WEAWEA 19:16 - ASII LAKDAP Bible (BSI)

¹⁶ Kiimaq maiq ashi ra raq maiq ashi ra ka maiq raq atsat lo, riimakla apaiq tsai tsai chiiphai na atsaiki lo, riimakla maiq ashi ra raq maiq rii ka jaq maq sham raüla, apaiq ka ramiishi na saüli apii ashe miishe mijaki.

Hawa Naga Bible 2001

¹⁶ Miq vshiz shiz kuex vthvt gay rvhumc tueq, rvmuq ngoz ruiux pic nuex piq thueyc thueyc vthueyc kaz maungx vruk vrawz, rvmuq ngoz ruiux maungx luip juing kvruex shuimc gay jix waz kuex raungx mvshix nuex httuiuc laz sawc muq dvyx httax tuex.

WEAWEA 19:16 Referencias Cruzadas

ISAIA 52:11

Bebilon mung baiqthü miitu khekham sironglaq, namshiq wiita Shomjam hupsam pitibi raq! Apii chang phan hupsam riiqkhiq jaq maq naqsham rongkiq; namkhum ka asii maq thüronglaq. Lantea kra mung wa laü wan tlo ronglaq.

EJEKIEL 44:26

Apaiq ka akhum tiisiilot jai min, apaiq raq ramiishi hali khenong ratlo.

LEWI 21:1

Tatiwe raq Mosheq ma Aron phan ramwebi ma akha chong kuq laq nguta aming kuqto, “Ramwebi wa maiq juli jiimin tati seno tsaiki raü jaq, maalap kai lomki raüta apaiq khum ka tiishe shi raamak.

WEAWEA 19:11

Jurwa maiq maa na ajaq maq shamtlaq kriiti ka ramiishi na saüli akhum ka ashe apii misi.

WEAWEA 19:15

Kiimaq tombutiip mong na ahap ahü loweatek hamlii tsabum kiimaq apang chang ahü hamlii tak kiimin apii ashe miishe mijaki.

WEAWEA 31:19

Ümchaü min namshiq wiitarü jurwa re na maiq tsat lanti thun kra, riimakla maiq maa na jaq maq sham lanti thun ka, piitiip phai na ramiishi sikai ratlo. Ranaiqtsam angu na nai ramiishi ranaiq na namkhum kra tiisii ronglaq. Kiimaq shumwi kong jechakre lap wan lan thun kra tiisii wan khuliiq ronglaq.

WEAWEA 5:2

“Israilnok ma aming kuqlaq, namshiq piitiip mong wa maiq thabitsiti, riimakla akhumwa ashe kham dongtlaqti kiimaq maiq loweatek juwa maiq amaa dü na tiithantaqti maiq thun ka piitiip wa kinphai na jobaiq ronglaq.

WEAWEA 6:6

Apaiq khu alu thütlaq kriika apaiq raq akhum ka Tatiwe ma kiinong kuqtaq kra saqse miithii. Kra ningkhan apaiq raq akhum ka maiq maa tho na ki raüta tiishe shi baiq maimak. Awe nai anyung, kiimaq aphu ano riimakla ano jechakse tsaiki raü min kai maimak.

WEAWEA 9:6

Shatmaq tsangshiq phong na maiq wiijamti ka maiq maa na tiithan kha na apii ashe riito. Kra ningkhan tsangshiq raq kra ranaiq na Tiichhiiwan Poi ka klo wan lot mak dea riito. Kra ningkhan, tsangshiq ka Mosheq nai Aron phana wato.

Matthew 23:27

“Namshiq ma phiiptsi chang jonghea asi, Thungtri shrinketibi nai Phorisinok le! Mongnam nok le! Namshiq ka maiq ma lap chang longsha makho ka, akii tro thun ka lüdiidii hea sitlaq ikha sitlan. Shatmaq makho longsha mong niika, maiq ma namtsang, maiqrok maiqrii rong li riiphong rong rai tlo.

Luke 11:44

Namshiq ma pinthum phiiptsi chang asi! Namshiq ka maiq malap chang ma chiim raükhu ma athü ikha sitlan. Maiq akhumti raq, hemak lam maq, maiq ma chiim niratki raüta, akhum ka tiishe tlaq ikha sitlan.”