Biblia Todo Logo
La Biblia Online
- Anuncios -




NEHEMIA 10:37 - Hawa Naga Bible 2001

37 Naungshiq rueq vphaungc shauk yut shix tuiuz vtsvmz maq tvhungx shix wungwanx, vganc shomc kuy juing svpiq tix, olip puiz nuiyc pulx thuey phvnx ruip saz kuex Shomc Yuimx wawc shomc waz bix kox nuex wawc tek lvmz laq vshix. Naungshiq rueq naungshiq wuik vnax shuimc jix miqghaq htenc wawc mvnz rokshiz wawc mvnshiz tvjomx jix Lewi miqsaz kox nuex naungshiq rueq miqmac wuik vnax wawc vthuey vngoz mvnz rokshiz wawc mvnshiz kuex lvmz laq vshix.

Ver Capítulo Copiar

ASII LAKDAP Bible (BSI)

37 Kiimaq, nashiq raq, tsamnye apha shaq shaq jut siq wan tiikai kiiwa, hai awong kra, kiimaq winsii lum laita, kiimaq laihin honglu, che, olip tai, kiimaq phanphan petsi pan wan tiikai kriiwa, kra thun ka Shomjam na hupsam thü wan chang khok kiijaq adam na lamho lili laita, ramwebi jaq na kuq wan lili mirii rong i. Kiimaq, nashiq raq, nashiq wak ajam na dong man wantlaq tü atsam kriiwa, honglu hiwanti Lewinok watlaq kra jaq na, aroqkhu wa kra kuq wan lili mirii rong i.

Ver Capítulo Copiar




NEHEMIA 10:37
23 Referencias Cruzadas  

Yuda mungx wawc ghaqyungx htenc nuex httax yaq miq lotlaz rueq tsuingshiq suiux vmanx nuiyc khelbuenx kuex mvnz rokshiz wawc mvnshiz lvmz laq vtueq Yehowa tsuingshiq Tishox tvkoc vlekuq yauk noalc paunghvlc kvtauk lvmz kuq laq tueq.


Lewi miqsaz htenc nuiyc shomc yuimx nuex tuimc tvlc jix htenc kuex phuiuz vsvy hunghtaungx laz lvp muq ningkhvnc nuex miqmac wuik vnax htenc nuex yuz kaz wuez vtuex lvmz ngaz rueq tuiuz lvp tauk.


Kvkaq Israel miqsaz lotlaz rueq miqmac rueq htawc juing mvnz rokshiz wawc mvnshiz rvtueq, tuiz vtsvmz, svpiq tix nuiyc olip puiz kuex shomc yuimx taungx vwawx tvy juing khok htenc nuex lvmz laq wuez tueq.


Vruiy vwungx maq vshomc kuq htenc, vhomc vtumc phvnx htenc, Shomc Yuimx nuex shuimc lvmc juing maq phaungc vtueq, shomc waz bix tvkoc vshomc kuq nuiyc Lewi miqsaz htenc, shomc yuimx nuex tuimc tvlc jix htenc, shomc yuimx bvmc jix htenc tvkoc mvnz rokshiz wawc mvnshiz vhtawc tuiz vtsvmz, svpiq tix nuiyc olip puiz htenc kuex tvy juing khok yungx vshiz tvshuimc naungx tueq.


Khok htenc kuex nawk palx htungx maq tvsawc nawc ruiux, shomc yuimx nuex shuimc lvmc juing htenc, vruiy vwungx vshomc kuq htenc nuiyc vhomc vtumc phvnx htenc kuex htawc tvy yek tvkoc nvr tauk.


nuimshiq rueq miqwaz pekhux htenc kuex Yehowa muex lekuy rax. Nuimshiq nyvmx saz nyuiuz khux vpung htenc kuex Yehowa rueq guimx yaq.


“Israel miqsaz wawc jawc phaungc miqwaz nuiyc nyvmx saz nyuiuz phaungc vpung htenc kuex ngaz rueq guimz yaq ningkhvnc nuex, jawc phaungc miqwaz nuiyc nyvmx saz nyuiuz phaungc vpung lotlaz kuex ngaz muex lekuy rax,” ngoz tueq jungx tueq.


Taungx kac tek maq wanx ponueyc phok laq vtueq yauk noalc htep tvyaungc ruiux Yehowa muex lekuy rax. Wanx poz tek vtueq vshot vruex wanx kilogram 2 kuex wisiz maq tvwuiz ruiux vphaungc shauk shauk vlvp tuiz vtsvmz muex tvyaungc vtueq Yehowa muex shomc kuq shuinz.


Nuimshiq rueq mvnz rokshiz wawc mvnshiz kuex mvrc laz Shomc Yuimx nuex lvmz laq luit, kvkaq kvruex yuq phuiuz svy juing paunghvlc httax tuex. Ngaz muex talx lawc kuit, kvkaq ngaz rueq raungmungx katvnc puc htenc kuex daz vtueq vhvlx phvnx lotlaz nuimshiq htauk nuex phungc yungx rungc yungx ruiuc kuq phaungx kuex khiz wuez shuinx.


Ngaz rueq nuimshiq muex wiz ix, miq rueq Tishox muex rot kaq laulawc kuex aungx yaq haz? Vsuing aungx muq, yuq muinz nuimshiq rueq ngaz muex laulawc vphuinx. Nuimshiq rueq, ‘Yvmx khoc lac laulawc vshix?’ ngoz tueq wiz vphuinx. Kvruex kuex mvnz rokshiz wawc mvnshiz nuiyc shomc kuy juing htenc kvruex rvtueq.


“Miqsaz rvmuq ngoz ruiux nyvmx saz kuex ngvy tvkoc ngoz tueq Israel miqsaz rueq lekuq yaq pekhux saz kuex mnoz muex seng yaq. Yuq muinz pekhux sahez kuex nuimshiq rueq daungc ruiyx wvnc lvp shuinz, sawc muq nyvmx saz nyuiuz phaungc htenc muinz nuimshiq rueq daungc ruiyx wvnc yaq kuex thoz tvy shec rax.


Vkhuiuq nuiyc vkeq kox huk kuex nuimshiq muex seng yaq rulc rv-ngvlc vngvmx muinz nuimshiq muex seng yaq, kvruex kuex htep shomc kuy rvtueq.


Yehowa rueq, “Israel miqsaz rueq mvnrok shiz wawc mvnshiz ngaz muex kuq yaq kuex ngaz rueq Lewi miqsaz muex kuq tauk. Vruex kuex ngaz httax yaq Tap kvyuq shuimx kaz yaq hez tvkoc yauk mauk rvtueq.


Kvmaq raz tueq wanx phux shiz wawc phux shiz lvmz vtueq Tishox kox nuex vphaungc shomc kuq ruiux yuq, kvjungx yaq wanx wvtaungx shomc kuy muex yaungx yaq; kvmaq pulx jungx vruingx kuex Tishox muex shomc kuq ruiux yuq, vphak vnoz lotlaz shomc kuy yoalx muex yaungx yaq.


“Wawc tek nuimshiq wuik vnax htenc wawc dung yaq vthuey vngoz mvnz rokshiz wawc mvnshiz kuex pungbaung nuex lvmc tvy shec rax.


Vphaungc shauk shauk lvmz yaq tuiz vtsvmz, svpiq tix, olip puiz nuiyc khelbuenx mul htenc kuex tsuingshiq rueq lvp juing rvtueq.


nuimshiq rueq lvp luz shuinx vphaungc muinx yaq vthuey vngoz htenc kuex boarx nuex htawc vtueq, baungshiz nuex dvyx httax yaq nawk palx juing baung kvyuq lvmc lvy rax.


Síguenos en:

Anuncios


Anuncios


¡Síguenos en WhatsApp! Síguenos