DUNGWVNC 19:9 - Hawa Naga Bible 2001

⁹ Yehowa rueq Moshe muex ngoc, “Ngaz kuex htvy hvlc phuemx daungx maq mnoz kox nuex kaz raungx, mnoz rulc ngaz kvjak taungx kvjaz kuex miq htenc rueq tay ruiux yuq, majuiuc vmaq phaungc vtueq mnoz muex kvmluimx wvnc tuex,” ngoz tueq jungx tueq. Miq htenc rueq tvralc tueq kvjaz kuex Moshe rueq Yehowa muex tvtay jungx koq tueq,

ASII LAKDAP Bible (BSI)

⁹ Tatiwe raq Mosheq ma nguto, “Ngi ka ümnaq pha na phumda theapak pak mong na mikiha. Krai mren mungmaiqse raq Ngi ka ümniirai riibom ka mitai. Raüta tsangshiq raq ümchaü armiiphat she ümniima mikam wan.” Kiimaq Mosheq raq Tatiwe ma mungmaiqse raq apaiq bom tretaq kra chongto.

DUNGWVNC 19:9 Referencias Cruzadas

1 HOKHVMX 8:12

Kvkaq Solomon rueq vjux thoz tueq kuex: “Yehowa lex, mnoz rueq raungx nuex shalx kuex taq toq, yuq muinz mnoz kuex phuemx htenc nuiyc nyauk hvlc mungx nuex httaz tvkoc thvl wvnc toq.

2 KAÜWA WERAÜ 20:20

Nvp yix raungnuiyq raungnvp saz maq mungx miqsaz htenc kuex Tekoa hep kumtsvy tvnx nuex kaz wvnc wuez tueq. Tsuinghez kvmoay phaungc wvnc koq tueq Jehoshaphat rueq vkhoc tsuinghez muex jungx tueq: “Yuda nuiyc Yerusalem wawc miq htenc lex! Yehowa nuimshiq Tishox muex tvluimc wuez shuinz, ngoz ruiux nuimshiq kuex phaungx duing jvp lot tuinx. Nuimshiq muex jungx yaq shvmmax bix kvjaz kvmac kvmx kuinz, kvkaq nuimshiq rueq lot laungc wuez shuinx,” ngoz tueq jungx tueq.

2 KAÜWA WERAÜ 6:1

Kvruex yimaq Hokhvmx Solomon rueq, “Yehowa lex, mnoz kuex phuemx nuiyc vnyauk mungx nuex httaz tvkoc thvl wvnc toq.

Tvtsvmc 97:2

Phuemx htenc nuiyc raungnyauk rueq vpiq kuex tvroz tuimz nuex httax ruiux; vpiq rueq tsuingrux nuiyc tvrac vlvmz maq guimz lawc yaq.

Tvtsvmc 99:7

Vpiq rueq tsuinghez muex phuemx tul maq kvjak naungx tueq; vpiq rueq tsuinghez muex kuq tueq tvrac htenc nuiyc nvrc bomc htenc kuex tsuingshiq phvnx tvhungx wuez tueq.

DUNGWVNC 14:31

Israel miqsaz kuex Yehowa rueq luimc vkawc yunghvlc maq Ejip miqsaz htenc khvt gay tueq kuex khiz vtueq, Yehowa muex hiyaz tvtsanc nganc wvnc wuez tueq; tsuingshiq kuex Yehowa muex nuiyc vpiq nvrc waz Moshe muex kvmluimx wvnc wuez tueq.

DUNGWVNC 19:16

Raungnuiyq thuimx vngoz raungnvp kanx nuex raungmuk, raunglep vtueq phuemx htvy hvlc daungx shiz kuex httuiuc kaz tueq, bolic thuic yunghvlc muinz kvtay tueq. Kvkaq jerak wawc miq htenc kuex hiyaz kvkhuirc wuez tueq.

DUNGWVNC 20:21

Yuq muinz miq htenc kuex loayc hvlc nuex dvyx jvp wuez tueq, Moshe dvyx Tishox httax yaq phuemx nyauk daungx hep kvyuq kaz tueq.

DUNGWVNC 34:5

Yehowa kuex phuemx tul maq svt kaz vtueq vhep nuex jvp ruiux, Yehowa ngoz tueq vpiq Vsawc muingc kuex kvjungc tueq.

DUNGWVNC 4:31

Tsuingshiq kvmx wuez tueq, Yehowa kuex tsuingshiq kox nuex svt kaz vtueq, tsuingshiq pinhtumc tvkuilc daz yaq kuex khiz tueq shex lvmz tay wuez vtueq, tsuingshiq bumx vtueq nawk palx wuez tueq.

DUNGWVNC 4:5

Yehowa rueq, “Israel miqsaz khaungkac nuex kvkhoc ruez kuq shuiuz, kvkhoc ngoz ruiux jix mnoz kuex tsuingshiq jix vwaz tamx Tishox, Abraham, Esak nuiyc Yaku Tishox, Yehowa rulc rvhumc toq lvmz kuex tsuingshiq kvmx tuex,” ngoz tueq jungx tueq.

ISAIA 19:1

Vruex kuex Ejip nuex seng yaq bomjungc rvtueq. Yehowa kuex phuemx nuex ngaungc vtueq Ejip nuex yauk lox maq kaz yaq. Ejip yac yuimx htenc kuex vpiq khaungkac nuex kvkhuirc vtueq, Ejip miqsaz htenc khvmc thuinz kuex sumx wvnc tuex.

ISAIA 7:9

Israel kuex Samaria mungx nuiyc kvruex ghaqyungx htauk nuex jvnc vtueq hungc vguez, Samaria mungx kuex hokhvmx Peka tanc khvnc hungc vguez. “Mkhoc shoc maq mnoz kvmluimx thuinz phaungx muq ngoz ruiux kuex, mnoz ngaungx lot tuiux rvmuq.”

WEAWEA 12:5

Yehowa kuex phuemx tul maq httuiuc kaz tueq, Tap kaluix nuex jvp vtueq, “Arun nuiyc Miriam!” ngoz tueq gvl tueq. Kvkaq tsuingnueyc kuex max kac kvyuq kaz koq tueq,

Matthew 17:5

Piq rueq kvkhoc jungx yaq baunglaung phelez hvlc phuemx daungshiz rueq tsuinghez kuex buingc wvnc tueq, phuemx mungx maq, “Vruex waz kuex ngaz rueq raungc raq hvlc Saz rvtueq, vpiq kuex ngaz rueq lungwawx vshaungx, vpiq kvjaz tay wuez shuinz,” ngoz tueq.

Mark 9:7

Kvkaq phuemx daungx shiz rueq tsuinghez kuex puingc wvnc vtueq, phuemx mungx maq kvjak tueq kuex, “Vruex waz kuex ngaz rueq lungwawx vshaungx Isaz rvtueq, vpiq kvjaz tay shuinz!” ngoz tueq.

Luke 10:16

Yesu rueq vpiq sangac bix muex, “Nuimshiq kvjaz tay jix waz kuex ngvy kvjaz tay jix waz rvtueq, nuimshiq kvjaz lvlc gay jix waz kuex ngvy kvjaz lvlc gay jix waz rvtueq, kvmaq ngvy kvjaz lvlc gay jix waz kuex ngvy nvrc jix Waz kvjaz lvlc gay rvtueq,” ngoz tueq jungx kuq tueq.

TRI CHONGKE 4:10

Sinai Kanx maq Yehowa nuimshiq Tishox khaungkac nuex jvp tuit raungnuiyq ikaq vpiq rueq ngaz muex ngoc, ‘Miq htenc kuex tvtuimx shuiuz. Ngaz rueq jungx phaungx kvjaz kuex tay shuiuz, ngoz ruiux yuq jix tsuingshiq tvraungx httax tuex wawwawx ngvy kvjaz tay phvnx vtueq kvrulc rv-ngvlc hulawx tsuingshiq suiuz vsaz htenc muex tvluing jungphvnx kuq lvp laz juing ngaz rueq jungx vshaungx kvjaz tsuingshiq muex tvtay wvnc roc vshaungx,’ ngoz tueq ngaz muex jungx kuq phuex.

TRI CHONGKE 4:36

Vpiq rueq nuimshiq muex jungphvnc kuy tvkoc raungx maq kvjak yaq tvruingc kuex tay wvnc tuit shex; ghaq htauk vyuq muinz vpiq vsawc wvr kuex nuimshiq muex tvkhic vtueq kvruex wvr mungx kvmaq nuimshiq rulc kvjak tueq.

Revelation 1:7

Lawc shuinz, vpiq kuex phuemx htauk nuex ngaungc vtueq httuiuc kaz yaq! Vpiq kuex paq maq shuy jix htenc rueq nuiyc miq lotlaz rueq vpiq khiz wvnc lvp shuex. Ghaq htauk wawc miqphvnx lotlaz muinz vpiq ningkhvnc nuex thuinbac yonzyex wuez tuex. Kvrulc rv-ngvlc m-yaungx wvnc kueq!