WEAWEA 18:15 - ASII LAKDAP Bible (BSI)

¹⁵ “Ase chhikhuse riimakla nyamse chhikhuse Israilnok raq Ngi ma kiinong kuqtlaq kriithun ka ümnii riishe. Shatmaq ümniiraq maiqse chhikhuse loweatek daa wan miitu ari athii kuqtlaq kriika ajaü ratlo. Kiimaq nyamse ashe phan chhikhuse nyungtlaq kra daa wan miitu ari, athii kuqtlaq kra kampho kiimin ümniiraq jaü ratlo.

Hawa Naga Bible 2001

¹⁵ “Miqsaz rvmuq ngoz ruiux nyvmx saz kuex ngvy tvkoc ngoz tueq Israel miqsaz rueq lekuq yaq pekhux saz kuex mnoz muex seng yaq. Yuq muinz pekhux sahez kuex nuimshiq rueq daungc ruiyx wvnc lvp shuinz, sawc muq nyvmx saz nyuiuz phaungc htenc muinz nuimshiq rueq daungc ruiyx wvnc yaq kuex thoz tvy shec rax.

WEAWEA 18:15 Referencias Cruzadas

2 HOKHVMX 12:5

Ramwebi loweatek raq apaiq jaq na mungmaiqse raq honglu kuq wan tlaq kra, riikhaq li saiqsam raa. Raüta kra kampho maq Shomjam tiihea hai chang kra hai wan raa nguta chongto.

NEHEMIA 10:37

Kiimaq, nashiq raq, tsamnye apha shaq shaq jut siq wan tiikai kiiwa, hai awong kra, kiimaq winsii lum laita, kiimaq laihin honglu, che, olip tai, kiimaq phanphan petsi pan wan tiikai kriiwa, kra thun ka Shomjam na hupsam thü wan chang khok kiijaq adam na lamho lili laita, ramwebi jaq na kuq wan lili mirii rong i. Kiimaq, nashiq raq, nashiq wak ajam na dong man wantlaq tü atsam kriiwa, honglu hiwanti Lewinok watlaq kra jaq na, aroqkhu wa kra kuq wan lili mirii rong i.

DUNGWVNC 13:15

Ejip mung hokhamwe tsantsii ka wanshak shak riito. Kiimaq nashiqnok ka tlaü wan mak ningtangto. Kiijiishe Tatiwe raq Ejip mung wa chhikhuse humtlaq loweatek kra maiqwe se lo kiimaq nyamse lo thun kra wiita tsat baiqto. Kra ningkhan nashiq raq nyamse chhikhuse nyungtlaq loweatek kra Tatiwe ma honglu na takuq tiikai. Shatmaq nasetiim chhikhusetiim ka apaiq jaq wa ari laita tiijang wan nong tiikai.

DUNGWVNC 13:2

“Chhikhu setiim maiqwe sere tlotli ka Ngi ma kiinong kuqlaq. Jamkhano ngukla Israilnok sere chhikhu setiim loweatek kra kiimaq nyamse chhikhu nyungtlaq loweatek thun kriika Ngi rii.”

DUNGWVNC 22:29

“Ngi ma honglu thun ka üm bunwong wa, üm spiqtai wa, kiimaq oliptsi tai wa ake chang akhing riikhaqli na kuqlaq. “Ngi ma üm se chhikhuwe ka kuqlaq.

DUNGWVNC 34:20

Shatmaq namshiq raq loweatek kumtoq se chhikhu nyungtlaq kriika ijaq wa skuse ashi ka pumsong honglu na kuq lanta dawan lili ronglaq. Namshiq raq kra ijaq wa riwan man jiila, kra kumtoqse dangkong ka atiingo buk ronglaq. Maiqwese chhikhuse loweatek ka ijaq wa ada riiwan ronglaq. “Ngi phana maiq jumin honglu kechang ahü jaqmii maq sham tiichhiwa maimak.

WEAWEA 18:16

Nosere ka arawii jipi lüshi she angu na thungtri na athü kampho ngam siibiingi, mung raq langtlaq thii kriimaq ri raüta daa wan ratlo.

WEAWEA 3:46

Riita Israilnok maiq wesere chhikhu setiim ka Lewi phan maiqwe sere thaq na 273 achan apa. Kra nosere achan ümchuwa sitlaq kriika ümniiraq adaa wan ratlo.

TRI CHONGKE 15:19

“Tatiwe üm Shiikeawe rii üm minsaü kong raq nai üm sku kong raq ase chhikhu ümchuwa nyungtlaq kra wiita, pong na rai laüta thübaiqlaq. Arthun minsaü setiim kriima jaq naq tiishamkiq. Kiimaq skusetiim bin kra asi maimak.