuinx mungtan nuex nuimshiq rullungx loayc hvlc httaz tvkoc tawk rvkhauk laz nuiyc tawk lung rvkhauk kuex shuimx shuinz.

TRI CHONGKE 27:16

“‘Vwaz rvmuq ngoz ruiux vnyuiuz muingc jungc tvbac kuy jix waz kuex Tishox mvnhttonc m-gurx shueq.’ “Kvkaq miq lotlaz rueq, ‘Amen!’ ngoz tueq tvralc wuez rax.

TRI CHONGKE 32:47

Vkhoc tvluing kuq yaq htenc kuex khuec guez kvjaz rvmuq; nuimshiq rullungx tvraungx juing lvmx rvtueq. Nuimshiq rueq kvkhoc phvnx ruiux yuq, Yodan ruilx kvkox ral nuex httuiuc kaz tuinx mungx kvyuq loayc hvlc httax tuinx,” ngoz tueq jungx tueq.

TRI CHONGKE 4:26

Ngaz rueq raungx nuiyc ghaq muingc kuex ruingc vtueq hakhix taq vshaungx, ngvy kvjaz kuex nuimshiq rueq phvnx muit ngoz ruiux yuq, mtanc httax muit nuex kvruex mungtan kvyuq suimz wvnc tuinx. Nuimshiq rueq Yodan Ruilx kuex yanz wvnc vtueq khvt lvp wvnc shuinx mungtan kvyuq loayc hvlc tvraungx httax tuinx rvmuq. Nuimshiq kuex lotlaz tvbac gay rvhumc tuinx.

TRI CHONGKE 4:40

Nuimshiq nuiyc nuimshiq suiuz vsaz htenc lotlaz vhvlx maq httax wuez kuinz, majuiuc raungnuiyq ngaz rueq nuimshiq muex kuq vphaungx vpiq tvrac htenc lotlaz kuex phvnx wuez shuinz. Kvkaq Yehowa nuimshiq Tishox rueq nuimshiq muex kuy tvlanc vkuq mungtan kvyuq pattup pat-sac httax wuez tuinx,” ngoz tueq jungx tueq.

TRI CHONGKE 5:16

“‘Nuimshiq muex Yehowa rueq kuq shuex mungtan nuex nuimshiq rungwanx vtueq rullungx luz tvkoc Yehowa nuimshiq Tishox rueq jungx shec tueq rulc rv-ngvlc, mnyuiuz nuiyc m-waz muex tvtsanc nganc shuiuz.

TRI CHONGKE 5:33

Nuimshiq rueq khvt lvp wvnc shuinx mungtan nuex rungwanx vtueq tvhttoarc httaz wvnc tvkoc tvrac httax yaq lotlaz kuex phvnc wuez rax.

TRI CHONGKE 6:2

Nuimshiq nuiyc nuimshiq suiuz vsaz phvnx htenc tvraungx httax ngaungc tuinx wawwawx Yehowa nuimshiq Tishox muex hiyaz tvtsanc nganc wuez shuinz. Nuimshiq kuex kvruex mungtan kvyuq loayc hvlc httaz lvp tvkoc ngaz rueq kuq phaungx tvrac htenc kuex phvnx wuez shuinz.

Colossians 3:20

Nosaz rulx lex, nyuiuz vwaz kvjaz kuex mkaq muinz tay wuez shuinz: kvruex kuex Tishox rueq raungc raq yaq Christan miqsaz rueq shuimc kay aungx yaq yauk shuimc rvtueq.

RUTHA 3:6

Kvruex yimaq Rutha kuex tsvmz nuiuz juing kvyuq kaz vtueq, vnguiy pez rueq piq muex jungx tueq kvkhoc rvtueq.

1 SAMUEL 22:3

Dawid kuex kvruex hong kvmaq Moba mungx Mizpa nuex kaz vtueq, Moba hokhvmx waz muex ngoc, “Tishox rueq ngaz muex yvmx wuez tvshuimc phvnx kuex ngaz rueq humc wvnc shaungx nuex httuiuc laz inyuiuz nuiyc iwaz kuex mnoz kox nuex httaz tvkoc kejux maq tvhttax kuq koq,” ngoz tueq tvtay jungx tueq.