DUNGWVNC 19:10 - ASII LAKDAP Bible (BSI) Kiimaq Tatiwe raq apaiq ka thaüto, “Ümniika mungmaiqse phana kilaq. Laüta tsangshiq ma ümchaü ranaiq nai anap ranaiq ka tsangshiq raq maiqmii khum ka Ngi shomnoq miitu mitiisiilaq. Tsangshiq raq tsangshiq khu akhea thun kra aheawiq hea ratlo. Hawa Naga Bible 2001 Yehowa rueq piq muex ngoc, “Miq htenc kox kvyuq kaz vtueq, majuiuc raungnuiyq nuiyc invp raungnuiyq kuex miqmac pumz kvsawc nawc vtueq, nawk palx tvkoc tvyoalc shuinz. Tsuingshiq khoz vkhvy kuex huy vtueq, |
Kiimaq Jakob raq ajamtitiim ma kiimaq apaiq rai siti tarü ma akha nguto, “Namshiq jaq na pong mungti sumla phra thun sitlaq kra wiita baiq ronglaq. Lanta namkhum ka wiita phumram kham maq bat lanta tiisii ronglaq. Lanta khu akhea ka asii sam ronglaq.
Kiitiikaq Saul ma asaü Mephibosheth ka hokhamwe rai riihumkai kito. Apaiq ka hokhamwe raq Jerusalem maq juhotaq kra ranaiq miishe phaho raüta hokhamwe ka rekhat tang raüta jang wan tlaq ranaiq na saüli, ahok ajaq kiimin kham maq hemak shaqli, anübin kiimin simak shaq li, kiimaq adü na asam akhu akhea thun kriimin hemak shaq kiikhiili samshat riito.
Riita kiijaq kra nyamse kong ka honglu na take wanti ramwebi ka atsap li kha maq, Lewinok raq kra jaqsham ka tiithumli khrum kuqto. Riita kra liipan bala na ramwebi abiti thun riishe tsangshiq khum ka phumram kham maq tiisii batto. (Lewinok ka ramwebi nam ma tsangshiq khum ka asii maq riim wan lam na kai tsapkapkap siwanto.)
Raüta tsangshiq ma kiijaq bom ka chong kuqto. Apaiq raq nguto, “Namshiq Lewinok raq maiqmii khum ka Tatiwe ma tiisiirai kiinong kuq ronglaq. Lantea namtitiim Tatiwe Shiikeawe Shomjam kra tiisii ronglaq. Lantea Shomjam mong na Shomjam tiisheshi chang jamlai wa sitlaq thun kra wiita lambaiq ronglaq.
Riita kra poi akhing tek na, poi ka lot jai, napjai ranap na Job ka ranap chu maq tiidotlo. Raüta asetiim loweatek miitu Shiikeawe ma honglu thun takuqtlo. Kriika tsangshiq khum kra tiisii miitu takuqtlo. Apaiq raq akha jangwrapshe klotlo, jamkhano ngukla atsan na akha tiimatlo, jursap tsangshiq phong wa ashi ra raq hemak lam maq Shiikeawe man na ashut aphit mobom rai moraq miraq.
Riita ümchaü mungmaiqse ma chonglaq, ‘Anap ranaiq miitu namkhum ka atiisii ronglaq. Namshiq raq ngam miphaq han. Tatiwe raq namshiq honyi trang ka taito she. Kiimaq namshiq raq ngam phaq rohea nguta bottrang lan kiimaq namshiq ka man na Ejip mung na siji niika ümchaü arnam ma apeolin silan nguta ngulan kra taito she. Riita ümchaü min Tatiwe raq namshiq ma ngam she mikuq. Kiimaq namshiq raq phetak she miphaq siq han.
Kriimaq ranaiqtsam ngoja niishe kiimaq ramiishi she ngoja na, maiq akhum apii riimak asii sitiwe raq, akhum apii ashe sitiwe khum na phumram kham maq bat chang. Kiimaq ramiishi ngoja na, apaiq raq arewe jurwa akhu akhea thun nai akhum na kham maq ranap rashe dong na tiinyuk raüta, akhum tiisii wantaq we kra khum ka tiisii heke wan chang.
Ramiishi ranaiq na namshiq raq maiqmii khu akhea thun ka kham maq hebaiq ratlo; kiijiishetiq namshiq ka apii chang ahü asii she mirhan. Kiimaq namshiq ka piitiip mong na nyap wa nong amai she.”
Lewinok raq tsangshiq maiqmii khum ka tiisii wanto. Kiimaq tsangshiq khu akhea thun kra kham maq heto. Kiimaq Aron raq tsangshiq ka akhek atiitsang kongphiq Tatiwe miishe kiinong kuqto. Kiimaq apaiq raq tsangshiq khum ka asii ma tiija wan miitu phum ram kham maq batto.
Arka akha tiisiilaq: tsangshiq khum na phumram kham maq bat laüta tiisiilaq. Kiimaq tsangshiq ma tsang khum tlotli wa abin ka asi riibaiq ronglaq kiimaq tsangshiq khu akhea thun ka kham maq he ronglaq nguta chonglaq. Kra raüla tsangshiq ka apii chang ahü asii she miraq.
Namshiq phong wa maiq wiijamti ka, man na akha siwanti. Shatmaq namshiq ka ngarai mong wa tiisii hekuq wanto she. Namshiq ka Shiikeawe ma apaiq rii she nguta akiinongke wan kun she. Namshiq ka Tati Jesuq Khristo raq nai Asii Wenyi raq Shiikeawe jam niishe tiidiito. Raüta Shiikeawe rai wehea she tiijato.
Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.
Joshua raq mungmaiqse ma chongto, “Namshiq khum ka tiisii ronglaq. Jamkhano ngukla, Tatiwe raq anap ranaiq namshiq phong na amao chang jaq misham.”
Tiido laq! mungmaiqse ka tiisiilaq, laüta tsangshiq ka anap ngi phana riihumwa miitu tiije laq. Jamkhano ngukla ngi Israilnok Tatiwe Shiikeawe raq akha chong chang asi: ‘Israilnok lei, ngi raq namshiq ma ashthenbaiq chang hupsam nguta chongkang kra namshiq jaq na wiijam asi! Namshiq raq kra hupsam thun ka lambaiq man wiiwii, namshiq raq namjaqti ka khatlot man mirhan!’
Kechu jonghea jurwa maiqmii samtong jong ka tiisii heje sam raüta sitlaq. Tsangshiq ka chela mong na minyap wan lot kiimaq tsangshiq ma rilung tsitsü petsi chong kiiwa petsi pansea miitu arang asi miraq.
“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.
“Üm,” nguta apaiq raq treto. “Ngi ka Tatiwe ma honglu kekai nguta kikang. Namshiq khum ka tiisii ronglaq. Lanta ngi rai adam na wa rong ra.” Kiimaq apaiq raq Jesi nai asetiim thun miimin tsangshiq khum ka tiisii rong laq nguta chongto. Raüta apaiq raq tsangshiq ka honglu takuq tlaq kra lomwadam rongkiq nguta tiiheato.