DUNGWVNC 19:10 - Hawa Naga Bible 2001

¹⁰ Yehowa rueq piq muex ngoc, “Miq htenc kox kvyuq kaz vtueq, majuiuc raungnuiyq nuiyc invp raungnuiyq kuex miqmac pumz kvsawc nawc vtueq, nawk palx tvkoc tvyoalc shuinz. Tsuingshiq khoz vkhvy kuex huy vtueq,

ASII LAKDAP Bible (BSI)

¹⁰ Kiimaq Tatiwe raq apaiq ka thaüto, “Ümniika mungmaiqse phana kilaq. Laüta tsangshiq ma ümchaü ranaiq nai anap ranaiq ka tsangshiq raq maiqmii khum ka Ngi shomnoq miitu mitiisiilaq. Tsangshiq raq tsangshiq khu akhea thun kra aheawiq hea ratlo.

DUNGWVNC 19:10 Referencias Cruzadas

RAPHA HIQWA LAK 35:2

Kvkhoc rvtueq Yaku rueq vyuimx wuinz htenc nuiyc piq rulc httaz naungc jix htenc muex ngoc, “Nuimshiq nuex httax yaq vganc tishox htenc kuex tuip gay wuez shuinz; miqmac shauk gvnz kuex kvsawc nawc wuez ruiux, khvy vsawc kuex kvlayc wuez kuinz.

2 SAMUEL 19:24

9 Kvruex yimaq Sholu suiuz Mephiboshet kuex hokhvmx waz humc kay httuiuc kaz tueq. Piq kuex hokhvmx waz Yerusalem maq kaz wvnc tueq maq phat lotlaungc vtueq yek waung tueq nuex httuiuc laz, vyaz muinz hoal muq, vkaq mul muinz sulx muq, vkhoz vkhvy muinz huyx muq maq httax tueq.

2 KAÜWA WERAÜ 29:34

Vruex nyvmx saz htenc lotlaz thvy gay lot laz juing shomc waz bix hungx muq ningkhvnc nuex, Lewi miqsaz htenc kuex yauk shuimc kvruex lot nuex httuiuc laz tsuinghez muex romc kuq naungx tueq. Kvtanc jauz nuex shomc waz bix kuex jvnc vtueq tsuingshiq shauk pumz kuex htungx httax yaq rulc rv-ngvlc tvsawc nawc yaq. (Shomc waz bix htauk nuex Lewi miqsaz kuex htungx httax yaq rulc rv-ngvlc kvsawc nawc lvmz rvkhauk laz shuimx lvmz yaq.)

2 KAÜWA WERAÜ 29:5

tsuingshiq muex kvjaz jungx kuq tueq. Piq rueq, “Lewi miqsaz htenc lex, nuimshiq kuex miqmac shauk pumz lekuq vtueq Yehowa nuimshiq jix vwaz tamx Tishox Shomc Yuimx kuex tvsawc nawc wuez shuinz. Shomc Yuimx tvshuy shac yaq phvnx htenc kuex tvhttot lvmz gay shuinz.

YOBA 1:5

Phuiuz svy moalx lot yix maq, Yoba kuex raungnvp maq kvtenc vtueq vsahez kuex tvsawc nawc muex ngoz tueq tsuinghez vshiz maq vshiz tvkoc shomc nawk kuy juing maq shomc kuq yaq. Piq rueq vkhoc ruez yaq kuex vsahez washiz shiz rueq tvmaung raung muq maq Tishox muex mvrax yaq ruiux yaq tuex ngoz tueq rvwvlc ningkhvnc nuex kvkhoc piq rueq mkaq muinz tvhungx ruiux shuex.

LEWI 15:5

Miq washiz shiz rueq kvruex waz woalchuing kvyuq kvtungc ruiux,

WEAWEA 11:18

Majuiuc tsuingshiq muex vkhoc jungx kuq shuiuz, ‘Tsuingshiq rueq invp raungnuiyq tvkoc miqmac shauk pumz kuex kvsawc nawc wuez rax; tsuingshiq rueq ngvmx phauk lvp wuez shuex. Tsuingshiq kuex Ejip mungx maq ngvmx phauk yaq lvmz, tsuingshiq rueq ngvmx phuiuz roc vtueq kvbot nyvnx yaq lvmz kuex Yehowa rueq tay tueq shex. Majuiuc tsuingshiq rueq phuiuz tvkoc ngvmx kuex Yehowa rueq kuq shuex ningkhvnc nuex, tsuingshiq rueq phauk saq lvp shuex.

WEAWEA 19:19

Vsawc jix waz rueq sawc muq jix waz kuex raungnuiyq thuimx nuex nuiyc raungx mvshix nuex yuix maq buit rax, sawc muq waz muex tvsawc nawc kuy yauk shuimc kuex shuimc kuy rax. Kvruex waz kuex raungx mvshix raungnuiyq miqmac khoz vkhvy htenc kuex huy vtueq yuix rvhoalc lot yix, shalx nyuip wvnc nuex jix sawc wvnc tuex.

WEAWEA 31:24

Raungx mvshix raungnuiyq nuex nuimshiq khoz vkhvy htenc kuex huy rax; kvruex yimaq jix nuimshiq kuex sawc nawc wvnc tuinx ningkhvnc nuex jerak mungx nuex nyuip waung lvp tuinx ngoz tueq httax yaq,” ngoz tueq jungx tueq.

WEAWEA 8:21

Lewi miqsaz htenc kuex miqmac shauk vgvnz tvsawc nawc ruiux, khoz vkhvy htenc kuex huy lot yix Arun rueq tsuinghez kuex Yehowa muex yauk noalc htep muex tvyaungc vtueq lekuq tueq. Tsuinghez tvkoc tvsawc nawc yauk shuimc muinz shuimx kaz wuez tueq.

WEAWEA 8:7

lvmx kaq nuex httax yaq rulc rv-ngvlc: tvsawc nawc juing nuex seng yaq yuix kuex tsuinghez shauk gvnz htauk kvyuq buit vtueq, gvnpumz wawc vmul htenc kuex sulx gay ruiux, khvy htenc kuex huy rax. Kvkaq tsuingshiq kuex nawk palx htungx maq vsawc yaungx wvnc tuex.

1 Corinthians 6:11

Kungkhux nuex nuimshiq wvyvmc kuex kvkhoc jix htenc rvtuit. Yuq muinz mvrax dawc kuy rvhumc tuit shex; Tishox muex nawk palx jix htenc shex rvtuit; Taungjix Yesu Christu maq muinz, naungshiq Tishox Siyac maq muinz Tishox rulc rvkhauk laz rvhumc hemc vkhangx lvp wvnc tuit.

Hebrews 10:22

Kvkhoc rvtueq naungshiq rueq mvrax lvp vshix thuinz vmungx kuex tvsawc nawc gay ruiux, naungshiq gvnngvmx kuex vsawc yuix maq hoal vtueq yaq rax miq kvmluimx thuinz vmungx maq Tishox kox nuex kvnvp wvnc wuez ix.

JOSHUA 3:5

Yoshua rueq miq htenc muex ngoc, “Invp raungnuiyq kuex Yehowa rueq nuimshiq nuex vwangc juing tvkhic shuex ningkhvnc nuex, nuimshiq pumz kvsawc nawc wuez kuinz,” ngoz tueq jungx tueq.

JOSHUA 7:13

Kvtenc kuiuz! Miq htenc kuex kvsawc nawc wuez vtueq invp raungnuiyq ngvy khaungkac nuex nyuip tvkoc mtvyoalc wuez shueq Ngaz, Yehowa Israel Tishox rueq jungx yaq ngoz tueq jungx shuiuz: ‘Israel miqsaz htenc rueq tvbac gay rax ngoz tueq ngaz rueq jungx tauk hup vsvmx wvyvmc kuex nuimshiq kox nuex httax yaq! Kvruex hup vsvmx htenc kuex mnoz rueq tvbac gay muq wawwawx nuimshiq ralx htenc kuex tvgap gawx lot shuinx rvmuq!’

Revelation 22:14

Rullungx tvraungx juing pulx thuey svy lvp muex nuiyc ghaqyungx kaluix maq nyuip lvp vkhangx lvp tvkoc miqmac khoz vkhvy tvsawc huy jix htenc kuex thuinhvlx yaq.

Revelation 7:14

Ngaz rueq, “Jiyungx lex, ngaz rueq tuiuz mauk, mnoz rueq tuiuz vshuiux,” ngoz tueq tvralc tauk. Piq rueq, “Tsuingshiq kuex vkuilc vdaz mungx wawc vluenx wvnc miqsaz htenc rvtueq. Tsuingshiq rueq miqmac khoz vkhvy htenc kuex Khelbuenx Saz tvguiy maq tvsawc hoal wuez tueq.

1 SAMUEL 16:5

Samuel rueq, “Rvtueq, Yehowa muex shomc nawk juing shomc kuy kay httuiuc kaz raungx. Nuimshiq miqmac pumz kuex tvsawc nawc ruiux ngaz rulc vdvmz kaz naungx wuez luit,” ngoz tueq tvralc tueq. Piq rueq Jese nac sahez kvmac muinz miqmac pumz kuex tvsawc nawc vtueq shomc nawk juing baung kvyuq kay tvkoc gvl tueq.