NEHEMIA 10:37 - ASII LAKDAP Bible (BSI)

³⁷ Kiimaq, nashiq raq, tsamnye apha shaq shaq jut siq wan tiikai kiiwa, hai awong kra, kiimaq winsii lum laita, kiimaq laihin honglu, che, olip tai, kiimaq phanphan petsi pan wan tiikai kriiwa, kra thun ka Shomjam na hupsam thü wan chang khok kiijaq adam na lamho lili laita, ramwebi jaq na kuq wan lili mirii rong i. Kiimaq, nashiq raq, nashiq wak ajam na dong man wantlaq tü atsam kriiwa, honglu hiwanti Lewinok watlaq kra jaq na, aroqkhu wa kra kuq wan lili mirii rong i.

Hawa Naga Bible 2001

³⁷ Naungshiq rueq vphaungc shauk yut shix tuiuz vtsvmz maq tvhungx shix wungwanx, vganc shomc kuy juing svpiq tix, olip puiz nuiyc pulx thuey phvnx ruip saz kuex Shomc Yuimx wawc shomc waz bix kox nuex wawc tek lvmz laq vshix. Naungshiq rueq naungshiq wuik vnax shuimc jix miqghaq htenc wawc mvnz rokshiz wawc mvnshiz tvjomx jix Lewi miqsaz kox nuex naungshiq rueq miqmac wuik vnax wawc vthuey vngoz mvnz rokshiz wawc mvnshiz kuex lvmz laq vshix.

NEHEMIA 10:37 Referencias Cruzadas

2 KAÜWA WERAÜ 31:6

Juda mung na chela thun na siti mungmaiqse raq tsangshiq nyamse chhechhi minsaü, kiimaq skukong khuthaq wa aroq khu wa honglu thun kra kuq wanto. Kiimaq tsangshiq raq Tatiwe tsangshiq Shiikeawe ma akiinong kuq wan kiiwa phan phan kongphiq pahea kuq wanto.

NEHEMIA 13:10

Kiimaq, Lewinok dunghea wan chang honglu ka mungmaiqse raq samhea kuq wan mak shishe baiq kha maq, Shomjam maq noqku akhing na, Shiikeawe shomnoq wan, nokwe shunshea wantibi, Lewinok nai ashi ange wanti kong kriika, tsangshiq maiqmiimii hiqshong rap na, wak jaqsham sea wa she hali jang wan wito nguta bom ka ngi raq tai kang.

NEHEMIA 13:12

Kra riikang tiishetiq, Israilnok wiita raq Shomjam na rai awong, spiqtai, kiimaq olip tai kra honglu na kuq wan nongto. Raüta, honglu thüchang khok thun kiijaq thüto.

NEHEMIA 13:5

Apaiq raq Shomjam mong na khok ajong pinthum ashi, kra khok kriika, honglu kuq wantlaq tü atsam, kiimaq homseng, kiimaq Shomjam na lang chang huk nai sam ja nai piq thun, ramwebi ma akuq honglu thun, kiimaq aroqkhu wa akuq honglu piiwong, spiqtai, kiimaq Lewinok ma akuq olip petsi tai thun, kiimaq Shomjam na ashi ange wanti ma akuq honglu, kiimaq Shomjam kheti hokranok miitu akuq honglu thun kra saiq sam chang khok kriika Tobia raq lang miitu kuq baiqto.

NEHEMIA 13:9

Lata, ngi raq khok thun tiishe wantaq kra tiisii wan miitu, phumram kham maq bat rong laq ngutiishe, aming kuq kang. Kra tiisii hetse lot jai shetiq, Shiikeawe jam na lang wan chang, takchung pinchiim thun, rai awong honglu thun, kiimaq honglu homseng shan thun kra, Shomjam khok mong niishe hali tiisaiqsam wan nong kang.

DUNGWVNC 13:12

namshiq raq nyamse chhikhu pongse nyungtlaq kra Tatiwe ma kiinongke ratlo. Nam nyamse chhikhu nyungtlaq loweatek kriika Tatiwe rii.

DUNGWVNC 13:2

“Chhikhu setiim maiqwe sere tlotli ka Ngi ma kiinong kuqlaq. Jamkhano ngukla Israilnok sere chhikhu setiim loweatek kra kiimaq nyamse chhikhu nyungtlaq loweatek thun kriika Ngi rii.”

LEWI 23:17

Maiq shongtek raq winsii thopnai chhaq lam wan chang. Raüta Tatiwe ma akhek atiitsang kongphiq kechang. Winsii thopshi kriika bunwong win kilogram anainai maq pi maq sho raüta wa na kochang. Raüta Tatiwe ma bunwong hanpha wan honglu na kechang.

MALAKI 3:10

Namshiq aroqkhu honglu ümchuwa sitlaq kra, kunkun Shomjam na kuq ronglaq. Krai mren, kiijaq aphaq asea chang phan ka chamtraq ama miraq. Namshiq raq ngi maitai rong laq, ngi raq ramungtan kilü ka linham linhok lata miraü kuq ha. Phanrap phanrii achu shiiman phongtsoktsok she mikuq ha.

MALAKI 3:8

Ikhla ngi raq namshiq ma waipha. Riita maiq weshi raq Shiikeawe laolii ka maitlo sha? Kriika riimak. Ajiq. Shatmaq namshiq raq ngi lao tlan. ‘Jamkho lao tiikai?’ nguta namshiq raq waitlan. Aroqkhu honglu nai alu ke na lao tlan.

WEAWEA 18:15

“Ase chhikhuse riimakla nyamse chhikhuse Israilnok raq Ngi ma kiinong kuqtlaq kriithun ka ümnii riishe. Shatmaq ümniiraq maiqse chhikhuse loweatek daa wan miitu ari athii kuqtlaq kriika ajaü ratlo. Kiimaq nyamse ashe phan chhikhuse nyungtlaq kra daa wan miitu ari, athii kuqtlaq kra kampho kiimin ümniiraq jaü ratlo.

WEAWEA 18:18

Kriithun wa ngam thun ka ümniirii she. Akhuk ngam, kiimaq awühok hoktsi nüti thun akhek atiitsang honglu akuq ngam rea ka ümniirii she.

WEAWEA 18:21

Tatiwe raq nguto, “Israilnok raq Ngi ma aroq khuwa honglu kuqtlaq thun ka Ngi raq Lewinok miishe kuqbaiq kang. Arka tsangshiq raq Ngi asi Tombutiip shiili liitlaq kra miitu tsangshiq jaq maq she kuq tiikang.

Romans 11:16

Riita ija, winsii thop ashi kiiwa, phushi ka pan raüta, Shiikeawe ma honglu na kuq raü jiika, kra winsii thop kriika, wiithoptam Shiikeawe riishe miraq. Kiimaq, pechong ashi wa, arang thun kriika Shiikeawe ma honglu na keje she jiika, akü ako thun siwan tlaq kiimin, wiita Shiikeawe rii siisaq she miraq.

TRI CHONGKE 14:22

“Rawiitek üm wak na ümchuwa atsi ango dongtlaq kiiwa aroq khuwa honglu ka pong na lam laüta thü baiq lili riilaq.

TRI CHONGKE 18:4

Tsangshiq riika tsam nye siqtlaq kiiwa apha shaqshaq bunwong kra, spiqtai kra, olip petsi tsai kra, kiimaq unirai thun kra lap chang.

TRI CHONGKE 26:2

namshiq maiq loweatek raq tü atsam wak wa jamlai wa apha shaq shaq jutlan kiiwa wiijam taükok na thü ratlo. Kra laüta ümniiraq noqku chang hiq bashi tiitsang dada tiihong tseaje kriijaq lamholaq.