DUNGWVNC 34:20 - ASII LAKDAP Bible (BSI)

²⁰ Shatmaq namshiq raq loweatek kumtoq se chhikhu nyungtlaq kriika ijaq wa skuse ashi ka pumsong honglu na kuq lanta dawan lili ronglaq. Namshiq raq kra ijaq wa riwan man jiila, kra kumtoqse dangkong ka atiingo buk ronglaq. Maiqwese chhikhuse loweatek ka ijaq wa ada riiwan ronglaq. “Ngi phana maiq jumin honglu kechang ahü jaqmii maq sham tiichhiwa maimak.

Hawa Naga Bible 2001

²⁰ yuq muinz loze saz nyuiuz phaungc kuex khelbuenx vshiz maq layc vtueq daungc wvnc shuinz, daungc wvnc roc muit ngoz ruiux kuex loze duingx kuex tv-ngawk gay rax. Nuimshiq sahez pekhux htenc kuex lotlaz daungc wvnc wuez shuinz. “Ukhaq yuq muinz shomc kuy juing lomx muq maq ngvy khaungkac nuex nyuip kay mvy muq.

DUNGWVNC 34:20 Referencias Cruzadas

2 SAMUEL 24:24

Shatmaq hokhamwe raq treto, “Riimak. Ngi raq ari mikuq kang. Ngi raq Tatiwe, i Shiikeawe ma phe maq alap ha hupsam ka honglu na kuq mang.” Krai mren apaiq raq kra tsambuk chang hiq ba ka nai minsaü pongwetiim ka kampho kamsii roqbiingi maq rito.

DUNGWVNC 13:10

Ara poi ka rawiitek riikhaqli rahiq jipi akhingtek na lang wan lili ronglaq.

DUNGWVNC 13:12

namshiq raq nyamse chhikhu pongse nyungtlaq kra Tatiwe ma kiinongke ratlo. Nam nyamse chhikhu nyungtlaq loweatek kriika Tatiwe rii.

DUNGWVNC 13:13

Shatmaq namshiq raq apaiq jaq wa kumtoq apong se chhikhu nyungtlaq loweatek kriika skuse ashi honglu na takuq lanta apaiq jaq wa atiijang riwan nong raatlo. Kiimaq kumtoqse ka apaiq jaq wa arithü nong romaü jiila, adangkong ka tiingoq buklaq. Kiimaq ümniiraq ümse maiqwese chhikhuwe rawii chhitlaq loweatek ka apaiq jaq wa atiijang ri wan raa dongdii.

DUNGWVNC 13:15

Ejip mung hokhamwe tsantsii ka wanshak shak riito. Kiimaq nashiqnok ka tlaü wan mak ningtangto. Kiijiishe Tatiwe raq Ejip mung wa chhikhuse humtlaq loweatek kra maiqwe se lo kiimaq nyamse lo thun kra wiita tsat baiqto. Kra ningkhan nashiq raq nyamse chhikhuse nyungtlaq loweatek kra Tatiwe ma honglu na takuq tiikai. Shatmaq nasetiim chhikhusetiim ka apaiq jaq wa ari laita tiijang wan nong tiikai.

DUNGWVNC 22:29

“Ngi ma honglu thun ka üm bunwong wa, üm spiqtai wa, kiimaq oliptsi tai wa ake chang akhing riikhaqli na kuqlaq. “Ngi ma üm se chhikhuwe ka kuqlaq.

DUNGWVNC 23:15

Abib jipi lü na, ümniiraq Ejip mung wa laü wan laü jipi lü na, Pi Maq shohü winsii phaq poi kra langlaq. Kriika Ngi raq aming kuqkang kra phan phan langlaq. Ara poi klotlan ramiishi liipan na pi maq asho winsii ka nü na thii maimak. Kiimaq Ngi shomnoq wa watlan na honglu kechang ahü jaqmii maq wa maimak.

WEAWEA 18:15

“Ase chhikhuse riimakla nyamse chhikhuse Israilnok raq Ngi ma kiinong kuqtlaq kriithun ka ümnii riishe. Shatmaq ümniiraq maiqse chhikhuse loweatek daa wan miitu ari athii kuqtlaq kriika ajaü ratlo. Kiimaq nyamse ashe phan chhikhuse nyungtlaq kra daa wan miitu ari, athii kuqtlaq kra kampho kiimin ümniiraq jaü ratlo.

TRI CHONGKE 16:16

“Nam mungti maiqwere thun tarü ka wiishi na jangtsam noqku chang hiq bashi Tatiwe raq atsea thü kiijaq kilili raüta Tatiwe ka shomnoq kai ratlo. Arka Tiichhiiwan Poi, Tsamwi Poi, kiimaq Jolitiip Jap Poi akhing na kai lili riichang. Maiqwere loweatek raq kongphiq lamho raüta kaichang.