1 SAMUEL 5:3 - ASII LAKDAP Bible (BSI) Kriimaq napjai ranapchu maq, Ashdod chelati raq Prenkaü sumla ka Tatiwe Tongshong Tek khaki kiijaq hiq na riwa raüta, atheaphi ka hiq nü na bumraü chhito. Raüta tsangshiq raq sumla ka kiiwa do raüta, apaiq tiinga chang ba kiijaq hali tiinga thüto. Hawa Naga Bible 2001 Nvp yix raungnuiyq raungnvp nuex Ashdod miqsaz htenc rueq lawc koq tueq, Yehowa Bomkhvrc Jep khaungkac nuex Dagon yac yuimx kuex ghaq nuex kvkuip rul kaz tueq kuex khiz tueq. Kvkhoc rvtueq tsuingshiq rueq kvruex tenz vtueq vtvy juing baung kvyuq taq yek tueq. |
Krai mren tsangshiq rii minsaü pongwe lamkuq wantaq kra taato. Raüta tiijeto. Raüta tsangshiq phrakaü Baal jaqwa ranaiq shethung shekham na saüli achu jaüto. Tsangshiq raq akha gitrangto, “Naishiq achu jaü trelaq, O Baal phra lei!” Raüta tsangshiq raq haitaq berong-wacha tro na wiinumsiqto. Shatmaq tsangshiq achujaü ka tremak riito.
Tsangjaq thun ka asi, shatmaq achhum ka chhumtsümak, kiimaq hokpe thun ka asi, shatmaq akhum ka khumtsümak; tsangshiq rotpo maq atsitsühea trang ka ahü.
Sumla thun noqtibi loweatek ma jea tiingaütlo; tlotli tisho thun raq Tatiwe khaki na bum raüta noqtlo.
“Kra rawa Ngi ka Ejip mung tlotli na mikiha. Lata chhikhuse maiqwe sere angu ka kiimaq jam nyamse chhikhuse thun ka kunli mijiip baiqha. Kiimaq Ejip mung wa phra kong thun ka wiita mitsat baiqha. Ngi ka Tatiwe.
Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.
Maiq ju jaq niiwa kampho min ahü kiimaq chaq min ahü, kriiti riika riimkimak phan pe maq haitlo. Apaiq raq tsiimwe ashi rittlo; raüta phra sumla ka hiq na riwan mak chang sumla haihuntlo.
Pesham smawe raq chaqngam smawe ma, ‘Thep tiiq laü!’ ngutlo. Jurwa sumla phra ka tiinyea haitlaqwe raq, sumla ka adam na khili maq tiikop tütiwe ka tsaijido somratlo. Tsangshiq raq ngutlo, ‘akii tro ka aheawiq lolaü,’ raüta tsangshiq raq sumla phra ka atiinga chang na khili maq tiipha tütlo.
Tsangshiq raq kra tsang phaqlam na do raüta pitlo; raüta tsangshiq raq hiq bashi na tiinga thütlo, tiinga thütaq ba kwiika atiimeshi min lotmak she. Maiq ashi ra wa raüta kriijaq achujaü raü min trelot mak, riimakla apaiq ka akhlaq chang wa tiichhiilot mak.
Tsangshiq tlotli ka maiqjiq kiimaq angikong. Pe sumla phong kriiwa tsangshiq raq jamlai wa misap tsin?
Tatiwe raq tsangshiq ka, tiiphiip miijiip she mirwan. Apaiq raq mangjong hiq wa phra sumla thun ka, thiihü hiqtili miili she mitiija wan. Raüta mangjong maiqse tlotli raq, maiqmii mung maq, Tatiwe kli she mishomnoq wan.
Kiimaq, maiqtsak raq arom wan atsiti thun raq, apaiq rai riihum tlaq na, tsangshiq ka akhaki na kaütsrong na bumsaqsaq raüta, akii anyii, “Ümniika Shiikeawe Se!” nguta hoqsii trangto.
Namshiq raq nammung tiithen baiq wantaq tsamtsi tha sumla nai jukpu tha sumla kra tiiq ratlo. Lanta namshiq raq Israilnok Shiikeawe ka shreng ratlo. Jursap akha klo han jiika, apaiq raq namshiq, namphra kong, kiimaq nammung ma apaiq mo tiiho mak she lo riijiiqla.