DUNGWVNC 13:12 - ASII LAKDAP Bible (BSI) namshiq raq nyamse chhikhu pongse nyungtlaq kra Tatiwe ma kiinongke ratlo. Nam nyamse chhikhu nyungtlaq loweatek kriika Tatiwe rii. Hawa Naga Bible 2001 nuimshiq rueq miqwaz pekhux htenc kuex Yehowa muex lekuy rax. Nuimshiq nyvmx saz nyuiuz khux vpung htenc kuex Yehowa rueq guimx yaq. |
Kiimaq, nashiq raq, nase chhikhuse hum wan tiikai kra, Thungtri na chong tlaq kra phanphan, Shomjam na boqho laita, ramwebi phana boqho lili mirii rong i. Laita, Shiikeawe ma kiinong kuq wan lili mirii rong i. Kiimahali, nashiq jam na jam nyamse sitlaq kiiwa, minsaü kaütiim raq ase chhikhu nyungtlaq kra lo, sku kaü raq ase chhikhuse nyung tlaq kra lo, kiimaq chhechhi kaü raq ase chhikhuse nyungtlaq kra, Shiikeawe ma kiinong kuq wan lili mirii rong i.
Kiimaq, nashiq raq, tsamnye apha shaq shaq jut siq wan tiikai kiiwa, hai awong kra, kiimaq winsii lum laita, kiimaq laihin honglu, che, olip tai, kiimaq phanphan petsi pan wan tiikai kriiwa, kra thun ka Shomjam na hupsam thü wan chang khok kiijaq adam na lamho lili laita, ramwebi jaq na kuq wan lili mirii rong i. Kiimaq, nashiq raq, nashiq wak ajam na dong man wantlaq tü atsam kriiwa, honglu hiwanti Lewinok watlaq kra jaq na, aroqkhu wa kra kuq wan lili mirii rong i.
“Chhikhu setiim maiqwe sere tlotli ka Ngi ma kiinong kuqlaq. Jamkhano ngukla Israilnok sere chhikhu setiim loweatek kra kiimaq nyamse chhikhu nyungtlaq loweatek thun kriika Ngi rii.”
“Ngi ma honglu thun ka üm bunwong wa, üm spiqtai wa, kiimaq oliptsi tai wa ake chang akhing riikhaqli na kuqlaq. “Ngi ma üm se chhikhuwe ka kuqlaq.
“Loweatek chhikhuse maiqwese rawiichhitlaq kra nai jam nyamse chhikhu nyungtlaq kriika Ngi rii.
Shatmaq namshiq raq loweatek kumtoq se chhikhu nyungtlaq kriika ijaq wa skuse ashi ka pumsong honglu na kuq lanta dawan lili ronglaq. Namshiq raq kra ijaq wa riwan man jiila, kra kumtoqse dangkong ka atiingo buk ronglaq. Maiqwese chhikhuse loweatek ka ijaq wa ada riiwan ronglaq. “Ngi phana maiq jumin honglu kechang ahü jaqmii maq sham tiichhiwa maimak.
“Kriithun kra laütiishe, Ngi miitu ümsetiim maiq wesere kiimaq jechak sere thun hum wan laü kra, ümniiraq sumla phra thun kiima honglu na takuq wan laü. Riita atinkhan ümniiraq Ngi shummii wan laü arka abi pinthum riimak sha? Kra hongmak dea sha?
Ngi ma ahea pinthum tsamwi poi na honglu kuq wan tlaq kra, kiimaq Ngi ma phanrap honglu kuqtlaq kra ramwebi rii miraq. Mungmaiqse raq winsii lumtlaq akhingtek na tsangshiq raq aphashaq shaqti ka ramwebi ma honglu na kechang. Kiimaq tsangshiq jamkun na Ngi achu shiiman misi wan.
Jam nyamse chhikhu nyungtlaq kriika Tatiwe rii dongdii. Kra ningkhan jurmin chhikhu nyung phati kriika maiqmii tsantsii honglu na Tatiwe ma kiinong kuqmak raüjaq ahea. Minsaü se ngu i, skuse ngu i, riimakla chhechhi se ngu i, wiita ka Tatiwe rii siisaq.
“Ase chhikhuse riimakla nyamse chhikhuse Israilnok raq Ngi ma kiinong kuqtlaq kriithun ka ümnii riishe. Shatmaq ümniiraq maiqse chhikhuse loweatek daa wan miitu ari athii kuqtlaq kriika ajaü ratlo. Kiimaq nyamse ashe phan chhikhuse nyungtlaq kra daa wan miitu ari, athii kuqtlaq kra kampho kiimin ümniiraq jaü ratlo.
“Lewi phan ka ümchaü Ngi rii she. Ümtiikiiwa Ngi raq Ejip mung wa maiq chhikhu setiim kra jiipbaiq kang, Ngi raq Israilnok phan wa maiq takitek wa chhikhusetiim ka ise chhikhu she nguta iramkham maq tiibok wan kang. Kiimaq tsangshiq nyamse chhikhu ümchuwa nyungtlaq kriimin Ngi rii she nguta ramkham maq tiibok wan kang. Riita ümchaü ka Ngi raq Israilnok sere chhikhu setiim ka Ngi rii she nguta lang wan la na, Ngi raq Lewi phan kriishe ise chhikhuse ma tsea wan kang. Tsangshiq ka Ngi riishe. Ngi ka Tatiwe.”
Ümtiikiiwa Ngi raq Ejip mungti chhikhu setiim maiqwe sere tsat baiq wankang akhing na, Ngi raq Israilnok takitek wa maiqwe sere chhikhuse thun kiimaq jam nyamse chhikhu setiim thun ka Ngi riishe nguta iram kham maq tiibok wan kang.
Arka, Tatiwe Tri na, “Rawü chhikhu maiqwe se angu khumtek kriika, Tatiwe ma kiinongke chang,” nguta chongtaq kra phanphan kloto.
“Tatiwe üm Shiikeawe rii üm minsaü kong raq nai üm sku kong raq ase chhikhu ümchuwa nyungtlaq kra wiita, pong na rai laüta thübaiqlaq. Arthun minsaü setiim kriima jaq naq tiishamkiq. Kiimaq skusetiim bin kra asi maimak.