WEAWEA 19:19 - ASII LAKDAP Bible (BSI)

¹⁹ Kriimaq ranaiqtsam ngoja niishe kiimaq ramiishi she ngoja na, maiq akhum apii riimak asii sitiwe raq, akhum apii ashe sitiwe khum na phumram kham maq bat chang. Kiimaq ramiishi ngoja na, apaiq raq arewe jurwa akhu akhea thun nai akhum na kham maq ranap rashe dong na tiinyuk raüta, akhum tiisii wantaq we kra khum ka tiisii heke wan chang.

Hawa Naga Bible 2001

¹⁹ Vsawc jix waz rueq sawc muq jix waz kuex raungnuiyq thuimx nuex nuiyc raungx mvshix nuex yuix maq buit rax, sawc muq waz muex tvsawc nawc kuy yauk shuimc kuex shuimc kuy rax. Kvruex waz kuex raungx mvshix raungnuiyq miqmac khoz vkhvy htenc kuex huy vtueq yuix rvhoalc lot yix, shalx nyuip wvnc nuex jix sawc wvnc tuex.

WEAWEA 19:19 Referencias Cruzadas

RAPHA HIQWA LAK 2:2

Ramiishi ranaiq she angu na Shiikeawe raq apaiq jaqsham ka tlotto. Raüta ajaqsham ka athaq she riito.

DUNGWVNC 19:10

Kiimaq Tatiwe raq apaiq ka thaüto, “Ümniika mungmaiqse phana kilaq. Laüta tsangshiq ma ümchaü ranaiq nai anap ranaiq ka tsangshiq raq maiqmii khum ka Ngi shomnoq miitu mitiisiilaq. Tsangshiq raq tsangshiq khu akhea thun kra aheawiq hea ratlo.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

LEWI 14:7

Apaiq raq wushi tiijai ka kra maiqwe akhum ka thabitsi aheaki wa apii tiishi ke chang we dü na jang miishi mibat. Kra raütiishe ramwe raq apaiq ka asii she nguta bom ka mitoqtan. Raüta apaiq raq wushi kaüshiti ka hiqsii thung ram kiiniishe lamho raüta atiibi mirbaiqki.

LEWI 14:9

Ramiishi ngo ranaiq na apaiq raq akhu kra, anübin kra, amak bin kra, kiimaq akhum na abin sitlaq thun kra wiita thongshi ri hali sibaiq nong chang. Raüta apaiq raq akhu akhea thun kra kham maq hechang. Raüta ajii ka hechang. Kra lot jaishetiq apaiq khum ka asii she miraq. Apii chang ka ahüshe.

WEAWEA 19:12

Apaiq raq akhum ka ranaiq tsam ngoja na kham maq pii tiishi hechang. Kiimaq ramiishi ngoja na akhum ka kham maq hechang. Kra raütiq akhum ka asii she miraq. Shatmaq apaiq raq akhum ka ranaiqtsam ngoja na nai ramiishi ngoja na jang nai wiita na akhum ka kham maq hemak raüla, akhum ka apii asheli miraq.

WEAWEA 19:13

Jurwa maiq maa ka jaq maq shamtlaq raüta akhum ashe pii tiishimak riitlaq, kriiwe ka apii asheli riishatshat miraq. Jamkhano ngukla akhum na phum ram kham maq bat mak dea. Kra ningkhan apaiq raq Tatiwe Tombutiip ka tiishetlo. Krai mren apaiq ka Tatiwe sengi nguta wea dam mak she miraq.

WEAWEA 19:18

Apha na maiq ju khum wa asii apii ahü kriiti raq hissop pekii nyamse kra toqkai chang. Raüta kra pekii nyam ka kham na tsam chang. Raüta tombutiip ka kham maq bat chang. Kiimaq tiip mong na phanrap hupsam thun sitlaq kra wiita phumram kham maq bat chang. Kiimaq tiip mong na maiq ümchuwa asi kriithun kunli dü na phumram kham maq bat chang. Kiimaq bomtsi anai ngoja na, maiq ümriiti khumwa pii mak asii sitiwe raq kra maiq rii shamtiwe riimakla, maiq maa na ajaq maq shamtiwe, riimakla maiq maakho na ajaq maq shamtiwe khum na phum ram kham maq bat chang.

WEAWEA 31:19

Ümchaü min namshiq wiitarü jurwa re na maiq tsat lanti thun kra, riimakla maiq maa na jaq maq sham lanti thun ka, piitiip phai na ramiishi sikai ratlo. Ranaiqtsam angu na nai ramiishi ranaiq na namkhum kra tiisii ronglaq. Kiimaq shumwi kong jechakre lap wan lan thun kra tiisii wan khuliiq ronglaq.

WEAWEA 31:24

Ramiishi ranaiq na namshiq raq maiqmii khu akhea thun ka kham maq hebaiq ratlo; kiijiishetiq namshiq ka apii chang ahü asii she mirhan. Kiimaq namshiq ka piitiip mong na nyap wa nong amai she.”

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

1 John 1:7

Shatmaq apaiq ka jamkho rawü na sitlaq, kiikha nashiq min rawüli na sihai jiika, nashiq liipan na riilung riiwii maq misi rong i. Kiimaq Shiikeawe Se Jesuq tiijai maq nashiq khum na phanrap ngarai sitlaq thun kra wiita mitiisii he baiq.

Jude 1:23

Maiq wiijamti ka wamungtan na adea wan namshnam sitlo. Kiiwa tsangshiq ka tingting lam phan na tiijang shea wan nong rong laq. Lanta tiichhii kuq rong laq. Kiimaq maiq wiijamti ka tsangshiq maiqmii ashe ngarai ramho kharü mong na sitlo. Kiiwa tsangshiq ma mangchan tiitsi kuq rong laq. Lanta, Shiikeawe ma haisong wan lam kra chongkuq rong laq. Kra tiina, honkamshat maq siwan lili rong laq. Tsangshiq ngarai sükha rilung kriika, asaisi riironglaq. Shatmaq, namkhum kriika tsangshiq ngarai khamchum kiijaq naq tiitsam dam rongkiq.