JOSHUA 3:5 - ASII LAKDAP Bible (BSI)

⁵ Joshua raq mungmaiqse ma chongto, “Namshiq khum ka tiisii ronglaq. Jamkhano ngukla, Tatiwe raq anap ranaiq namshiq phong na amao chang jaq misham.”

Hawa Naga Bible 2001

⁵ Yoshua rueq miq htenc muex ngoc, “Invp raungnuiyq kuex Yehowa rueq nuimshiq nuex vwangc juing tvkhic shuex ningkhvnc nuex, nuimshiq pumz kvsawc nawc wuez kuinz,” ngoz tueq jungx tueq.

JOSHUA 3:5 Referencias Cruzadas

YOBA 1:5

Riita kra poi akhing tek na, poi ka lot jai, napjai ranap na Job ka ranap chu maq tiidotlo. Raüta asetiim loweatek miitu Shiikeawe ma honglu thun takuqtlo. Kriika tsangshiq khum kra tiisii miitu takuqtlo. Apaiq raq akha jangwrapshe klotlo, jamkhano ngukla atsan na akha tiimatlo, jursap tsangshiq phong wa ashi ra raq hemak lam maq Shiikeawe man na ashut aphit mobom rai moraq miraq.

Tvtsvmc 77:15

Ümningkun jong maq ümniiraq ümsenginok, Jakob saüse phan nai Joseph saüse phan ka tiichhiikuq wan laü.

Tvtsvmc 86:10

Ümningkun ka jonghea kiimaq pahea awang chang shamtlaü; ümniilishe Shiikeawe.

Yoel 2:16

Mungmaiqse triitam ronglaq, mungmaiqse tiisiidii ronglaq, nyungwere riichom ronglaq. Nosere kiimin pünyangtibi kiimin, riichom rong laq. Maita riilamnye kiimin, maiqmii tap ka lilanta dong ronglaq.

LEWI 10:3

Kiijiishe Mosheq raq, “Ümtiikiiwa Tatiwe raq, ‘I jaq shamtibi wiitarü raq ngi asii arai ka shreng ratlo; Ngi raq ikhushü ka isenginok ma mitiichhi kuqha,’” nguta ngutaq irka akhnok ara ngo nangnga nguto, nguta Aron ma chongto. Shatmaq Aron ka kaiqshak li riito.

LEWI 20:7

Nam khum ka asii thüronglaq. Jamkhano ngukla Ngi ka Tatiwe namshiq Shiikeawe.

WEAWEA 11:8

Kriika rawa na bang roktlaq krai tsangshiqnok piitiip mong na roktlo. Anap ranap niishe nokmaiqse ka ki raüta tsangshiq piitiip tro kiiwa manna ka riichom kitlo. Raüta tham na tiibun thaütlo. Riimakla wong win ikha tham na thaütlo. Raüta kham maq lumtlo. Raüta kek ikha phintsiip tsiip wa na diim phaqtlo. Kra sum ka winsii olip tai maq ako ikha asumwiq phaqtlo.)

John 17:19

Kiimaq, ngi raq i khum arka tsangshiq tingkhu na, ümniima kiinong kuq tiikang. Krai mren, tsangshiq riimin, tsangshiq khum ka, ümniima kiinong kuq raüta misi laq.

JOSHUA 3:13

Riita ara mangjong hiq tlotli rümti Tatiwe Tongshong Tek kra piti ramwebi raq Jordan rai kham kiijaq ji maq rappha wan raüla, Jordan rai kham kai ka atsaq she mirki. Kham ka raikhu nü na hiq bashi na atiihap she mirki. Raüta khamkai ka atsaq she mirki.”

JOSHUA 3:4

Namshiq ka ana ümtiikiimin waman shaq. Kriikha na tsangshiq raq lam mishea. Shatmaq, namshiq ka Tongshong Tek tho na tiinap hea naq khum rongkiq. Namshiq ka Tongshong Tek jai na kilomitar shi tiihea lanta khum ronglaq.”

JOSHUA 3:6

Kra chongkuq raütiishe, apaiq raq ramwebi ma Tongshong Tek kra piraüta mungmaiqse ma sinkhu na lamshea waronglaq nguta thaüto. Krai mren tsangshiq riimin kra phanphan wawanto.

JOSHUA 7:13

Tiido laq! mungmaiqse ka tiisiilaq, laüta tsangshiq ka anap ngi phana riihumwa miitu tiije laq. Jamkhano ngukla ngi Israilnok Tatiwe Shiikeawe raq akha chong chang asi: ‘Israilnok lei, ngi raq namshiq ma ashthenbaiq chang hupsam nguta chongkang kra namshiq jaq na wiijam asi! Namshiq raq kra hupsam thun ka lambaiq man wiiwii, namshiq raq namjaqti ka khatlot man mirhan!’

1 SAMUEL 16:5

“Üm,” nguta apaiq raq treto. “Ngi ka Tatiwe ma honglu kekai nguta kikang. Namshiq khum ka tiisii ronglaq. Lanta ngi rai adam na wa rong ra.” Kiimaq apaiq raq Jesi nai asetiim thun miimin tsangshiq khum ka tiisii rong laq nguta chongto. Raüta apaiq raq tsangshiq ka honglu takuq tlaq kra lomwadam rongkiq nguta tiiheato.