WEAWEA 19:18 - ASII LAKDAP Bible (BSI)

¹⁸ Apha na maiq ju khum wa asii apii ahü kriiti raq hissop pekii nyamse kra toqkai chang. Raüta kra pekii nyam ka kham na tsam chang. Raüta tombutiip ka kham maq bat chang. Kiimaq tiip mong na phanrap hupsam thun sitlaq kra wiita phumram kham maq bat chang. Kiimaq tiip mong na maiq ümchuwa asi kriithun kunli dü na phumram kham maq bat chang. Kiimaq bomtsi anai ngoja na, maiq ümriiti khumwa pii mak asii sitiwe raq kra maiq rii shamtiwe riimakla, maiq maa na ajaq maq shamtiwe, riimakla maiq maakho na ajaq maq shamtiwe khum na phum ram kham maq bat chang.

Hawa Naga Bible 2001

¹⁸ Vphaungc shauk shauk vsawc jix waz rueq hisop bungc vshiz kuex lvmz vtueq yuix nuex thuimc ruiux tap kvruex muinz, tap nuex httax yaq hup svmx htenc nuiyc miq htenc kvruex muinz buit rax. Miq maungx, miq ruk vrawz rvmuq ngoz ruiux maungx luip juing kuex shuimx gay vtueq sawc muq yaungc jix waz kuex vsawc jix waz rueq yuix maq buit rax.

WEAWEA 19:18 Referencias Cruzadas

Tvtsvmc 51:7

Ingarai ka lambaiqlaq, raüla ngi ka asii she mirha; ikhum ka hekuqlaq, raüla ngi ka tsakhiiq nam ma alü she mirha.

Tvtsvmc 51:9

Ümmak ka tiichuklaq ingarai thun ka naq liikiq laüta idüwa abi thun kra wiita lambaiqlaq.

ISAIA 52:15

Shatmaq ümchaü ka maiq mung paheati raq apaiq ma pinthum awang mirwan, kiimaq hokhambi thun ka apaiq sham ka chhiraüta tsang nübok maq abom min dongmak she miraq. Tsangshiq raq michhi raüta misap wan, tsangshiq raq man na chhitai mak phan kriishe misap wan,”

WEAWEA 19:17

Apii ashe kra tiisii ma, minsaü ashii kaü ngarai tiisii miitu wa na achaq wabun kra tsoq chang. Raüta hamlii tak na thiichang. Raüta kriithaq na kham anye thiichang.

WEAWEA 19:19

Kriimaq ranaiqtsam ngoja niishe kiimaq ramiishi she ngoja na, maiq akhum apii riimak asii sitiwe raq, akhum apii ashe sitiwe khum na phumram kham maq bat chang. Kiimaq ramiishi ngoja na, apaiq raq arewe jurwa akhu akhea thun nai akhum na kham maq ranap rashe dong na tiinyuk raüta, akhum tiisii wantaq we kra khum ka tiisii heke wan chang.

WEAWEA 19:9

Kra lot jai she maiq weshi akhum asii pii mak we riishe kra minsaü kaü achaq wabun kriishe mirchom. Raüta piitiip phai hiq ba ashi asii pii mak ba na phong chang. Raütiishe kriika Israilnok raq lang miitu kiijiili she phong chang. Israilnok raq kiiwa wabun kra lamki raüta kham rai shot chang. Raüta kra kham kriimaq apii phan hupsam kra tiisii bat chang. Ara apii chang phan tiisii he wantlaq arka ngarai tiisii miitu klotlo.

John 17:17

Tsangshiq ka tengteng bomtsi phumram kham maq tiisii bat kuq laüta, ümwokhong na asii wiq maq rümkom laq. Ümbomtsi ka tengteng.

John 17:19

Kiimaq, ngi raq i khum arka tsangshiq tingkhu na, ümniima kiinong kuq tiikang. Krai mren, tsangshiq riimin, tsangshiq khum ka, ümniima kiinong kuq raüta misi laq.

1 Corinthians 1:30

Shatmaq Shiikeawe raq namshiq ka Jesuq Khristo rai pumshi hanshi she tiija wanto. Kiimaq Shiikeawe raq Jesuq Khristo ka nashiq ma pinja kaüshe tiija kuqto. Apaiq lümaq nashiq ara Shiikeawe rai wehea she tiija wanto. Nashiq ka Shiikeawe sengi asii arai maiqsetiim she jawan kai. Kiimaq nashiq ka ümchaü aki miikiim maiqse siisaq she jawankai. Thawe dikong ka riimai she. Nashiq ka Jesuq Khristo raq ngarai mong wa adaa wan wishe.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.

Hebrews 9:19

Kra pat na, Mosheq raq nokwe kunli ka jolitiip rinkea na tiithung tlo. Raüta, nokwe ma, Shiikeawe thungtri aming raü thun kra, araü araü maq phankuq wan wan riitlo. Kra phanke lot jai shetiq, apaiq raq minsaü pongwetiim ataa tiijai, kiimaq chhechhi kong ataa tiijai kra, kham rai nyiim tlo. Raüta, kra tiijai kiimaq Shiikeawe Thungtri lakdam kom thaq na bat tlo. Raüta, nokwe thung tlaq kra khuthaq niishe bat tlo. Riita, ara bat tlaq arka, khoqramkii ikha hissop pecham wa, ahii tu kra lam raüta, kra nyiimhii tu kiijaq, skurai raishii lotu kra wiiwottsaitam ikha, kra paq dam raüta bat tlo.