DUNGWVNC 19:9 - ASII LAKDAP Bible (BSI)

⁹ Tatiwe raq Mosheq ma nguto, “Ngi ka ümnaq pha na phumda theapak pak mong na mikiha. Krai mren mungmaiqse raq Ngi ka ümniirai riibom ka mitai. Raüta tsangshiq raq ümchaü armiiphat she ümniima mikam wan.” Kiimaq Mosheq raq Tatiwe ma mungmaiqse raq apaiq bom tretaq kra chongto.

Hawa Naga Bible 2001

⁹ Yehowa rueq Moshe muex ngoc, “Ngaz kuex htvy hvlc phuemx daungx maq mnoz kox nuex kaz raungx, mnoz rulc ngaz kvjak taungx kvjaz kuex miq htenc rueq tay ruiux yuq, majuiuc vmaq phaungc vtueq mnoz muex kvmluimx wvnc tuex,” ngoz tueq jungx tueq. Miq htenc rueq tvralc tueq kvjaz kuex Moshe rueq Yehowa muex tvtay jungx koq tueq,

DUNGWVNC 19:9 Referencias Cruzadas

1 HOKHVMX 8:12

Kiijiishe Solomon raq akhiishe achu jaüto: “Tatiwe, ümniiraq rashe kaü ka ra na paq laü, li jiimin ümniika phumda mong na sitlaü kiimaq ranyaq nyang mong na sitlaü.

2 KAÜWA WERAÜ 20:20

Kriimaq napjai ranap na mungmaiqse ka Tekoa hiqshong tho na rumnyangkhi wang kiiniishe kihoto. Tsangshiq ka kiim tiido wan she kiijaq Jehoshaphat raq mungmaiqse ma akha trahoto: “Juda mungti nai Jerusalemti lei! Namshiq kamtsan tsü ka Tatiwe namshiq Shiikeawe ma thü rong laq. Hanla namshiq ka pharang rang maq michap han. Ashammibi raq namshiq ma jam lai wa chongkuqtaq kriima kamrong laq. Hanla namshiq raq mi ong han.”

2 KAÜWA WERAÜ 6:1

Kiijiishe Hokhamwe Solomon raq akha achu jaüto, “Tatiwe ümniika phum mong na nai ranyaq mong na sitlaü,

Tvtsvmc 97:2

Phumthup nai ranyaq raq atro maq pangtlo; apaiq raq mung ka kechu maq nai tingting kappe maq shin raüta pengtlo.

Tvtsvmc 99:7

Apaiq raq tsangshiq ma phumda toqpum kham maq bomto; tsangshiq raq apaiq tri raütu nai apaiq aming thun ka langto.

DUNGWVNC 14:31

Kiimaq Israilnok raq Tatiwe raq ningkun henghea maq Ejip mungti ka khat raüta tangtaq kra chhi raüta, tsangshiq ka khakii huhu maq Tatiwe ka shrengto. Kiimaq tsangshiq raq Tatiwe ma kamto kiimaq apaiq jaq shi se Mosheq ma kamto.

DUNGWVNC 19:16

Ranaiqtsam ngoja ranap na ramoktrang nai rachhaiwa trang she riiwanto. Kiimaq pum ka phumda theapak pak raq pang wanto. Kiimaq nüchhong lerongtsü ka henghea lang taito. Piitiip na siti mungmaiqse kunli ka akü anyii tiikhaito.

DUNGWVNC 20:21

Shatmaq mungmaiqse ka aluwiq niili chapruq riito. Mosheq lam lamse li kra phumda nyaqdok dok mong maq Shiikeawe bomtlaq kra tho na wato.

DUNGWVNC 34:5

Kiimaq Tatiwe ka phumda mong maq satkito. Raüta kiijaq apaiq rai chapkito. Raüta apaiq asii mang chong, Tatiwe kra chongto.

DUNGWVNC 4:31

Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.

DUNGWVNC 4:5

Kiimaq Tatiwe raq nguto, “Ara klo laüta Israilnok ma Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai riihum kito dea nguta saqse tiichhi kuqlaq.”

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

ISAIA 7:9

Israil mung ka tsangmung nyung chong chela Samaria thaq na ajong riimak. Kiimaq Samaria chela ka tsang Hokhamwe Peka ningkun thaq na ajong riimak. “Ümkam tsantsii ka phataqtaq atsing angang riimak raüla, ümniika tsinglot maü mirhaü.”

WEAWEA 12:5

Kiimaq Tatiwe ka ra wa phumda kham mong na sat kito. Raüta Tombutiip kilamchong na chap kito. Raüta tsang nai ka akha heato, “Aron! Miriam!” Krai mren, tsangnai ka khaki nü na kiim wiisaq raüta khaki na chapto.

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Mark 9:7

Kra liipan bala niili, phumda kaü ashi satsaq raüta, tsangshiq ka nyamsaq li she pang wanto. Kiimaq phumda mong wa, “Arka I Se. Ngi raq apaiq pinthum lungwii tiikang. Apaiq bom ka taironglaq!” nguta maiq bom ashi she saükito.

Luke 10:16

Jesuq raq ajaqshisetiim ma bom ka akha chongkuqto, “Jurwa namshiq bom tai tlaq; kriika i bom tai tlo. Jurwa namshiq tao mak; kriika ngi armin tao mak. Kiimaq jurwa ngi tao mak; kriika ngi tiikaitiwe kriimin tao mak.”

TRI CHONGKE 4:10

Namshiq ka Tatiwe namshiq Shiikeawe man na Sinai Pum maq chap wan lan ranaiq wa bomtsi kra chongkuq ronglaq. Kra akhing na, apaiq raq ngi ma akha nguto, ‘Mungmaiqse ka adam na triitamlaq. Ngi raq tsangshiq ma jamlai chong ke chang wa asi kra tsangshiq raq tai ratlo. Raüta tsangshiq ka atra sishat wiiwii ibom chong ara lang raüta singa wan kra mitsinlaq. Kiimaq tsangshiq raq tsangsetiim ma ara aming thun ara lang raüta siwan miitu mishrinkuq wanlaq.’

TRI CHONGKE 4:36

Apaiq raq namshiq ma apaiq bom ka ramungtan maq abom kra tiitai kuq wanto. Kriika apaiq raq namshiq ma tsii chongke wan miitu kloto. Kiimaq ara mangjong hiq raikhü armaq, namshiq ma apaiq asii walütu nyaitlaq kra tiichhi kuqto. Raüta kra walütu kaü kra mong maq apaiq raq namshiq rai riibom damto.

Revelation 1:7

Liirong laq, apaiq ka phum rai saühotlo she! Wiitarü raq apaiq kai rai ka michhi. Apaiq ka piq maq shukti riimin michhi. Apaiq saükai chhiwi raüta, mangjong maiqse wiita aho anyi miraq. Amen.