WEAWEA 19:17 - ASII LAKDAP Bible (BSI)

¹⁷ Apii ashe kra tiisii ma, minsaü ashii kaü ngarai tiisii miitu wa na achaq wabun kra tsoq chang. Raüta hamlii tak na thiichang. Raüta kriithaq na kham anye thiichang.

Hawa Naga Bible 2001

¹⁷ Ekvkhoc sawc muq jix miq htenc kuex tvsawc tvkoc mvrax kvdawc juing manpex kuiux shawx labuenx tuik vshiz nuex yuix ruilx wawc yuix kuex tvshot htawc tvy rax.

WEAWEA 19:17 Referencias Cruzadas

RAPHA HIQWA LAK 26:19

Isak jaqshisetiim raq kra hiq thung tan na khappong ashi thuto. Raüta kiijaq kham ka humto.

ASHICHONG 4:15

Ümniika sonruk mong na, longmong maq aphok khamdü ikha, atra tsitsü khappong ikha, Lebanon pum maq adong jüraisetiim ikha.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

WEAWEA 19:18

Apha na maiq ju khum wa asii apii ahü kriiti raq hissop pekii nyamse kra toqkai chang. Raüta kra pekii nyam ka kham na tsam chang. Raüta tombutiip ka kham maq bat chang. Kiimaq tiip mong na phanrap hupsam thun sitlaq kra wiita phumram kham maq bat chang. Kiimaq tiip mong na maiq ümchuwa asi kriithun kunli dü na phumram kham maq bat chang. Kiimaq bomtsi anai ngoja na, maiq ümriiti khumwa pii mak asii sitiwe raq kra maiq rii shamtiwe riimakla, maiq maa na ajaq maq shamtiwe, riimakla maiq maakho na ajaq maq shamtiwe khum na phum ram kham maq bat chang.

WEAWEA 19:9

Kra lot jai she maiq weshi akhum asii pii mak we riishe kra minsaü kaü achaq wabun kriishe mirchom. Raüta piitiip phai hiq ba ashi asii pii mak ba na phong chang. Raütiishe kriika Israilnok raq lang miitu kiijiili she phong chang. Israilnok raq kiiwa wabun kra lamki raüta kham rai shot chang. Raüta kra kham kriimaq apii phan hupsam kra tiisii bat chang. Ara apii chang phan tiisii he wantlaq arka ngarai tiisii miitu klotlo.

John 7:38

Asii Bomtsi na, ‘Juwa ngi ma kam tlaq, kriiti mongjii wa rilung tsitsü jüseraisetiim miphok wan,’ ” nguta chongtlo.

Hebrews 9:13

Riita, ija, Shiikeawe tri jinti ka Shiikeawe rai sham riichhi lot mak she, apii tiishang kitlo. Kriiti mra shiikhoi baiq miitu ka, chhechhi ataa tiijai, kiimaq minsaü pongsetiim ataa tiijai, kiimaq minsaü saüpongse ta raüta, wa na honglu na achaq wan, kra berongwacha wa, wabun kra lam raüta, kra wabun maq tsangshiq khum na bat tlo. Ara bat jai shetiq, tsangshiq khum ka Thungtri maq apii ashe ashi sitlaq kriika, tiishi kuq kai she nguta, tsangshiq ka Shiikeawe shomnoq wan, jolitiip mong na, nokwe rai she lom wan dam tlo.

Revelation 7:17

Ümchaü sanha, hokham ngacho wang mong na ngati, Skuse ka tsangshiq rümti she. Apaiq raq tsangshiq ka, rilung tsitsü raisetiim wa kham mitiinyang. Kiimaq Shiikeawe raq, tsangshiq makphai khüshang, wiita atat she mirkuq.”